Daniyɛl 7:13 - Ghena ta Shala

¹³ Ma mba 'ya kanewe wəshi nyi kencɛ ɗa geva nyi heviɗi ne, pa 'ya nakɛ kwete wəsə kala wəndə ŋelɛ kase mbe ləmbə nya te ghweme. Hwa'a ŋkɛ ntsehe sha meha za, pa mbeli hendeyi ŋkɛ kwa kema ta ŋkɛ.

Daniyɛl 7:13 Iomraidhean Croise

Cimə 110:2

Katemtsehe bezlea meghea ŋa Mahwətə se mbe Siyon, katesleke ka jaga nyi dzeyi yitea gha na.

Cimə 2:8

Ma ke'yɛwete pɛtɛa hwelefefi na va 'ya ne, kateve ŋa hɛ 'ya kaŋa ŋa. Katenza hɛɗia ŋa hwa'a te mendɛkwe ta hɛɗi.

Cimə 47:5

Gheŋkɛ nde ntave ɓəmə hɛɗi kaŋa ɓəmə. Kagwəfə ghə ta Zhakob nya ɗehwe ŋkɛ. Zhɛne mpi.

Zhɛrɛmi 49:19

Katenza 'ya kala nivɛrə nya keshave mbe gamba nya mɛa Zhəwrdɛŋe kadzete ɗasle. Katefəmte mbeli 'ya pɛtɛ kala metɛ ta ntsə, kateve meghe nya ɗe 'ya 'ya mbe Ɛdom. Kwa nza ŋkɛ ne, wa wəndə nya kala 'ya wa? Wa wəndə nya nza 'ya kaghereŋe te ghwə le wa? Wa wəndə nya te ghə nya kenza kazhɛnete ɗa ghə wa?

Ɛzɛkiyɛl 1:26

Ma pelɛagha ne, kanewe kwete mbe wəsə kala pelɛ kwa lɛa lɛa ghweme nya nza pa ta ŋkɛ kala pasla ta meghe. Ma pelɛ ghəa wəsə nya kala pasla shɛ ne, kwete wəsə nya nza pa ta ŋkɛ kala wəndə ŋelɛ ya shɛ.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 7:12

Pa berete ta kweci wəshi keseɗa shɛhɛ zamte geva, ama pa temə teghweme kavə ɓɛhwɛ ndeke nda geva ke hɛ hwa'a te və nya kesləyi geva.

Daniyɛl 7:2

Wa nya nza ta wəsə nya ɓelate ŋkɛ nya: «Ma heviɗi ne, pa 'ya nakɛ sefə nya kese mbe bela ta hɛɗi wəfaɗe kawəvaɗe wəvaɗe ndərə nya wəba.

Daniyɛl 7:22

Ama pa meha za shɛ hendeke geva ba'a ndeke nda nza tiɗiɗi ke mbelia Shala tehwə ghweme. Ma kwa se və ne, pa mbelia Shala kemave meghe.

Daniyɛl 7:9

Ma mba 'ya mbe newe ŋkwa ne, pa yɛ pasla beteyi geva ba'a pa meha za ntishɛnyɛ. Nahe lekwesa ta ŋkɛ kenza tɛawe tɛawe kala kwacakelɛ, shintia ghəa ŋkɛ kala shintia təmə nya wɛŋe. Ghwə nde tse kwa pasla ta ŋkɛ, nahe wəshi nyi kala yɛ seɗa ta wəmata yite kenza kaghwə nya wəba.

Daniyɛl 8:15

Ma mba 'ya, 'ya Daniyɛl kanewe wəsəa shɛ ne, ntake 'ya kazele fa ta ŋkɛ. Pa 'ya nakɛ wəsə kala pa ta wəndə. Pa ŋkɛ se ba'a ghereŋenyɛ kwa kema ta ɗa.

Matiye 13:41

Kateghwene ka ghwene ta ŋkɛ Wəzege ta za, katetseha mbeli nyi keghwete ŋkwa yitea mene jaɗafa ba'a ka beze ghena hɛ shave mbe Meghea Shala.

Matiye 24:30

Ma tsagha, katencɛ geva wəsə kencɛ se ta Wəzege ta za dzeyi te ghweme. Kateŋgaɗe ghə ba'a katenehwene pɛtɛa mbeli nyi te hɛɗi, katenewe Wəzege ta za mbeli sawa te ləmbə le berete ba'a zləvə kwele kwele.

Matiye 25:31

Ma vəa ŋkwa nya tesawa Wəzege ta za mbe zləvəa ŋkɛ le ka ghwene ta Shala ne, katentishɛ ŋkɛ pelɛ pasla ta ŋkɛ nya nza zləvə te.

Matiye 26:64

Ma ke Yɛsə zhɛnete nda: «Gha nde gezete. Ama ma 'ya sha gheyɛ: tsetsenyanyɛ, katenewe Wəzege ta za yɛ mentishɛ te kwa zeme ta Shala nde berete. Katenewe ŋkɛ yɛ kasawa te ləmbə pelɛ ghweme.»

Matiye 28:18

Pa Yɛsə hendave nda geva ke hɛ. Ma ke: «Nahe pɛtɛa berete nya pelɛ ghweme ba'a nya kwake te hɛɗi kendeke ɗa geva.

