Daniyɛl 6:4 - Ghena ta Shala

⁴ Nahe Daniyɛl kenza za ma ke kweci mbeli nyi te ghə ba'a mbelia jama, kwa nza ŋkɛ zəzə nya zlahe ya mbe. Pa meghe zəzəte kave ŋkɛ kawəndə nya te ghəa pɛtɛa hɛɗia ŋkɛ.

Daniyɛl 6:4 Iomraidhean Croise

Gha ta Wəshi 41:38

Ma ke Farawon sha hɛ: «Wəndə nya ne, Sefəa Shala ya viɗi mbe. Katenakɛ kwete gheɓəmə wəndə za ma ke gheŋkɛ na?»

Gha ta Wəshi 43:18

Ma kwa gezete nda mbeli ke hɛ kezha dzeki ghɛ ne, benake hɛ va ghazlənə. Ma ke hɛ kwelɛ ghəa nci: «Tewəmbəreke cɛdɛ nyi keveyi geva kwa behwea ɓəmə te kwa ghate ta dzeghwa ta ɓəmə. Kezha me kənəa gheɓəmə, kezha sa ɓəmə yaka ba'a kezha kese ɓəmə kaka mavashi fə ɓəmə mbeli kadzeki ghɛ le kwara lɛməa ɓəmə.»

Yɛ Ghena Ŋela 29:27

Kaɗe ntsə ta mbeli nyi ɗema kaganda va hɛ mbeli nyi tiɗiɗi we. Kaɗe dzeghwa ta mbeli nyi tiɗiɗi ka 'yaghwa mehele we.

Nde zlape ghena 4:4

Nahe 'ya kenakɛ ɓiyitsa tsema tsema ntsə geva ba'a ve nda ghə mbeli ke slene kezha ndakɛ berete ta kweci mbeli. Gəmə ba'a kese sefə ŋkɛ perə.

Zhɛrɛmi 18:18

Ma ke hɛ gezete: «Mbi ɓəmə, zele ɓəmə ntsehwele kepesle Zhɛrɛmi, kandɛare mə va ka dzeghe Shala kezha teke ɓəmə wəsə mahalegə we, ya ka ntsehwele ntsehwele kezha geze ɓəmə ghena ganyɛ we, ya ka mɛ ŋkwa kezha geze ɓəmə ghena ta Shala we. Mbi ɓəmə kageze ghena nya ndiremi te, vema ghə mə te ghena ta ŋkɛ ma.»

Zhɛrɛmi 18:23

Ma gha Mahwətə ne, wəsə shɛ kaɗepema na mbe wəshi nyi mene nyi hɛ kezha pesle ɗa we. Mba na kekelemte jaɗafa ta nci te wənə, dəpəma wəsə na kənəa beze ghena ta nci ma. Betenji hɛ kadzete hɛɗi kwa kema ta ŋa, te vəa hwepe wənəa ŋa ne, vate ɗa te hɛ!

Zhɛrɛmi 20:10

Kwele kwele mbeli nyi fa 'ya kageze ghena kwa ndiremi te 'ya. “Ghazlənə ya te yayata ŋkwa”, ke hɛ sha heka ɗa. «Ncɛte mə ghena ta ŋkɛ», ke kweci sha geze. «Kaganda, ncɛte ɓəmə», ke kweci zhɛnete. Pa le ka mcɛhɛ ɗa kaneghe teɗe ta ɗa, ma ke hɛ: «Ya kwete kateteɗe ŋkɛ mbe dewə zəzə ta ŋkɛ, ma tsagha, berete ma tenza mə ke gheŋkɛ, wərə mə kawate dewa ta ɓə te.»

Zhɛrɛmi 29:7

Mene mə slene kezha kele meleme nya fəyi ŋayɛ Mahwətə mbe kajive mbe kema mbe kema, səkwə mə ghə yite kezha melemea shɛ, kwa nza ŋkɛ se mbe kwelɛŋea ŋkɛ se ŋa ŋayɛ.›

Daniyɛl 3:8

Tewə ketemə kwetere wəmbəa ŋkɛ ne, pa kweci ka Babilone se ba'a ndeke nda fete ke ka Zhəwif.

Daniyɛl 5:12

Zəzə nya dzawe ya ve, nahe ŋkɛ keɗepe zeweve ta wəshi ba'a nahe ŋkɛ kenza kande ɗepe wəsə. Nahe ŋkɛ keɗepe geze ghena nya mbe yɛ shiwə, keɗepe ghena nyi dzawe dzawe ba'a keɗepe ntsehwelea ghena nyi ghyana ghyana. Hekake Daniyɛl nya ndeke nda slə meghe kaBɛltasar mbeli. Kategeze ŋa ghena nya mbe rafea shɛ ŋkɛ.»

Daniyɛl 6:22

Tagha gɛ, ma ke Daniyɛl zhɛnete nda: «Meghe yawe, hɛyi ŋa Shala teghweme!

