Daniyɛl 5:2 - Ghena ta Shala

² Ma kwa ghwəyi ŋkɛ ne, pa gezete kezha fəke wəshi kesa wəshi nyi le mze kwa tere tere ba'a mze kwa tɛawetɛa nyi fəte yitenyɛ Nabəkodonozor mbe ghɛa Shala nya mbe Zhɛrəzalɛm mbeli, yitea sa wəsə kesa ŋkɛ, mbelia jama nyi yite, ka meghwateshia ŋkɛ ba'a kweci mia ŋkɛ kwa hɛ.

Daniyɛl 5:2 Iomraidhean Croise

2 Saməyɛl 9:7

Ma ke David shɛ: «Ghazlənəma na ma! Tewəmbəreke Yite ŋa Zhonatan, 'ya katemene ŋa ganyɛ. Kateve ŋa hɛɗi nya kese va shia ŋa Sawəl 'ya pɛtɛ, ɓiyitsa ne, gheɓə le gha zeme wəsə keveci keveci.»

2 Ka Meghea Kɛfi 24:13

Kala nya gezete Mahwətə kaghate ne, pa Nabəkodonozor fəmte wəshi nyi mbe ghɛa Shala le yɛ nyi ki ghɛa meghe, pa ŋkɛ mpəmte wəshi mze kwa tere tere nyi vɛsəte meghe Salomon kezha mene slene le hɛ mbe ghɛa Shala.

2 Ka Meghea Kɛfi 25:15

Pa meghea ka ya ŋkwa fəhwe kweci wəshi kwa mze kwa tere tere, kwa geleɓə, yɛ helape ketere 'wərdə, yɛ kweci wəshi kesa wəsə.

2 Wəshi nyi Mene Ka Meghe 11:20

Kwa sebe ta nta, pa Robowam wəmeve Ma'aka, wəzha ta Abishalom nya keyake nda ŋwale tezhili wəfaɗe, Abiya, Atay, Ziza ba'a Shelomit.

2 Wəshi nyi Mene Ka Meghe 15:16

Pa le meghekɛ Ma'aka kelemte meghe Asa seyi te nza kanya kwelea mi, va nza menete wəsə kwa ndiremi Ashɛra, nya zhɛrete mbeli kashala. Pa ŋkɛ gezete nda ke mbeli kampə wəsəa shɛ, kancɛhwe ŋkɛ ba'a katere le ghwə mɛa hələa Sɛdron.

2 Wəshi nyi Mene Ka Meghe 36:10

Ma hecimə ne, pa Nabəkodonozor keleghe kadzeme Babilone, le wəshi nyi nza zləvə te mbe ghɛa Mahwətə fəhwe ŋkɛ, pa ntave Sɛdɛsiyas, menənyɛa Zhowakin, kameghea hɛɗia Zhəwda le Zhɛrəzalɛm.

2 Wəshi nyi Mene Ka Meghe 36:18

Pa ŋkɛ fəhwe wəshi nyi mbe ghɛa Shala pɛtɛ, nyi jama jama ba'a nyi ɓɛhwɛ ɓɛhwɛ, tsagha wəshi nyi mbe cɛ kebete wəshi nyi nza zləvə te hɛ nyi mbe ghɛa Shala, ŋa meghe ba'a ŋa ka mene slene ta ŋkɛ, pa fəghe pɛtɛ kadzeme Babilone.

Ɛsdras 5:14

Nahe meghe Nabəkodonozor kefəhwe wəshi nyi le mze kwa tere tere ba'a nyi le mze kwa tɛawetɛa nyi kese mbe ghɛa Shala pelɛ Zhɛrəzalɛm, kezha fəyi ki ghɛa shala ta ka Babilone. Nahe meghe Sirəs kefəakave hɛ shave ki ghɛa shala ta ka Babilone, kedapate nda hɛ te dzeve ke wəndə nya nza sləa ŋkɛ kaShɛshebasar nya ntave ŋkɛ kaŋgwamna ta ka Zhəwda.

