Daniyɛl 5:7 - Ghena ta Shala

⁷ Pa meghe zlapete le berete kezha fə nda ka kelɛŋə, ka mene ghwɛ ba'a ka ŋa zlera mbeli kadzeki. Laŋe meghe te ghena, ma ke sha ka ntsehwele ntsehwele nyi mbe Babilone: «Ma wəndə nya kejaŋgate rafe nya ba'a nya kegezete ɗa ghena nya mbe ne, kateseɗe nda karalame 'ya, kateve nda livə mze kwa tere tere 'ya kwa welɛ ba'a katenza ŋkɛ hwa ka mene slene nyi jama jama te hɛɗia meghe.»

Daniyɛl 5:7 Iomraidhean Croise

Gha ta Wəshi 41:8

Ma masheke ne, kwetɛ kwetɛŋe mehele ta Farawon. Pa ŋkɛ hekake ka mene ghwɛ ba'a ka ntsehwele ntsehwele nyi mbe Ɛzhipte pɛtɛ. Pa ŋkɛ gezete nda shiwəa ŋkɛ ke hɛ, ama wəndə shɛ kegezete nda ghena nya mbe we.

Ɛstɛr 3:1

Ma kwa sebe ta wəshi nyighɛ ne, pa meghe Sɛrsɛs ndeke nda zləvə ke Haman, wəzege ta Hamedata hwelefe ta Agag. Pa veyi ŋkɛ kawəndə nya kwele ma te ghəa pɛtɛa mbelia ŋkɛ nyi jama jama.

Shave 7:11

Pa meghe tseneke ka ntsehwele ntsehwele ba'a ka mene ghwɛ nyi mbe Ɛzhipte. Ma le berete ta ghwɛa nci ne, pa hɛ menete kala nyagha:

Yɛ Ghena Ŋela 1:9

Katenza hɛ mbe ghəa ŋa kala derə meghe nya ndeɗe ba'a kala zhɛɗa kwa welɛa ŋa.

Cimə nya zeɗe ma 1:10

Nahe yɛ ghweleme ta ŋa kenza kendeɗe ndeɗenji, jive kwelɛ wəshi nyi mbe sleme ta ŋa. Nahe welɛa ŋa kenza kendeɗenyɛ va livə nyi kwa.

Ɛzayi 47:13

Leɓakwe na va 'yɛwe ghena. Ncɛke ghəa nci hɛ ba'a mbelete ŋa ka ɓela saseregwa nyi te ghweme, ncɛte wəsə nya ketemene ŋa geva ketere ketere hɛ.

Zhɛrɛmi 50:35

Ma ke Mahwətə: «Ha nda mə mpa ke Babilone, ke mbeli nyi mbe, ke mbeli nyi te ghə mbe ba'a ke ka ntsehwele ntsehwele nyi mbe!

Ɛzɛkiyɛl 16:11

Pa 'ya pesakɛ geva ta ŋa le wəshi kepesa geva. Pa 'ya seɗeyi ŋa takase kwa dzeve ba'a zhɛɗa kwa welɛ.

Daniyɛl 1:20

Ma te pɛtɛa ghena nyi ke'yɛwe ntsehwele ba'a zəzə ghena nyi se meghe ka'yɛwe va hɛ ne, za ma sləyi hɛ ŋkɛ meŋe zhigə ke pɛtɛa ka mene ghɛ ba'a ka ŋa zlera nyi kese mbe pɛtɛa hɛɗia ŋkɛ.

Daniyɛl 1:4

ŋwale tezhili nyi ɗema beze te hɛ, nyi ndeɗe ndeɗe, nya kentsehwele ntsehwele, nyi keɗepe wəshi ba'a nyi nza zəzə va hɛ, yitea mene slene hɛ ki ghɛa meghe. Kateteke rafe wəshi ba'a ghena ta ka Babilone hɛ.

Daniyɛl 2:2

Pa ŋkɛ gezete kezha heka ka mene ghwɛ, ka ŋa zlera, ka beze ŋkwa le ghwɛ ba'a ka kelɛŋə, yitea ncɛ nda shiwəa ŋkɛ hɛ ke meghe. Pa hɛ se ba'a ghereŋenji kwa kema ta meghe.