Matiye 26:4

Pa hɛ yipəte ghena ta nci kezha kese Yɛsə tewəfərə ba'a kezha pesle ŋkɛ.

Matiye 27:18

Kwa nza ŋkɛ ne, nahe Pilate keɗepe va zlɛ kesave nda Yɛsə hɛ.

Ləwke 20:20

Pa hɛ hendemte geva cakeɗake ɓɛhwɛ, mba hɛ kaya Yɛsə. Pa hɛ ghweneghe nda mbeli kezha fa ntsehwelea ŋkɛ, nyi kezhɛrete ghəa nci kala mbeli nyi kehawe ve. Kaɗe hɛ kaŋa nda keleŋa ke Yɛsə laka 'yɛwe ghena. Tsagha ne, katekese nda hɛ ke ŋgwamna nya nza berete ve yitea meha ghwə te.

Ləwke 20:26

Kashɛ hɛ ve nda fete ke Yɛsə, va nya gezete ghena shɛ ŋkɛ hwa mbeli we. Hehake hɛ va ghena ta ŋkɛ, tikə tikə hɛ nzanji.

Ləwke 22:2

Ntake mbeli nyi te ghəa ka dzeghe Shala ba'a ka rafe wəsə mahalegə kaghweze ntsehwele kepesle Yɛsə, ama pa hɛ ghazlənənji va mbeli.

Zhaŋe 19:4

Pa Pilate zhɛne kashave sha ka Zhəwif. Ma ke sha hɛ: «Newe mə, nahe 'ya kekelakave ŋayɛ wəndəa shɛ yitea ɗepe yɛ kenakɛ fete nya pesle mbeli 'ya yite we.»

2 Ka Korɛnte 11:12

Ma wəsə nya mene 'ya ne, katemene 'ya shanda, yitea fɛa mbeli nyi kemene fege kemene kala ghen'yɛ, katekemave wəsəa shɛ mbelia shɛhɛ we.

Ka Filipe 2:15

yitea nza yɛ kaka menetema fete, kaŋwalea Shala kaɗema deghale te hɛ hwa mbeli nyi ndiremi ndiremia mehele nyi kwake te hɛɗi nya. Nahe ŋkɛ kehi kezha ɓele yɛ hwa hɛ kala yɛ saseregwa pelɛ ghweme,

1 Timotɛ 5:14

Vatse ɗe 'ya kezha zhɛne ka wedidi nyi kajɛmbezlɛshi kawəmeve zhili kezha kemave ŋwale ba'a kezha newe ghweme hɛ te ghɛa nci. Tagha gɛ, kateve nda hweŋkwa hɛ ke ka ghema ta ɓəmə kageze wəsə kwa ndiremi te gheɓəmə we.

Tite 2:8

Nza ghena ta ɗa tiɗiɗi kezha ɗema mbeli kageze ghena te, yitea nza ka ghema ta ŋa zhigə le hawe ta nci kwa nakɛma ghena kwa ndiremi hɛ kageze te gheɓəmə.

1 Piyɛre 2:12

Nza mə megela hwa ka ɗepema Shala. Ma tsagha, ya ghenci nza kave ŋayɛ kaka beze ghena ne, katenewe slene ganjia ŋayɛ ba'a katetsahe Shala hɛ te veci nya tese ŋkɛ.

1 Piyɛre 3:16

Ama mene mə le gwedə ba'a hawe, laka mehele nya ganyɛ, yitea zhɛ nda hawe ke mbeli nyi kegeze ghena nyi ndiremi ndiremi te dzeghwa ta ŋayɛ nya ganyɛ mbe Kriste.

Ka Meha ghwə 14:4

Yɛ yitenyɛ le meghekɛ ne, keɗepe hɛ Mahwətə le ghəa ŋkɛ nde veyi zəzəa shɛ mbe Samson we, kwa nza ŋkɛ kazele hweŋkwa keghəpə le ka Filisti. Kwa nza ŋkɛ vəa kwa shɛ, ka Filisti ka sleke ka Israyɛl.

1 Saməyɛl 12:4

Ma ke hɛ shɛ: «Kegha na kasa n'yɛ yaka we. Kegha na kamenete n'yɛ wəsə kwa ndiremi we. Wəsə shɛ nya gha na kaghwetehwe yitea wəndə we.»

1 Saməyɛl 18:14

Gheŋkɛ nde hərə mpa keveci keveci va nya nza nde nahe Mahwətə kenza le gheŋkɛ.

1 Saməyɛl 22:14

Ma ke Ahimɛlɛk sha meghe: «Wəndə nya kenza shɛ hwa ka mene slene ta ŋa nya gezleŋema ghə mbeli ve kala David na? Mekwea meghe ŋkɛ ba'a wəndə nya te ghəa ka ya ŋa ŋkɛ, kahawe mbeli ve ki ghɛa ŋa.