Zhɛrɛmi 27:7

Pɛtɛ tenza hwelefefi mbe dzeve ta ŋkɛ, kwa sebe ta ŋkɛ, mbe dzeve ta wəzege ta ŋkɛ ba'a mbe ŋa shinyɛ, pa te və nya tenza hɛɗia ŋkɛ mbe dzeve ta kweci hɛɗi nyi berete berete ba'a ka meghe nyi jama jama.»

Zhɛrɛmi 50:35

Ma ke Mahwətə: «Ha nda mə mpa ke Babilone, ke mbeli nyi mbe, ke mbeli nyi te ghə mbe ba'a ke ka ntsehwele ntsehwele nyi mbe!

Zhɛrɛmi 52:19

Pa wəndə nya te ghəa ka ya ŋkwa fəte kweci wəshi mze kwa tere tere ba'a kwa ghwə: yɛ kwenə, wəshi nyi tere 'wərdə mbeli kwa, kwenə kepisə ŋkwa, wəshi kefə pəsəɗə, wəshi kepesle ghwə kwa paterela, wəshi kesa yɛmə ba'a kweci kemene slene.

Daniyɛl 1:2

Pa Mahwətə vame Zhowakim, meghe nya mbe Zhəwda ba'a bela ta wəshi kemene slene nyi mbe ghɛa Shala mbe dzeve ta ŋkɛ. Pa ŋkɛ fəghe ka mavashi kajive Babilone ba'a beteyi wəshi kemene slene mbe ghɛa yɛ shala ta ŋkɛ, mbe cɛ kebete yɛ shala ta ŋkɛ.

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 5:13

Tagha gɛ, pa mbeli keleghe Daniyɛl kadzeki sha meghe. Laŋe meghe te ghena, ma ke shɛ: «Gha ya kaDaniyɛl, nde Zhəwif nya keleke meghe, yiteyɛ ɗa, se mbe Zhəwda na?

Daniyɛl 5:18

Meghe yawe, nahe Shala tehwə ghweme keveyi yiteyɛ ŋa Nabəkodonozor kameghe nya wəba, nya berete ba'a nya nza zləvə te.

Daniyɛl 5:23

Nahe na kese kavereslə le Shala nya pelɛ ghweme, te və nya fəke wəshi kesa wəshi nyi kese mbe ghɛa Shala na. Nahe yɛ kese kasa tɛ kwa hɛ, gha, mbelia jama yitea gha, ka meghwateshia ŋa ba'a kweci mia ŋa. Nahe na ketsahekɛ yɛ shala mze kwa tɛawetɛa, mze kwa tere tere, mze kwa ghwə ghwə, lɛ, sheghwə ba'a pelɛ, shala nyi keɗema kanakɛ ŋkwa, kafa ghena keɗema nyi keɗepema wəshi. Nahe na kesema kave zləvə te Shala nya nza mpia ŋa ba'a pɛtɛa dzeghwa ta ŋa mbe dzeve ta ŋkɛ.

Daniyɛl 5:3

Tagha gɛ, pa mbeli fəke wəshi kesa wəshi nyi kese mbe ghɛa Shala nya mbe Zhɛrəzalɛm. Ntake meghe, mbelia jama nyi yite, ka meghwateshia ŋkɛ ba'a kweci mia ŋkɛ kasa wəshi kwa hɛ.

Daniyɛl 5:30

Ma mbe viɗia shɛ ne, pa mbeli peslekɛ Baltazar, meghe nya mbe Babilone.

Daniyɛl 5:4

Ma kwa sebe ta nya sahwe wəshi hɛ ne, ntake hɛ katsahe yɛ shala mze kwa tere tere, mze kwa tɛawetɛa, mze kwa ghwə ghwə, lɛ, sheghwə ba'a pelɛ.