Daniyɛl 5:21 - Ghena ta Shala

²¹ Ŋkwase ŋkɛ ŋkamte geva shave hwa mbeli, pa zhɛrenyɛ kala wəshi keseɗa. Pa ŋkɛ nzanyɛ hwa kwara lɛmə gamba, ntake ŋkɛ kazeme gwəzə kala sla ba'a nahe ŋkɛ kese bətə mbe mɛnɛ, hwa'a te və nya ɗepete ŋkɛ Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Daniyɛl 5:21 Iomraidhean Croise

Palepa ta JOB 39:5

Wa nde pelakɛ kwara gamba waɗe wa? Wa nde pelemte zewe nya kwa wa?

Ɛzɛkiyɛl 17:24

Ma tsagha, kateɗepete pɛtɛa wəfe nyi kwamte 'ya ya kaMahwətə. Katempə wəfe nyi jama jama 'ya ba'a katekele nyi ɓɛhwɛ ɓɛhwɛ 'ya. Kateghwele wəfe nyi njaɓa njaɓa 'ya ba'a kategə yɛmə 'ya mbe nyi keghwele ghwele. 'Ya Mahwətə nde gezete ba'a 'ya nde teyipə ghena shɛ kadzawa.»

Daniyɛl 4:14

Nahe wəsəa shɛ kenza kawəsə nya ɗe ka ghwene ta Shala, kazəzə nya kese va ka ya hɛɗi lema, yitea ɗepete pɛtɛa wəshi nyi nza mpi hwe Shala tehwə ghweme ya kande sleke mbeli pɛtɛ. Kave nda meghe ŋkɛ ke wəndə nya ɗe ŋkɛ ba'a wərə ŋkɛ kandeke nda ŋkɛ ke wəndə nya gwedə ma.›

Daniyɛl 4:17

Nahe na kenakɛ wəfe nya kezhɛrenyɛ wəbake ba'a bereteke, nya biya ta ŋkɛ hwa'a pelɛ ghweme ba'a nya newe mbeli hwa'a te mendɛkwe ta hɛɗi.

Daniyɛl 4:22

Kateŋkamte geva na shave hwa mbeli. Katenza na hwa wəshi keseɗa nyi hwa gamba, katezeme gwəzə na kala sla ba'a katenza na bətə mbe mɛnɛ. Katenza na tsagha kava mberefaŋe hwa'a te və nya teɗepete na Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Daniyɛl 4:25

Pa pɛtɛa wəshia shɛhɛ menete nda geva ke meghe Nabəkodonozor.

Daniyɛl 4:26

Kwa nza ŋkɛ ma va zake kwa sebe ta ŋkɛ ne, cape meghe yitea dzeghwa pelɛ dɛɓere nya kənəa ghɛ meghe nya mbe Babilone.

Daniyɛl 4:34

Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 5:18

Meghe yawe, nahe Shala tehwə ghweme keveyi yiteyɛ ŋa Nabəkodonozor kameghe nya wəba, nya berete ba'a nya nza zləvə te.