Daniyɛl 7:11 - Ghena ta Shala

¹¹ Mba 'ya mbe newe ŋkwa, tewəmbəreke gaka ta ghena ŋkele ntsə nya geze nya tereme nya ɓɛhwɛa shɛ. Ma mba 'ya kanewe ŋkwa ne, pa mbeli peslekɛ kwa wəfaɗe ta wəsə keseɗa. Pa mbeli zamte geva ta ŋkɛ laka negha ŋkɛ mbe ghwə nya wəba.

Daniyɛl 7:11 Iomraidhean Croise

Daniyɛl 11:45

Katemɓe cɛ lekwesa meghea ŋkɛ ŋkɛ kwelɛ yɛ ndərə le ghweme nya keveyi geva tekeleke ta hɛɗi nya ganyɛ ma. Tagha teceha ŋkɛ mte kaɗema wəndə shɛ kezha kemane ŋkɛ.

Daniyɛl 7:12

Pa berete ta kweci wəshi keseɗa shɛhɛ zamte geva, ama pa temə teghweme kavə ɓɛhwɛ ndeke nda geva ke hɛ hwa'a te və nya kesləyi geva.

Daniyɛl 7:8

Ma mba 'ya mbe newe teremea shɛhɛ ne, ntake kwete tereme mɛnɛfɛ, keɓɛhwɛnyɛ kapese kwelɛ kweci, pa nde betemte tereme mahekene. Ma te teremea shɛ ne, ntsə bake kala ŋa wəndə ŋelɛ ba'a mɛ nya kegeze ghena ŋkele ntsə ya shɛ.»

Daniyɛl 8:25

Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

2 Tɛsalonike 2:8

Tagha gɛ, katenca Nde 'yaghwa mehele nya teza sebe Nde sleke ŋkwa Yɛsə le sefə nya kesame kwa mɛa ŋkɛ ba'a nya tepesle ŋkɛ laka ɓele ta se ta ŋkɛ.

2 Piyɛre 2:18

Ghena kele ghə nyi ɗema ghena mbe yageze hɛ, kaghwete mbeli nyi kakatenehemte geva le mbeli nyi keza za hɛ le wəshi nyi mawe geva ta nci.

Zhəwde 1:16

Mbelia shɛhɛ ne, farefa shɛ va wənəa nci keveci keveci we, kaŋgaɗe ghə kevə kevə ba'a kazele wəshi nyi ndiremi ndiremi nyi mawe hɛ hɛ. Kageze ghena ŋkele ntsə hɛ ba'a kafale kweci mbeli laka wəshi nyi ŋ'we hɛ va hɛ.

Ghena Kelɛŋə 18:8

Vatse tedzete ndiremi nyi jama jama nyi kewəmbəyi nda geva te veci kwetɛŋe: zereghwe kemte, nehwene ba'a ma. Kateteremte geva nde le ghwə. Kwa nza ŋkɛ nahe Mahwətə Shala nya kemehate ghwə te kenza bereteke.»

Ghena Kelɛŋə 19:20

Pa mbeli kesawa wəsə keseɗa kwa daŋgayɛ, tsagha nde mɛ ŋkwa nde tseŋwə nya kemenete wəshi meŋele kwa kema ta ŋkɛ kezha ghwete mbeli nyi nza lamba ta wəsə keseɗa te hɛ ba'a nyi kehawe va pa ta ŋkɛ. Pa yɛ wəsə keseɗa le nde mɛ ŋkwa tseŋwə beteyi geva le mpi kwa ndərəa ghwə ta gezla.

Ghena Kelɛŋə 20:10

Kwa sebe ta ŋkɛ, pa gətəli nya keghwete hɛ negheyi geva kwa ndərəa ghwə ta gezla, nya nza yɛ wəsə keseɗa mbeli le nde mɛ ŋkwa tseŋwə kwa. Katesa yaka hɛ kwele kwele veci le viɗi kaghala ghala.

Ghena Kelɛŋə 20:12

Ma kwetere wəmbəa ŋkɛ ne, pa 'ya nakɛ mbeli nyi kempə mpə, mbeli nyi jama jama ba'a nyi ɓɛhwɛ ɓɛhwɛ, meslete meslete kwa kema ta pasla. Pa yɛ palepa pepelemte geva. Pa kwete palepa pelemte geva: gheŋkɛ ya kapalepa ta mpi. Pa ghwə mehate geva te mbeli nyi kempə mpə kala wəshi nyi menete hɛ, kala wəsə nya kerafete geva mbe palepa shɛhɛ.

Ghena Kelɛŋə 20:4

Ma ɓiyitsa ne, pa 'ya nakɛ yɛ pasla. Pa mbeli nyi mentishɛ pelɛ hɛ kekemave berete kemeha ghwə. Pa 'ya nakɛ shenaŋkwe ta mbeli nyi slamte ghə mbeli te hɛ tewəmbəreke nza ta nci dɛŋe dɛŋe te kaganda nya ncɛte Yɛsə ba'a te ghena ta Shala. Kese hɛ kahawe va wəsə keseɗa, ya va pa ta ŋkɛ we. Kekelete lamba ta wəsə keseɗa hɛ mɛa kema ta nci, ya te dzeve ta nci we. Pa hɛ same kwa kwele le mpi ba'a nzanji kaka meghea kɛfi zlaɓe le Kriste kava slibə.