Daniyɛl 5:4 - Ghena ta Shala

⁴ Ma kwa sebe ta nya sahwe wəshi hɛ ne, ntake hɛ katsahe yɛ shala mze kwa tere tere, mze kwa tɛawetɛa, mze kwa ghwə ghwə, lɛ, sheghwə ba'a pelɛ.

Daniyɛl 5:4 Iomraidhean Croise

1 Ka Meghea Kɛfi 1:49

Ntake pɛtɛa ka mentiɓəa slia Adoniya kabare bare va ghena nyighɛ, pelɛhetɛme hɛ, kweracɛ hɛ dzeghwanji, yayata wəndə kakele ŋa ŋkɛ hweŋkwa.

Ɛzayi 42:17

Katedzeyi mbeli nyi keve nda ghə ke wəshi nyi feɗete mbeli te sebe, katezhɛ nda hawe ke mbeli nyi kendeke nda ghə ke wəshi nyi vɛsəte mbeli le mze. ‹Gheyɛ ya kashala ta n'yɛ›, a ke hɛ sha geze nda ke hɛ.

Ɛzayi 42:8

'Ya ya kaMahwətə, tsetse sləa ɗa, kave nda zləvəa ɗa 'ya ke kwete wəndə we, kasərə nda kwelea ɗa 'ya ke kweci shala we.

Daniyɛl 1:8

Pa Daniyɛl kelete zəzə megela kezha ɗema kazhɛre ghəa ŋkɛ wale wale laka zeme wəsə kezeme ba'a sa wəsə kesa ta meghe. Pa ŋkɛ 'yɛwete va wəndə nya te ghəa ka mene slene kezha ɗema ŋkɛ katərənə ŋkɛ kazhɛre ghəa ŋkɛ wale wale.

Daniyɛl 5:23

Nahe na kese kavereslə le Shala nya pelɛ ghweme, te və nya fəke wəshi kesa wəshi nyi kese mbe ghɛa Shala na. Nahe yɛ kese kasa tɛ kwa hɛ, gha, mbelia jama yitea gha, ka meghwateshia ŋa ba'a kweci mia ŋa. Nahe na ketsahekɛ yɛ shala mze kwa tɛawetɛa, mze kwa tere tere, mze kwa ghwə ghwə, lɛ, sheghwə ba'a pelɛ, shala nyi keɗema kanakɛ ŋkwa, kafa ghena keɗema nyi keɗepema wəshi. Nahe na kesema kave zləvə te Shala nya nza mpia ŋa ba'a pɛtɛa dzeghwa ta ŋa mbe dzeve ta ŋkɛ.

Daniyɛl 5:3

Tagha gɛ, pa mbeli fəke wəshi kesa wəshi nyi kese mbe ghɛa Shala nya mbe Zhɛrəzalɛm. Ntake meghe, mbelia jama nyi yite, ka meghwateshia ŋkɛ ba'a kweci mia ŋkɛ kasa wəshi kwa hɛ.

Daniyɛl 5:5

Taghanyɛ ne, pa dzeve ta wəndə ŋelɛ ncake nca vare wəsə kentare yɛ paterela. Ntake nde karafe wəsə dzeyi vare dewe nya tɛawetɛa ta ghɛ meghe. Ma kwa nakɛ dzevea shɛ meghe karafe wəsə ne,

Amos 6:7

Vatse gɛ ne, mpelɛa gheyɛ tefə mbeli tsetsenya. Rayɛ teza sebe te veghe sha ka meɗəa kɛfi.

Habakək 2:19

Ndiremi ya te gheyɛ nyi kegeze: Sate ŋa, pe yɛ sha mesla ta sheghwə keɗema: Feɗeghe ŋa, pe yɛ sha pelɛ nya keɗema kageze ghena, ndagwara wəsə shɛ katekete ŋayɛ hɛ we. Ya ghenci nza kefi fi le mze kwa tere tere le mze kwa tɛawetɛa ne, mpi shɛ mbe hɛ we.

Slene 17:29

Ma kwa nza ŋkɛ hwelefe ta ŋkɛ gheɓəmə ne, kehi kazəzə gheɓəmə nahe Shala kenza kala wəsə nya menete mbeli le mze kwa tere tere, mze kwa tɛawetɛa keɗema pelɛ, wəshi nyi zəzəte keɗema nyi ncake mbeli we. Mbeli ka menete hɛ va nya ɗepema Shala hɛ.