Daniyɛl 5:16 - Ghena ta Shala

¹⁶ Nahe 'ya kefate wərə na kagezete ghena nya mbe wəshi nyi dzawe dzawe ba'a kaɗepete ntsehwelea ghena nyi ghyana ghyana. Ma kejaŋgate rafe nya na ba'a kegezete ɗa ghena nya mbe na ne, kateseɗe ŋa karalame 'ya, kateve ŋa livə mze kwa tere tere 'ya kwa welɛa ŋa ba'a katenza na hwa ka mene slene nyi jama jama te hɛɗia ɗa.»

Daniyɛl 5:16 Iomraidhean Croise

Gha ta Wəshi 40:8

Ma ke hɛ shɛ: «Ghen'yɛ shiwəte shiwə, ama wəndə shɛ kezha ncɛte n'yɛ ghena nya mbe we.» Ma ke Zhozɛf sha hɛ: «Wərə Shala kancɛte ŋayɛ, gezete ɗa mə shiwəa ŋayɛa shɛhɛ.»

Gha ta Wəshi 41:15

Ma ke Farawon sha Zhozɛf: «Nahe 'ya keshiwəte shiwə, ama wəndə shɛ kegezete ghena nya mbe we. Nahe 'ya kefa wərə na kagezete ghena nyi mbe yɛ shiwə kegezete ŋa hɛ mbeli.»

Gha ta Wəshi 41:42

Seɗeŋwe ŋkɛ sha ŋgwedɛba same kwa dzeve ta ŋkɛ, pa ŋkɛ seɗate nda ŋkɛ te dzeve ke Zhozɛf. Pa ŋkɛ seɗaghe nda lekwesa kwa kweɗekwe ba'a seɗeŋwe ŋkɛ sha zhɛɗa mze kwa tere tere kwa welɛ ve.

Daniyɛl 2:48

Zhɛne ne, pa meghe veyi Daniyɛl kawəndə kwele ba'a fəke nda wəshi gəmə nyi ganji ganji kwele kwele. Pa ŋkɛ veyi ŋkɛ kaŋgwamna nya mbe sla ta hɛɗia Babilone ba'a kawəndə nya te ghəa ka ntsehwele ntsehwele nyi mbe Babilone.

Daniyɛl 2:6

Ama kencɛte ɗa shiwəa ɗa ba'a ghena nya mbe yɛ ne, kateve ŋayɛ wəshi gəmə kwele kwele ba'a zləvə nya wəba 'ya. Gezete ɗa mə shiwəa ɗa ba'a ghena nya mbe gɛ!»

Daniyɛl 5:29

Tagha gɛ, pa Baltazar gezete kezha seɗe nda karalame mbeli ke Daniyɛl ba'a kezha seɗe nda livə mze kwa tere tere mbeli kwa welɛ. Pa ŋkɛ zlapete kezha nza Daniyɛl hwa ka mene slene nyi jama jama mbe hɛɗia meghe.

Daniyɛl 5:7

Pa meghe zlapete le berete kezha fə nda ka kelɛŋə, ka mene ghwɛ ba'a ka ŋa zlera mbeli kadzeki. Laŋe meghe te ghena, ma ke sha ka ntsehwele ntsehwele nyi mbe Babilone: «Ma wəndə nya kejaŋgate rafe nya ba'a nya kegezete ɗa ghena nya mbe ne, kateseɗe nda karalame 'ya, kateve nda livə mze kwa tere tere 'ya kwa welɛ ba'a katenza ŋkɛ hwa ka mene slene nyi jama jama te hɛɗia meghe.»

Daniyɛl 6:2

Pa Dariyəs tarete kezha nta mbelia jama gwəmsə ba'a bakemsə kezha sleke pɛtɛa hɛɗia ŋkɛ.

Slene 8:18

Ma kwa nakɛ ke Simon nahe mbelia Yɛsə Kriste kekemave Sefəa Shala kwa dapaghe dzeve ka ghwene ta Yɛsə Kriste kənəa hɛ, pa ŋkɛ keleke nda cɛdɛ ke yɛ Piyɛre le Zhaŋe,