Daniyɛl 7:14 - Ghena ta Shala

¹⁴ Pa ŋkɛ kemave berete, zləvə ba'a meghe. Tagha gɛ, ntake pɛtɛa hwelefefi, pɛtɛa hɛɗi ba'a pɛtɛa ghena kamene nda slene. Kaghala ghala tenza berete ta ŋkɛ, katekiɗi ŋkɛ we. Kateza sebe te meghea ŋkɛ tɛape we.

Daniyɛl 7:14 Iomraidhean Croise

Cimə 102:22

Tagha gɛ, kategeze sləa Mahwətə mbeli mbe Siyon, katetsahe ŋkɛ mbeli mbe Zhɛrəzalɛm,

Cimə 103:19

Nahe Mahwətə keveyi pasla ta ŋkɛ pelɛ ghweme, gheŋkɛ nde sleke pɛtɛ wəshi.

Cimə 145:13

Nahe meghea ŋa kenza kameghe nya kaghala ghala, katetemə meghea ŋa keshi keshi. Nahe Shala kenza dɛŋe dɛŋe te meɗe mɛa ŋkɛ, kancɛ ɗe ta ŋkɛ ŋkɛ mbe yayata wəsə nya mene ŋkɛ.

Cimə 146:10

Mahwətə nde tenza kameghe kaghala ghala. Siyon, gheŋkɛ ya kaShala ta ŋa keshi keshi. Alɛləwya!

Cimə 45:6

Kelɛmelɛa lɛmelɛanji yɛ have ta ŋa, kampempahwe wənə hɛ te ka jaga ta meghe, kabete mbeli te hɛɗi va gha.

Cimə 72:11

Pɛtɛa ka meghea kɛfi kategwəɗəŋə mbe kema ta ŋkɛ, pɛtɛa hwelefefi katemene nda slene.

Cimə 72:17

Nza zləvəa meghe kaghala ghala, pesleyi geva ŋkɛ te hɛɗi lema. Ma tsagha katewəpi ghəa nci mbeli le sləa ŋkɛ ba'a kategeze pɛtɛa hwelefefi gheŋkɛ ya kameghe nya kewəpi wəpi.

Cimə 8:6

Nahe na kepate ŋkɛ takwa takwa kanza kashala, Nahe na kepeɗekɛ nda ghə le zləvə ba'a kwele.

Ɛzayi 16:5

Katenza pasla bereteke laka ganyɛa mehele kaŋa hwelefe ta David. Katenza nde meha ghwə nya kezele wəsə nya tiɗiɗi ba'a nza tiɗiɗi pelɛ.»

Ɛzayi 60:12

Kateza sebe te hwelefe keɗema hɛɗia meghe nya keɗema mene ŋa slene. Rayɛ teza sebe te hwelefefia shɛhɛ.

Ɛzayi 9:6

Katembake meghea ŋkɛ ŋkɛ ba'a katekeseyi kwelɛŋe nya keɗema kakiɗi ŋkɛ. Katenza ŋkɛ pelɛ pasla ta meghe David ba'a katesleke hɛɗi meghea ŋkɛ ŋkɛ. Katehi ŋkɛ ba'a katezhɛre ŋkɛ bereteke laka hawe va wəsə nya kehi ba'a nya tiɗiɗi, se tsetsenya pa kaghala ghala. Nya ya kawəsə nya temene Mahwətə nde berete va wəba ta ɗe ta ŋkɛ.

Ɛzayi 9:7

Nahe Mahwətə kegezete ghena te hwelefefia Zhakob nahe ŋkɛ keteɗe kənəa Israyɛl.

Daniyɛl 2:35

Kwetɛŋe seɗa ne, pa nde həmte lɛ, rekɛ, mze kwa ghwə ghwə, mze kwa tɛawetɛa ba'a mze kwa tere tere kakeləwə. Pa hɛ zhɛrenji kala slɛsli nya dzeyi yitea lane heghele. Pa sefə fəhwe hɛ, kaɗema mbeli kazhɛne kanakɛ hɛ. Ama pa pelɛ nya kehəmte pa ta wəndəa shɛ zhɛrenyɛ kaghweme nya wəba ba'a hərəkəhwe hɛɗi lema.

Daniyɛl 2:37

Meghe yawe, gha ya kameghea ka meghea kɛfi. Nahe Shala nya pelɛ ghweme kendeke ŋa meghe, kwele, berete ba'a zləvə.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 3:4

Ma ke wəndə nya te ghəa gəsəkə zlapete ghena: «Gheyɛ pɛtɛa hwelefefi nyi kese te pɛtɛa hɛɗi ba'a nyi kegeze pɛtɛa ghena, fa mə ghena nya:

Daniyɛl 4:3

Pa 'ya gezete kezha tsene pɛtɛa ka ntsehwele ntsehwele nyi mbe Babilone mbeli kase sha 'ya, yitea ncɛ ɗa ghena nya mbe shiwəa shɛ hɛ.

Daniyɛl 6:26

Ma kwa sebe ta ŋkɛ ne, ma ke meghe Dariyəs rafete nda ghena ke pɛtɛa hwelefefi, pɛtɛa hɛɗi ba'a pɛtɛa ghena nyi te hɛɗi lema: «Kanjiŋwe ŋayɛ 'ya!

