Daniyɛl 5:23 - Ghena ta Shala

²³ Nahe na kese kavereslə le Shala nya pelɛ ghweme, te və nya fəke wəshi kesa wəshi nyi kese mbe ghɛa Shala na. Nahe yɛ kese kasa tɛ kwa hɛ, gha, mbelia jama yitea gha, ka meghwateshia ŋa ba'a kweci mia ŋa. Nahe na ketsahekɛ yɛ shala mze kwa tɛawetɛa, mze kwa tere tere, mze kwa ghwə ghwə, lɛ, sheghwə ba'a pelɛ, shala nyi keɗema kanakɛ ŋkwa, kafa ghena keɗema nyi keɗepema wəshi. Nahe na kesema kave zləvə te Shala nya nza mpia ŋa ba'a pɛtɛa dzeghwa ta ŋa mbe dzeve ta ŋkɛ.

Daniyɛl 5:23 Iomraidhean Croise

Gha ta Wəshi 14:19

Ntake ŋkɛ kawəpi Abram, ma ke: «Wəpikɛ Abram Shala tehwə ghweme nya kepate yɛ ghweme le hɛɗi!

Gha ta Wəshi 2:7

Pa Shala Mahwətə pate wəndə ŋelɛ le keləwəa hɛɗi nya ntave ŋkɛ. Pa ŋkɛ vɛsəame nda sefəa mpi mbe ŋshi, ntake ŋkɛ kanza teghweme.

2 Ka Meghea Kɛfi 14:10

Ma ke Zhowas shɛ: «Ma va nya ɗate ka Ɛdom na ne, vatse mene fege na! Gwəfəte ghə yitea zləvəa ŋa, nza mbe meleme ta ŋa! Wa raberə ɗe na kaghate mpa nya ketezhɛre ŋa mehele te kwa keɗaŋe wa?» Nya nza mbeli kapeslekɛ ŋa ba'a kampəmte ka sewajɛa ka Zhəwda pɛtɛ.

Palepa ta JOB 12:10

Mbe dzeve ta ŋkɛ mpia yayata wəsə nya teghweme ba'a sefə nya mbe yayata wəndə ŋelɛ.

Palepa ta JOB 31:4

Ashɛ Shala kanewe nza ta dzeghwa ta ɗa wəka? Ashɛ ŋkɛ kaɓela pɛtɛa ŋkeɗe ta seɗa ta ɗa wəka?

Cimə 104:29

Ama kazhɛre kema na ne, kadake hɛ. Ma kakele mpi na shave mbe hɛ ne, kampə hɛ ba'a kazhɛne hɛ kanza kahɛɗi.

Cimə 115:16

Nahe ghweme kenza kaghweme ta Mahwətə, ama hɛɗi ne, nahe ŋkɛ kendeke nda ke mbeli.

Cimə 139:3

Nahe na keɗepe vəa dzeghwa ta ɗa ba'a ɓelahe ta ɗa, nahe na keɗepe pɛtɛa wəshi nyi mene 'ya.

Cimə 146:4

Shavema ta sefə hwa hɛ ne, katezhɛne geva hɛ kadzembe hɛɗi, kateza sebe te zəzə ta nci te vecia shɛ.

Yɛ Ghena Ŋela 20:24

Mahwətə nde sleke dzeghwa ta wəndə ŋelɛ. Tsema nza wəndə ŋelɛ kafave dzeghwa ta ŋkɛ wa?

Ɛzayi 13:11

Ma ke Shala: «Kateme 'ya te hɛɗi lema va 'yaghwa mehele ta ŋkɛ, te mbeli nyi ndiremi ndiremi mehele va fete ta nci. Kateza sebe 'ya te kele ghə ta ka ŋkele ntsə, kateshifə zlama ta ka ghwərə ghwərəa ntsə 'ya.

Ɛzayi 14:13

Ma pa na sha se kageze: «Katedzeme 'ya hwa'a pelɛ ghweme, kateve pasla ta ɗa 'ya te ghəa yɛ saseregwa ta Shala, katenza 'ya pelɛ ghweme nya tsene geva yɛ shala te kwa keɗaŋe ta hɛɗi nya laka bela kwa gwela.

