Daniyɛl 6:11 - Ghena ta Shala

¹¹ Ma kwa fate Daniyɛl nahe meghe kedɛkate lamba ta ŋkɛ te palepa ta wəsə mahalegəa shɛ ne, shilimə ŋkɛ dzekinyɛ ki ghɛa ŋkɛ. Ma te cɛ nya pelɛ ghəa cɛ ne, yɛ wəfela nyi keghwene geva jive laka Zhɛrəzalɛm ya shɛ. Kagwəɗəŋə ŋkɛ mahekene zhigə mbe vəghwə kezha səkwə Shala ta ŋkɛ ba'a kezha tsahe ŋkɛ, kala nya seneve ŋkɛ vəashi.

Daniyɛl 6:11 Iomraidhean Croise

1 Ka Meghea Kɛfi 8:48

ma kezhɛreke geva hɛ sha gha le wənə kwetɛŋe ba'a le mehele kwetɛŋe te hɛɗia ka jaga nyi kefəhwe hɛ, ma kesəkwəte ŋa hɛ laka hɛɗi nya ndeke nda na ke ka shihɛ nci, laka meleme nya ntave na ba'a laka ghɛ nya ŋate 'ya te sləa ŋa ne,

Cimə 10:9

Te ghweɓe ba'a tewəfərə nza ŋkɛ kala nivɛrə nya mbe zlimbəa ŋkɛ. Te ghweɓe nza ŋkɛ kezha kese nde dewə ŋeli. Kakese ŋkɛ laka ghwete ŋkɛ kadzete keleŋa ta ŋkɛ.

Cimə 119:164

Te veci kwetɛŋe ne, mberefaŋe zhigə tsahe ŋa 'ya kezha ghena nyi tiɗiɗi nyi tarete na.

Cimə 28:2

Təhwə təhwə, fate səkwə ta ɗa vəa ŋkwa nya tsa ŋa lewela 'ya, vəa ŋkwa nya kafe dzeve 'ya laka ŋkwa nya keveyi geva tekeleke tsape mbe ghɛa ŋa.

Zhɛrɛmi 51:50

Gheyɛ mbeli nyi kembele ŋayɛ va kafayɛ ne, kwiɗi mə! Nzama yɛ teke ma! Mbe nza ta ŋayɛ cakeɗake ne, zəzə mə Mahwətə ba'a nza Zhɛrəzalɛm mbe mehele ta ŋayɛ.»

Daniyɛl 6:6

Ma ke mbelia shɛhɛ kwelɛ ghəa nci: «Wəsə shɛ kesləyi gheɓəmə kezha ve nda fete ke Daniyɛl we, nda gheɓəmə kakemave wəsə keve nda fete mbe hawe ta ŋkɛ va wəsə mahalegəa Shala ta ŋkɛ.»