Daniyɛl 7:10 - Ghena ta Shala

¹⁰ Ntake ghwə kahwɛ kala hələ kwa kema ta ŋkɛ. Mbeli tipə tipə ka ghereŋe kwa kema ta ŋkɛ kezha mene nda slene. Tagha gɛ, pa ka meha ghwə ntishɛ, pa yɛ palepa pelemte geva.

Daniyɛl 7:10 Iomraidhean Croise

1 Ka Meghea Kɛfi 22:19

Ma ke Mishɛ zhɛkwa: «Fate ghena nya geze Mahwətə. Va nya nza ŋkɛ nahe 'ya kenakɛ Mahwətə mentishɛ pelɛ pasla meghea ŋkɛ le ka mene slene ta ŋkɛ nyi pelɛ ghweme meslete te kwa zeme ta ŋkɛ ba'a te kwa gwela ta ŋkɛ.

2 Wəshi nyi Mene Ka Meghe 18:18

Ma ke Mishɛ: «Fate mə ghena nya geze Mahwətə ɓetəkə. Kwa nza ŋkɛ ne, nahe 'ya kenakɛ Mahwətə mentishɛ pelɛ pasla ta meghea ŋkɛ, le pɛtɛa ka mene slene ta ŋkɛ nyi pelɛ ghweme meslete te kwa zeme ba'a te kwa gwela ta ŋkɛ.

Palepa ta JOB 25:3

Wa nde nza kaɓelate ka sewajɛa ŋkɛ wa? Wa yaɗema vecia ŋkɛ kaɓele kənəa wa?

Cimə 103:21

Tsa nda mə hana ke Mahwətə, gheyɛ pɛtɛa ka sewajɛa ŋkɛ, gheyɛ ka mene slene ta ŋkɛ nyi kemene ɗe ta ŋkɛ.

Cimə 18:8

Tagha gɛ, kagərə gərə ba'a kagaŋkəɗə hɛɗi, kagaŋkəɗə geva yɛ shihəa yɛ ghweme, kagərə gərə hɛ va hwepe wənəa Shala.

Cimə 50:3

Se yase Shala ta ɓəmə, kanza ŋkɛ divə we. Ghwə nya ketere ŋkwa ya mbe kema ta ŋkɛ, sefə nya wəba ya dzeyi yite.

Cimə 68:17

Ghweme nyi nza gɛɗekwe kwele kwele te gheyɛ, va wa zhɛ ŋayɛ zlɛ va ghweme nya ɗehwe Shala kanza pelɛ wa? Kaganda ne, kaghala ghala tenza Mahwətə pelɛ.

Ɛzayi 30:27

Wa nya sləa Mahwətə nya kase cakeɗake, kala ghwə nya tse hwepe ta wənəa ŋkɛ, nahe ŋkɛ kenza ɗaŋe ɗaŋe. Ghena wənə ka same kwa mɛa ŋkɛ, kala ghwə nya ketse ghena ŋkɛ.

Ɛzayi 30:33

Nahe ghwə kehite geva warakenyɛ, nahe ŋkɛ kenza kezha meghe perə. Kwa ki nya beŋwe ba'a nya lɛame ne, taghele ghele mbeli ketseɓate sheghwə kwele kwele kezha ghwə. Tagha gɛ, katendə zhɛne mpi ta Mahwətə yite kala ghwə ta gezla nya wəba.

Daniyɛl 12:1

Ma ke nde ghwene ta Shala sha 'ya zhɛkwa: «Ma te vəa shɛ ne, katenca Mishɛl, wəndə nya te ghəa ka ghwene ta Shala nya keya hwelefe ta ŋa. Katenza vəa shɛ kavəa yaka nya keghama kase ghala nza hwelefefi hwa'a te və nya. Tagha gɛ, katembele pɛtɛa hwelefefia ŋa nyi nza sləa nci kerafe rafe te palepa ta mpi.