Ɛzayi 2:12

Kwa nza ŋkɛ ne, nahe Mahwətə nde berete kenteyi hɛ kezha meha ghwə te yayata wəsə nya keŋkele ntsə ba'a nya kekele ghə, te wəsə nya kezhɛre ghəa ŋkɛ wəbake kezha shifə ŋkɛ.

Ɛzayi 33:10

Ma ke Mahwətə: «Tsetsenya gɛ ne, 'ya katemene slene ta ɗa, tsetsenya ne, 'ya katesate te ŋkwa, tsetsenya ne, 'ya katencɛ kwelea ɗa.

Ɛzayi 37:19

Nahe hɛ kebeteyi yɛ shala ta nci mbe ghwə. Kwa nza ŋkɛ ne, kenza hɛ kashala ganji. Deke wəshi nyi menete dzeve ta wəndə ŋelɛ yitea sheghwə keɗema yitea pelɛ hɛ. Nahe hɛ kezamte sebe te hɛ.

Ɛzayi 37:23

Wa yaŋelekɛ na ba'a yayiɗəkɛ na wa? Kənəa wa se na kaŋgezle wa? Wa yase na kanewe le ŋkele ntsə wa? 'Ya Shala nya kaganda ta Israyɛl gɛ na!

Ɛzayi 42:5

Wa nya ghena nya geze Shala Mahwətə nya kepate ghweme ba'a nya kepeleyi ŋkɛ, nya kepelakeyi hɛɗi ba'a wəshi nyi te, nya kendeke nda mpi ke mbeli nyi dzeyi te ba'a zhɛne mpi ke mbeli nyi kedzeghwa te nya:

Zhɛrɛmi 10:23

Mahwətə, nahe 'ya keɗepe kaɗema wəndə ŋelɛ kaslekete ghəa ŋkɛ. Wəndə shɛ kayate ŋkeɗe ta seɗa ta ŋkɛ we.

Zhɛrɛmi 48:26

Ma zəzəte Mowab ne, kwele ma ŋkɛ ke Mahwətə. Ghwəyimte ŋkɛ mbeli le tɛa ŋkɛ yitea vənəhwə ŋkɛ! Ma tsagha, mbeli pɛtɛ kateŋ'wəshi ŋkɛ.

Zhɛrɛmi 50:28

Fa mə: ma ke mbeli nyi kehwɛnji, nyi kembelenji sawa pelɛ Babilone sha Siyon: «Nahe Shala Mahwətə ta ɓəmə kewate ŋa dewa, nahe ŋkɛ kewate dewa ta ghɛa ŋkɛ.»

Zhɛrɛmi 50:29

Tseneke mə ka ɗepe he have, ghweneghe mə hɛ kalə kaɗa Babilone. Dzaslete mə ŋkɛ tekelɛke! Yagha wəndə tembele! Menete nda mə wəsə kwa ndiremi nya se ŋkɛ kamene nda ke kweci mbeli! Kaganda ne, kande kele ghə se ŋkɛ laka Shala Mahwətə ta ka Israyɛl nya tekeleke.

Ɛzɛkiyɛl 28:17

Nahe ganyɛ kendeke ŋa kele ghə ba'a nahe jive ta ŋa te kema keteŋweslemte ŋa. Vatse negha ŋa 'ya hwa hɛɗi ba'a ncɛ nda ŋa 'ya ke kweci ka meghea kɛfi.

Ɛzɛkiyɛl 28:2

«Wəndə ŋelɛ, ma pa na sha meghea ka Tir: Wa nya ghena ta Shala Mahwətə nya: Nahe na keveyi kele ghə kwa wənəa ŋa, ma pa na sha geze: ‹shala 'ya. Ŋkwa nya kehi va yɛ shala yanza 'ya te te tepe ta ndərə.› Kala shala newe ghəa ŋa na, ama deke wəndə ŋelɛ na, kaɗema kashala.

Ɛzɛkiyɛl 28:5

Te zlaɓa ta wəba ta ɗepe wəshia ŋa laka ghena ta zhɛre dzeve mbakete mcɛləa ŋa na. Pa mcɛləa shɛ ndeke ŋa kele ghə.

