Daniyɛl 6:16 - Ghena ta Shala

¹⁶ Ama tewətelɛwe ka ghema ta Daniyɛl zhɛneke geva kase sha meghe, ma ke hɛ shɛ: «Ɗepete megela meghe yawe, ma laka wəsə mahalegəa ka Mɛde ba'a ka Pɛrse ne, wəndə shɛ kazhɛremte ghena keɗema wəsə mahalegə nya dɛkate lamba ta ŋkɛ meghe te we.»

Daniyɛl 6:16 Iomraidhean Croise

2 Saməyɛl 3:39

'Ya le ghəa ɗa ya tsema nza 'ya kamaze ne, kafefa dewə berete ta ɗa 'ya va berete nya menete nya mbeli nyi, ŋwalea male nya heka mbeli kaSerəwya. Pa Mahwətə le ghəa ŋkɛ ɗate mbeli nyi kempəmte ŋkwa nyi.»

Palepa ta JOB 5:19

Wərə na kasahwe yaka kwele kwele, kateya ŋa ŋkɛ shanda, katekwaɗe ŋa ndiremi tɛape we.

Yɛ Ghena Ŋela 29:25

Nahe ghazlənə va kweci mbeli kenza kakeleŋa. Ama gwezlayɛ nza wəndə nya kendeke nda ghəa ŋkɛ ke Mahwətə.

Ɛzayi 41:10

ghazlənəma na ma, kwa nza ŋkɛ ne, le gha 'ya, nzama na keyirə yirə ma, kwa nza ŋkɛ ne, 'ya ya kaShala ta ŋa. 'Ya kave ŋa berete, 'ya kase kakemane ŋa, 'ya kaya ŋa le dzeve kwa zeme ta ɗa nya kehərə ŋkwa.

Ɛzayi 43:2

Ma vəa ŋkwa nya tejive na te yɛ ghwa ne, le gha tenza 'ya, vəa ŋkwa nya tejive na te yɛ hələ ne, katekelehwe ŋa hɛ we. Ma vəa ŋkwa nya tedzeghwa na hwa ghwə ne, katendə ŋa ŋkɛ we, katetere ŋa ghɛnia ghwə we.

Zhɛrɛmi 26:14

Ama 'ya ne, mbe dzeve ta ŋayɛ 'ya. Menete mə wəsə nya nakɛ yɛ megela ba'a tiɗiɗi le 'ya.

Zhɛrɛmi 38:5

Ma ke meghe Sɛdɛsiyas zhɛnete nda ke hɛ: «Yewə, va gheyɛ ŋkɛ, berete shɛ va 'ya kezha fɛa ŋayɛ we.»

Zhɛrɛmi 38:6

Tagha gɛ, laŋe hɛ te Zhɛrɛmi, fɛke hɛ shɛ kwa belagejia Malkiya, wəzege ta meghe, nya ki ghɛa ka ya ŋkwa. Le zewe keleghe Zhɛrɛmi hɛ kadzawa. Yɛmə kwa belagejia shɛ we, ama deke nzaɓe ya kwa, tɛapa'a ŋkɛ Zhɛrɛmi dzetenyɛ te nzaɓe.

Zhɛrɛmi 39:17

Ama te veci nya tese ndiremia shɛ ne, katembele ŋa 'ya va mbeli nyi ghazlənə nyi na va hɛ, wa'a ke Mahwətə.

Daniyɛl 3:15

Katezhɛne yɛ kafa gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa. Ɗeke ɗeke yɛ tsetsenya kezha gwəɗəŋə ba'a kezha hawe va pa ta wəndə nya sleteyi nya 'ya tse gɛ na? Ma kehawema yɛ ve ne, taghanyɛ tebete ŋayɛ mbeli kwa ŋkwa nya tse ghwə nya wəba. Nyama shala nya kenza kazləgwəke ŋayɛ shave mbe dzeve ta ɗa wa?»

Daniyɛl 3:17

Wərə Shala ta n'yɛ, Shala nya mene nda slene ghen'yɛ kambeleke n'yɛ. Kaganda ne, katembele n'yɛ ŋkɛ va ŋkwa nya tse ghwə nya wəba kwa ba'a va berete ta ŋa, meghe yawe.

Daniyɛl 3:28

Ma ke Nabəkodonozor gezete: «Tsa nda ɓəmə hana ke Shala ta Shadrak, Mɛshak ba'a Abɛd-Nɛgo, gheŋkɛ nya keghweneke nde ghwene ta ŋkɛ ba'a nya kembelete ka mene slene ta ŋkɛ, kwa nza ŋkɛ nahe hɛ kendeke nda ghəa nci. Nahe hɛ kedzawanji wəmbəa ghena nya gezete meghe, kesahwe nda yaka ke ghəa nci kenya mene nda slene hɛ keɗema nya hawe hɛ va shala nya keɗema kaShala ta nci.

Daniyɛl 6:20

Ma wakakama ta zeweve ta ghweme ne, pelɛhetɛme meghe sate te ŋkwa ba'a cape ŋkɛ kalə kahe kahe kadzemɛa kia yɛ nivɛrə.

Daniyɛl 6:7

Le dera le dera ne, cape mbeli nyi te ghəa shɛhɛ ba'a mbelia jama shɛhɛ kalə sha meghe, ma ke hɛ shɛ: «Meghe Dariyəs yawe, hɛyi ŋa Shala teghweme!

Slene 24:27

Kwetere wəmbəa va bake, pa mbeli kelemte Fɛlikse mbe ŋgwamna ba'a ndeke nda ke Porsiyəs Fɛstəs. Ma kwa ɗe Fɛlikse kanza zeɗehwe nda ke ka Zhəwif ne, pa ŋkɛ sərəakɛ Pol kwa daŋgayɛ.

Slene 25:11

Ma kenza nde fete ya va 'ya, kenza nahe 'ya kebezemte ghena wərə pesle ɗa mbeli ne, nza kaɗema mte 'ya we. Ama keɗema kaganda mbe ghena ta mbeli nyi kendeke ɗa fete nyi ne, wəndə shɛ kandeke nda ɗa ke hɛ we. Kakele ghwə ta ɗa 'ya kalə sha Sɛzar le ghəa ŋkɛ.»

Slene 25:9

Ma kwa ɗe Fɛstəs kanza zeɗehwe ke ka Zhəwif ne, ma ke sha Pol: «Kayɛ na kadzeme Zhɛrəzalɛm kezha meha ŋa ghwə ta ŋa 'ya pelɛagha na?»

Ka Rome 13:3

Kwa nza ŋkɛ ne, kaghazlənə ka mene wəshi ganji va ka meha ghwə we, ama deke ka mene wəshi nyi ndiremi ndiremi. Kaɗe na kanza kawəndə nya keɗema kaghazlənə va nde sleke hɛɗi na? Mene slene ganyɛ yitea tsahe ŋa ŋkɛ.

2 Ka Korɛnte 1:10

Gheŋkɛ nde mbelete n'yɛ va mtea shɛ vəa ŋkwa shɛ, kaganda, gheŋkɛ nde tembele n'yɛ zhɛkwa ve, mbe veyi zəzə ta n'yɛ n'yɛ katembele n'yɛ ŋkɛ ve zhɛkwa.