Daniyɛl 2:27

Ma ke Daniyɛl zhɛnete nda: «Meghe yawe, wəndə shɛ hwa ka ntsehwele ntsehwele, hwa ka ŋa zlera, hwa ka mene ghwɛ, hwa ka ɗepe newe nza ta yɛ saseregwa kagezete nda shiwə nya tewəfərə ta ŋkɛ ke meghe we.

Daniyɛl 2:48

Zhɛne ne, pa meghe veyi Daniyɛl kawəndə kwele ba'a fəke nda wəshi gəmə nyi ganji ganji kwele kwele. Pa ŋkɛ veyi ŋkɛ kaŋgwamna nya mbe sla ta hɛɗia Babilone ba'a kawəndə nya te ghəa ka ntsehwele ntsehwele nyi mbe Babilone.

Daniyɛl 2:6

Ama kencɛte ɗa shiwəa ɗa ba'a ghena nya mbe yɛ ne, kateve ŋayɛ wəshi gəmə kwele kwele ba'a zləvə nya wəba 'ya. Gezete ɗa mə shiwəa ɗa ba'a ghena nya mbe gɛ!»

Daniyɛl 4:14

Nahe wəsəa shɛ kenza kawəsə nya ɗe ka ghwene ta Shala, kazəzə nya kese va ka ya hɛɗi lema, yitea ɗepete pɛtɛa wəshi nyi nza mpi hwe Shala tehwə ghweme ya kande sleke mbeli pɛtɛ. Kave nda meghe ŋkɛ ke wəndə nya ɗe ŋkɛ ba'a wərə ŋkɛ kandeke nda ŋkɛ ke wəndə nya gwedə ma.›

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 5:15

Pa mbeli fəke ɗa ka ntsehwele ntsehwele ba'a ka mene ghwɛ kezha jaŋga rafe nya ba'a kezha geze ɗa ghena nya mbe, ama kepesle hɛ yite we.

Daniyɛl 5:16

Nahe 'ya kefate wərə na kagezete ghena nya mbe wəshi nyi dzawe dzawe ba'a kaɗepete ntsehwelea ghena nyi ghyana ghyana. Ma kejaŋgate rafe nya na ba'a kegezete ɗa ghena nya mbe na ne, kateseɗe ŋa karalame 'ya, kateve ŋa livə mze kwa tere tere 'ya kwa welɛa ŋa ba'a katenza na hwa ka mene slene nyi jama jama te hɛɗia ɗa.»

Daniyɛl 5:29

Tagha gɛ, pa Baltazar gezete kezha seɗe nda karalame mbeli ke Daniyɛl ba'a kezha seɗe nda livə mze kwa tere tere mbeli kwa welɛ. Pa ŋkɛ zlapete kezha nza Daniyɛl hwa ka mene slene nyi jama jama mbe hɛɗia meghe.

Ɓela 22:17

Kwa nza ŋkɛ kateve zləvə 'ya te gha ba'a katemene yayata wəsə nya tegeze ɗa na 'ya. Nde shɛ na bezlamte ɗa mbelia shɛhɛ.»

Ɓela 22:7

Cape mbelia jama ta ka Mowab ba'a ŋa ka Madiyan kalə le wəshi gəmə sha nde ŋa zlera. Ntsehema ta nci ki ghɛa Balam ne, pa hɛ ɓelate nda ghena ta Balak.

Ɓela 24:11

Ma tsetsenya gɛ ne, kwiɗi ŋa sha hɛɗia ŋa! Nahe 'ya kemeɗeyi ŋa kezha teve zləvə te gha, ama nahe Mahwətə kendaŋete ŋa te!»

1 Saməyɛl 17:25

Ma ke ka Israyɛl: «Nahe yɛ kenakɛ wəndə nya kasame na? Yitea yiɗə ka Israyɛl same ŋkɛ! Kateve nda mcɛlə meghe kwele kwele ke wəndə nya ketepesle ŋkɛ. Kateve nda wəzha ta ŋkɛ ŋkɛ ba'a katezhɛne mbeli nyi ki ghɛa yitenyɛ katsehe jaɓeregwale mbe hɛɗia ka Israyɛl we.»