Ɛzɛkiyɛl 31:10

Vatse gɛ ne, wa nya ghena nya geze 'ya, 'ya Shala Mahwətə nya: Nahe lekelekea shɛ kekelenyɛ, kacɛme cɛame ləmbə ŋkɛ ba'a nahe ŋkɛ kezhɛrenyɛ kande kele ghə.

Daniyɛl 11:12

Ma vəa ŋkwa nya tehərəte ŋkwa meghe nya laka bela kwa zeme ne, katekele ghə ŋkɛ. Ya kwela tempə ka sewajɛ ŋkɛ tipə tipə ne, katetemə berete ta ŋkɛ we.

Daniyɛl 8:11

Ya wəndə nya te ghəa ka sewajɛ nyi pelɛ ghweme ne, pa teremea shɛ have nda mpa, pa nde fɛamte melɛ nyi dzeghe nda mbeli keveci keveci ba'a zhɛrete ghɛa Shala wale wale.

Habakək 2:4

Ma pa na sha rafe: Kateza wəndə nya kekele ghə, ama katenza wəndə nya tiɗiɗi teghweme.»

Slene 17:25

Kaketekɛ ŋkɛ slene nyi mene dzeve ta wəndə ŋelɛ we, kwa nza ŋkɛ gheŋkɛ nde ve nda mpi ke yayata wəndə, sefə nya hwə ba'a wəshi nyi ketene.

1 Ka Korɛnte 8:4

Nda tsagha nde ne, kashɛ mbeli zeme slia wəshi nyi dzeghekɛ nda melɛ mbeli le hɛ ke kweci shala na? Nahe gheɓəmə keɗepe gəmə kweci shala, deke Shala kwetɛŋe ya shɛ.

1 Timotɛ 3:6

Kehi ŋkɛ kanza kawəndə nya keyɛte ghena ta Shala kamɛnɛfɛ we. Ma kenza ŋkɛ tsagha ne, katekele ghəa ŋkɛ ŋkɛ ba'a kateve nda geva fete kala gətəli.

Ka Ɛbrə 4:13

Wəsə shɛ tewəfərə sha Shala we, darahwe rahwe pɛtɛa wəshi shɛ. Gheŋkɛ yategeze nda wəshi nyi menete gheɓəmə gheɓəmə.

Ghena Kelɛŋə 9:20

Ma mbeli nyi ketene kaɗema kempə va ndiremia shɛhɛ ne, kese hɛ kazhɛre nda wəmbə ke wəshi nyi zhɛrete mbeli kashala nyi menete hɛ le dzeve ta nci we. Kefɛa hɛ yitea hawe va yɛ 'yi'yɛghwə, shala nyi menete mbeli yitea mze kwa tere tere, mze kwa tɛawetɛa, mze kwa ghwə ghwə, pelɛ ba'a sheghwə, wəshi nyi keɗema kanewe ŋkwa, kafa ghena ba'a kadzeghwa we.

Ka Meha ghwə 16:23

Ma te kwete hɛ, pa mbeli nyi te ghəa ka Filisti tsenete geva kezha mene gəsəkəa hərə ŋkwa ta nci ba'a kezha dzeghe melɛ ke shala ta nci Dagon. Ma ke hɛ ghate cimə: «Nahe shala ta ɓəmə kesave ɓəmə mbe dzeve Samson, nde ghema ta ka Filisti.»

1 Saməyɛl 17:26

Ma ke David 'yɛwete va ka sewajɛ nyi tagha vare: «Wa yateɗa nda mbeli ke wəndə nya kepeslekɛ nde Filistia shɛ ba'a ketewa ŋele nya te ka Israyɛl wa? Wa ŋkɛ nde Filisti nya keslamtema mɓɛta nya, nda ŋele ka sewajɛa Shala teghweme ŋkɛ wa?»

1 Saməyɛl 17:36

Tsetse se nde mene slene ta ŋa kampə yɛ nivɛrə ba'a yɛ mtsekwele. Kala kwete wəndəa nci tenza nde Filisti nya keslamtema mɓɛta nya, kwa nza ŋkɛ nahe ŋkɛ keŋelekɛ ka sewajɛa Shala teghweme.»