Daniyɛl 7:18

Ma kwa sebe ta nci, ma mbeli nyi kaŋa Shala tehwə ghweme ne, katekemave meghe nya kaghala ghala ba'a nya kekiɗima hɛ.

Daniyɛl 7:27

Kateve geva nda meghe, berete ba'a kwelea pɛtɛa hɛɗi ka meghe nyi te hɛɗi ke mbelia Shala tehwə ghweme. Katenza meghea nci kameghe nya kaghala ghala, katehawe pɛtɛa hɛɗia ka meghe va hɛ ba'a katemene nda slene hɛ ke hɛ.

Abdiyas 1:21

Katehərə ŋkwa hɛ ba'a katedzeme ghweme ta Siyon hɛ kezha sleke Ɛdom. Mahwətə nde tenza kameghe gɛ!

Mishɛ 4:7

Ma nyi ketseheɗe ne, katezhɛre hɛ 'ya kanyi ketetene teghweme. Ma nyi kefəhwe geva ne, katezhɛre hɛ 'ya kahwelefe nya berete. Ma pelɛ ghweme ta Siyon ne, 'ya Mahwətə nde tenza kameghea nci, se tsetsenya pa kaghala ghala.

Matiye 11:27

Nahe Yiteyɛ ɗa kedapate ɗa pɛtɛa wəshi te dzeve. Wəndə shɛ keɗepe Wəzege keɗema Yita we, wəndə shɛ keɗepe Yita keɗema Wəzege we, nda wəndə nya ɗe Wəzege kancɛ nda ŋkɛ.

Matiye 28:18

Pa Yɛsə hendave nda geva ke hɛ. Ma ke: «Nahe pɛtɛa berete nya pelɛ ghweme ba'a nya kwake te hɛɗi kendeke ɗa geva.

Ləwke 1:33

Kameghea ka Israyɛl tenza ŋkɛ kaghala ghala, katekiɗi meghea ŋkɛ we.»

Ləwke 10:22

Nahe Yiteyɛ ɗa kedapate ɗa pɛtɛa wəshi te dzeve, wəndə shɛ keɗepe Wəzege keɗema Yita we, wəndə shɛ keɗepe Yita keɗema Wəzege we, nda wəndə nya ɗe Wəzege kancɛ nda ŋkɛ.»

Zhaŋe 12:34

Ma ke mbeli nyi ketsenete geva tagha: «Nahe n'yɛ kejaŋgate mbe palepa ta wəsə mahalegə, ma Mɛsi, wəndə nya ghweneke Shala ne, kaghala ghala tenza ŋkɛ, tsema geze na kateslete Wəzege ta za mbeli dzeme yitea ghweme pa wa? Wa Wəzege ta za shɛ wa?»

Zhaŋe 3:35

Kaɗe Wəzege Yita, nahe ŋkɛ keveyi pɛtɛa wəshi mbe dzeve ta ŋkɛ.

Ka Ɛbrə 12:28

Ma kwa nza ŋkɛ hɛɗi meghe nya keɗema kagaŋkəɗə geva yaŋ'we gheɓəmə ne, keseve ɓəmə zlaɓa shɛ megela laka mene nda slene ke Shala kala nya kenza zeɗehwe nda laka hawe ba'a ve nda ghə.

1 Piyɛre 3:22

nya kedzeme ghweme ba'a nya kentishɛ laka bela kwa zeme ta Shala, nya te ghəa ka ghwene ta Shala, ka sleke ŋkwa ba'a berete nyi pelɛ ghweme.

Ghena Kelɛŋə 1:6

Nahe ŋkɛ kezhɛrete ɓəmə kawəvəsəa ka dzeghe Shala kezha mene nda slene ke Shala nya kaYitenyɛ. Ŋa ŋkɛ nza zləvə ba'a berete kaghala ghala. Amɛn.

Ghena Kelɛŋə 11:15

Pa nde mberefaŋe ta nde ghwene ta Shala vɛte veke. Fa mbeli ne, kazlape geva ghena le berete pelɛ ghweme, ma ke ghena shɛ: «Nahe meghe nya te hɛɗi lema kenza kaŋa Nde sleke ɓəmə ba'a kaŋa wəndə nya ntave ŋkɛ, kameghe kaghala ghala tenza ŋkɛ.»

Ghena Kelɛŋə 17:14

Katempa hɛ le zhɛgwəa təmə, ama katehərə hɛ zhɛgwəa shɛ, kwa nza ŋkɛ nahe ŋkɛ kenza kaNde sleke ka sleke ŋkwa ba'a kameghea ka meghea kɛfi. Katehərə hɛ ŋkɛ le mbeli nyi hekakɛ ba'a nyi tsehave ŋkɛ, mbeli nyi dɛŋe dɛŋe te.»

Ghena Kelɛŋə 3:21

Ma wəndə nya kehərəte mpa ne, kateve nda hweŋkwa 'ya kezha nza pelɛ pasla ta ɗa le 'ya, kala 'ya, kwa sebe ta nya hərəte mpa 'ya ne, nahe 'ya kelə kantishɛ ɗa yitea Yiteyɛ ɗa pelɛ pasla ta ŋkɛ.