Daniyɛl 6:2 - Ghena ta Shala

² Pa Dariyəs tarete kezha nta mbelia jama gwəmsə ba'a bakemsə kezha sleke pɛtɛa hɛɗia ŋkɛ.

Daniyɛl 6:2 Iomraidhean Croise

Ɛsdras 4:22

Mba yɛ kepele se kadzeyitea wəsə mbe ghena nya, yagha wəsə kwa ndiremi kambakete geva ba'a kavate ɗa te ka meghe.»

Ɛstɛr 7:4

Kwa nza ŋkɛ, nahe mbeli kepamte n'yɛ le mbelia ɗa kezha mpə n'yɛ, kezha sla ghə te ghen'yɛ ba'a kezha za sebe te ghen'yɛ. Ma ya kaka mavashi ba'a kaka kwaterashi pamte n'yɛ mbeli ne, nza ghena shɛ kageze 'ya we. Kwa nza ŋkɛ katsakɛ ɗa nyagha kezha se sha gha kabeze ŋa mehele we.»

Yɛ Ghena Ŋela 26:6

Ma wəndə nya keghwenakɛ gezhi le ghena ne, kala wəsə nya tsaslemte seɗa ŋkɛ yitea ghəa ŋkɛ, ghena yatemtse nda ŋkɛ ke ghəa ŋkɛ.

Yɛ Ghena Ŋela 3:16

Kave nda biya ta hɛ ŋkɛ ke mbeli, kave nda mcɛlə ba'a zləvə ŋkɛ ke hɛ.

Daniyɛl 5:16

Nahe 'ya kefate wərə na kagezete ghena nya mbe wəshi nyi dzawe dzawe ba'a kaɗepete ntsehwelea ghena nyi ghyana ghyana. Ma kejaŋgate rafe nya na ba'a kegezete ɗa ghena nya mbe na ne, kateseɗe ŋa karalame 'ya, kateve ŋa livə mze kwa tere tere 'ya kwa welɛa ŋa ba'a katenza na hwa ka mene slene nyi jama jama te hɛɗia ɗa.»

Daniyɛl 5:29

Tagha gɛ, pa Baltazar gezete kezha seɗe nda karalame mbeli ke Daniyɛl ba'a kezha seɗe nda livə mze kwa tere tere mbeli kwa welɛ. Pa ŋkɛ zlapete kezha nza Daniyɛl hwa ka mene slene nyi jama jama mbe hɛɗia meghe.

Daniyɛl 5:7

Pa meghe zlapete le berete kezha fə nda ka kelɛŋə, ka mene ghwɛ ba'a ka ŋa zlera mbeli kadzeki. Laŋe meghe te ghena, ma ke sha ka ntsehwele ntsehwele nyi mbe Babilone: «Ma wəndə nya kejaŋgate rafe nya ba'a nya kegezete ɗa ghena nya mbe ne, kateseɗe nda karalame 'ya, kateve nda livə mze kwa tere tere 'ya kwa welɛ ba'a katenza ŋkɛ hwa ka mene slene nyi jama jama te hɛɗia meghe.»

Daniyɛl 6:1

Pa Dariyəs, nde Mɛde dzete meghe, vəa ŋkwa nya nza ta ŋkɛ ŋkwaŋemsə bakeghəmbe.

Matiye 18:23

Vatse nza Meghe nya pelɛ ghweme kala kwete meghe nya keɗe kaɓela wəshia ŋkɛ le mavashia ŋkɛ.

Ləwke 16:2

Pa ŋkɛ hekakɛ wəndəa shɛ, ma ke shɛ: Tsema mene na ke mbeli kafa 'ya wa? Ɓelate ɗa wəshi nyi dapate ŋa 'ya pɛtɛ te dzeve. Kaɗe ŋa 'ya mbe slenea shɛ zhɛkwa we.

1 Ka Korɛnte 4:2

Ma wəsə nya ɗe mbeli va wəndə nya dapate nda wəsə mbeli te dzeve ne, nza ta ŋkɛ dɛŋe dɛŋe te slene ta ŋkɛ.

1 Saməyɛl 2:30

Yawa, ma gɛ ne, wa nya ghena ta ɗa nya, 'ya Shala Mahwətə ta ka Israyɛl: nahe 'ya kemeɗeyi, mbe kema ta ɗa tedzeghwa ghɛa ŋa ba'a ghɛa yiteyɛ ŋa kaka dzeghe Shala kaghala ghala. Ama tsetsenya ne, kaganda geze 'ya, kaɗema mba kamenete geva. Kwa nza ŋkɛ ma mbeli nyi kehawe va 'ya ne, kateve zləvə 'ya kadzete hɛ, ama mbeli nyi keɓela ɗa ma ne, kateɗema hɛ 'ya ba'a bətə tenza hɛ mbe hawe perə.