Matiye 8:20

Ma ke Yɛsə shɛ: «Ghɛa nci ya va yɛ mbeyiga ba'a yɛ 'yɛ, ama Wəzege ta za, ghwəli shɛ ve gare zhɛne mpi ŋkɛ mbe we.»

Mark 13:26

Tagha gɛ, katenewe Wəzege ta za mbeli kasawa te ləmbə le berete ba'a zləvə kwele kwele.

Ləwke 21:27

Tagha gɛ, katenewe Wəzege ta za mbeli kasawa te ləmbə le pɛtɛa berete ta ŋkɛ ba'a pɛtɛa zləvəa ŋkɛ.

Ləwke 21:36

Nza mə le ntsə, səkwə mə ghə keveci keveci. Tagha gɛ, katenza berete va gheyɛ kasəwə wəsə nya ketemene geva ba'a kaghereŋe kwa kema Wəzege ta za.»

Ləwke 24:27

Ntake ŋkɛ kancɛ nda nza ta ghena nyi kegezete geva te ghəa ŋkɛ mbe Ghena ta Shala ke hɛ, pa ghate te yɛ palepa ta Moyize kajive te ŋa pɛtɛa kweci ka mɛ ŋkwa.

Zhaŋe 12:34

Ma ke mbeli nyi ketsenete geva tagha: «Nahe n'yɛ kejaŋgate mbe palepa ta wəsə mahalegə, ma Mɛsi, wəndə nya ghweneke Shala ne, kaghala ghala tenza ŋkɛ, tsema geze na kateslete Wəzege ta za mbeli dzeme yitea ghweme pa wa? Wa Wəzege ta za shɛ wa?»

Zhaŋe 3:13

Wəndə shɛ kegha kadzeme ghweme we, nda Wəzege ta za nya kesawa pelɛ ghweme.

Zhaŋe 5:27

Nahe ŋkɛ kendeke nda berete kemeha ghwə ke Wəzege, va nya nza ŋkɛ kaWəzege ta za.

Slene 7:56

Ma ke: «Wa nya 'ya nya kanewe ŋkwa kedzeme ghweme keghwene ghwene ba'a Wəzege ta za meslete te kwa zeme ta Shala.»

1 Ka Tɛsalonike 4:17

Ma gheɓəmə nyi mba teghweme vəa ŋkwa shɛ ne, katefə geva gheɓəmə kadzeme kadzembe ləmbə le hɛ kezha begeme le Nde sleke ŋkwa mbe sefə. Tagha gɛ, katenza gheɓəmə le Nde sleke ŋkwa kaghala ghala.

1 Timotɛ 6:16

Gheŋkɛ kwetɛŋenyɛ nde ɗema kamte, nya te ŋkwa nya ghwɛaɗɛaɗɛa nya ɗema wəndə kahendave nda geva. Kegha wəndə kanakɛ ŋkɛ we, wəndə shɛ kapesle kanakɛ ŋkɛ we. Ŋa ŋkɛ zləvə ba'a berete kaghala ghala. Amɛn.

Ka Ɛbrə 2:14

Kwa nza ŋkɛ nahe ŋwalea shɛhɛ kenza kambeli nyi nza slia geva ba'a mimi va hɛ, nahe Yɛsə le ghəa ŋkɛ kezhɛrenyɛ kala hɛ kezha kelehwe berete ta gətəli, nya nza berete kempə ŋkwa ve.

Ka Ɛbrə 9:24

Kwa nza ŋkɛ ne, kedzembe ghɛa Shala nya ŋate dzeve ta mbeli Kriste we, deke pa ta ŋkwa nya keveyi geva tekeleke kaganda ŋkɛ. Ama nahe ŋkɛ kedzeme ghweme nya nza ŋkɛ tsetsenya kwa kema ta Shala kezha gheɓəmə.

Ghena Kelɛŋə 1:13

Ma te tepe ta paterela shɛhɛ ne, kwete wəsə nya kala wəndə ŋelɛ ya shɛ meslete. Lekwesa nya kenza hwa'a te wəmbəa seɗa ya kənə ba'a zewe mze kwa tere tere ya hwa hwə ve.

Ghena Kelɛŋə 1:18

Nahe 'ya kenza teghweme. Nahe 'ya kese kemte mte, ama tsetsenya ne, teghweme 'ya kaghala ghala. Berete ya va 'ya te mte ba'a te ghɛa mbelia kwahɛɗi.

Ghena Kelɛŋə 1:7

Newe ma mə: sawa yasawa ŋkɛ mbe ləmbə. Katenewe ŋkɛ pɛtɛa mbeli, pa le mbeli nyi kempahwemte ŋkɛ. Kateŋgaɗe ghə pɛtɛa hwelefefi nyi te hɛɗi te ghəa ŋkɛ. Kaganda ne, katenza ŋkɛ kala nya! Amɛn.

Ghena Kelɛŋə 14:14

Newe 'ya zhɛkwa ne, pa 'ya nakɛ ləmbə kwa tɛawetɛa, ntishɛ kwete wəndə te ləmbəa shɛ kala wəndə ŋelɛ. Derə mze kwa tere tere ya mbe ghəa ŋkɛ ba'a hwətə nya nale nale ya yitea dzeve ve.