Daniyɛl 7:22

Ama pa meha za shɛ hendeke geva ba'a ndeke nda nza tiɗiɗi ke mbelia Shala tehwə ghweme. Ma kwa se və ne, pa mbelia Shala kemave meghe.

Daniyɛl 7:26

Kwa sebe ta ŋkɛ ne, katemeha geva ghwə pelɛ ghweme ba'a katekelehwe berete ta ŋkɛ mbeli. Tsagha gɛ, kateza geva sebe te gheŋkɛ ba'a katenza ŋkɛ bətə fəyitekeghə.

Zakari 14:5

Katehwɛ yɛ dzeyi kwelɛ zlərə nya kemenete geva nya kwelɛ yɛ ghweme, kwa nza ŋkɛ hwa'a mbe Asal tentsehe ŋkɛ. Katehwɛ yɛ kala ka shihɛ ŋayɛ te vəa Oziyas, meghea ka Zhəwda va gaŋkəɗə ta hɛɗi. Tagha gɛ, katese Shala Mahwətə ta ɗa, le ka ghwene nyi kemene nda slene pɛtɛ.

Matiye 25:31

Ma vəa ŋkwa nya tesawa Wəzege ta za mbe zləvəa ŋkɛ le ka ghwene ta Shala ne, katentishɛ ŋkɛ pelɛ pasla ta ŋkɛ nya nza zləvə te.

Zhɛne Ghwelə yitea Wəshi Mahalegə 33:2

«Nahe Mahwətə kesawa pelɛ ghweme ta Sinay. Kala veci samenyɛ ŋkɛ te hɛɗia Sɛyir. Sawa pelɛ ghweme ta Paran ne, nahe ŋkɛ kewaŋete nda ŋkwa ke mbelia ŋkɛ. Nahe ŋkɛ kese sha mbelia ŋkɛ, zlaɓe le ka ghwene ta ŋkɛ kwele kwele. Wəsə mahalegə nya ketse kala ghwə ya mbe dzeve ta ŋkɛ.

Ka Ɛbrə 1:14

Kaɗema ka ghwene ta Shala kasefə nyi kemene nda slene, nyi ghwene ŋkɛ kezha kemane mbeli nyi ketekemave mbele na?

Ka Ɛbrə 12:22

Ama gheyɛ ne, nahe yɛ kehendave nda geva ke ghweme ta Siyon ba'a ke meleme ta Shala nya teghweme, Zhɛrəzalɛm nya pelɛ ghweme nya nza ka ghwene ta Shala tipə tipə mbe gəsəkə.

Zhəwde 1:14

Ma ke Ɛnok, nde mberefaŋe ta hwelefe ta Adam gezete ghena kelɛŋə te ghəa nci vəashi: «Fatema mə, katese Nde sleke ŋkwa le ka ghwene ta ŋkɛ slibə slibə meŋe zhigə,

Ghena Kelɛŋə 11:18

Kazhɛ nda wənəa hwelefefi va gha, ama hwepe wənəa ŋa nde mene geva, nahe vəa meha ghwə te ka mpə mpə kese, vəa nya teve nda zhɛme na ke ka mene slene ta ŋa nyi kaka mɛ ŋkwa, mbeli nyi kaŋa ŋa ba'a mbeli nyi kehawe va gha, mbeli nyi jama jama keɗema nyi ɓɛhwɛ ɓɛhwɛ. Gheŋkɛ ya kavə nya teza sebe na te mbeli nyi kebeze hɛɗi na kwa.»

Ghena Kelɛŋə 5:11

Newe 'ya zhɛkwa ne, pa 'ya fate ŋwələa ka ghwene ta Shala kwele kwele: miliyeŋə miliyeŋə zhigə miliyeŋə. Nahe hɛ kenza sleslete dzeyi yitea pasla, wəshi keseɗa nyighɛ ba'a mbelia jama.