Daniyɛl 5:13 - Ghena ta Shala

¹³ Tagha gɛ, pa mbeli keleghe Daniyɛl kadzeki sha meghe. Laŋe meghe te ghena, ma ke shɛ: «Gha ya kaDaniyɛl, nde Zhəwif nya keleke meghe, yiteyɛ ɗa, se mbe Zhəwda na?

Daniyɛl 5:13 Iomraidhean Croise

Ɛsdras 10:16

Ama pa kweci ka Israyɛl nyi kezhɛneke geva menete kala nya gezete geva. Pa nde dzeghe Shala Ɛsdras tsehave mbeli nyi te ghə keyita keyita ba'a hekate hɛ keslə keslə. Ntishɛ hɛ te kwa ghate ta hɛa tere kwa meŋe kezha yipə ghena shɛ.

Ɛsdras 10:7

Ma kwa sebe ta ŋkɛ ne, pa mbeli zlapete mbe Zhəwda ba'a mbe Zhɛrəzalɛm kezha tsenete geva mbeli nyi kezhɛneke geva nyi mbe Zhɛrəzalɛm.

Ɛsdras 4:1

Ma kwa fate ka jaga ta ka Zhəwda le ŋa ka Bɛnjamɛn nahe mbeli nyi fəhwe nyi mbeli keghate ŋa ghɛa Shala Mahwətə ta ka Israyɛl ne,

Ɛsdras 6:16

Ntake Israyɛl, ka dzeghe Shala, ka Lɛvi le kweci mbeli nyi kezhɛneke geva se mbe mava kamene gəsəkəa keghwene ghɛa Shala le zlama.

Daniyɛl 1:1

Ma mbe kwa mahekene ta va ta Zhowakim, meghe nya mbe Zhəwda mbe meghe ne, pa Nabəkodonozor, meghe nya mbe Babilone se kahave nda mpa ke Zhɛrəzalɛm.

Daniyɛl 1:2

Pa Mahwətə vame Zhowakim, meghe nya mbe Zhəwda ba'a bela ta wəshi kemene slene nyi mbe ghɛa Shala mbe dzeve ta ŋkɛ. Pa ŋkɛ fəghe ka mavashi kajive Babilone ba'a beteyi wəshi kemene slene mbe ghɛa yɛ shala ta ŋkɛ, mbe cɛ kebete yɛ shala ta ŋkɛ.

Daniyɛl 1:21

Nahe Daniyɛl kenza mbe slene ta meghe hwa'a te və nya dzete meghe Sirəs.

Daniyɛl 1:6

Hwa mbeli nyi tsehave mbeli ne, ka Zhəwda ya shɛ: Daniyɛl, Hananiya, Mishayɛl ba'a Azariya.

Daniyɛl 2:25

Taghanyɛ ne, pa Ariyok keleghe Daniyɛl kadzeki sha meghe, ma ke shɛ: «Meghe yawe, ma hwa mbeli nyi fəke na se mbe Zhəwda ne, nahe 'ya kentsate wəndə nya kenza kancɛte ŋa ghena nya mbe shiwəa ŋa.»

Daniyɛl 2:48

Zhɛne ne, pa meghe veyi Daniyɛl kawəndə kwele ba'a fəke nda wəshi gəmə nyi ganji ganji kwele kwele. Pa ŋkɛ veyi ŋkɛ kaŋgwamna nya mbe sla ta hɛɗia Babilone ba'a kawəndə nya te ghəa ka ntsehwele ntsehwele nyi mbe Babilone.

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 5:14

Nahe 'ya kefate kageze mbeli sefəa yɛ shala ya mbe gha ba'a nahe mbeli kesləyi kelɛŋə, ɗepe wəsə ba'a ntsehwele nya dzawe mbe gha.

Daniyɛl 5:18

Meghe yawe, nahe Shala tehwə ghweme keveyi yiteyɛ ŋa Nabəkodonozor kameghe nya wəba, nya berete ba'a nya nza zləvə te.

Daniyɛl 5:2

Ma kwa ghwəyi ŋkɛ ne, pa gezete kezha fəke wəshi kesa wəshi nyi le mze kwa tere tere ba'a mze kwa tɛawetɛa nyi fəte yitenyɛ Nabəkodonozor mbe ghɛa Shala nya mbe Zhɛrəzalɛm mbeli, yitea sa wəsə kesa ŋkɛ, mbelia jama nyi yite, ka meghwateshia ŋkɛ ba'a kweci mia ŋkɛ kwa hɛ.

Daniyɛl 6:13

Kwa sebe ta ŋkɛ ne, cape hɛ kalə sha meghe, ma ke hɛ shɛ: «Ashɛ meghe kedɛkate lamba te palepa ta wəsə mahalegə nya kefɛa ŋkwa kesəkwə kwete shala keɗema kwete wəndə mbe hɛ mahekenemsə wəka? Ma yayata wəndə nya kesəkwəte kwete shala keɗema kwete wəndə ne, ashɛ mbeli katenegha ŋkɛ kwa kia yɛ nivɛrə wəka?» Ma ke meghe zhɛnete: «Kaganda ne, tsagha tarete 'ya, kala wəsə mahalegəa ka Mɛde ba'a ka Pɛrse nya keɗema kazhɛremte geva.»

Daniyɛl 8:1

Ma mbe kwa mahekene ta va ta Baltazar te meghe ne, pa 'ya, 'ya Daniyɛl zhɛne kanakɛ kwete wəsə, kwa sebe ta nya ghate 'ya kanakɛ.

Daniyɛl 8:27

Tagha gɛ, ma 'ya, 'ya Daniyɛl ne, pa geva ta ɗa tanyɛ ba'a pa zereghwe kesehwe ɗa kahɛ kwele kwele. Kwa sebe ta ŋkɛ, pa 'ya mbe ɗa, zhɛne 'ya kamene slene ta meghe. Nahe mehele ta ɗa kenza ketaze taze va wəsə nya nakɛ 'ya, tewəmbəreke nya favema ŋkɛ 'ya.

Zhaŋe 7:1

Kwetere wəmbəa ŋkɛ, cape Yɛsə kadzeghwa dzeyi te hɛɗia ka Galilɛ, hɛreɗɛ ɗema dzeghwa te hɛɗia ka Zhəwdɛ va nya nza hɛ kamene ntsehwele kapesle.

Zhaŋe 7:3

Ma ke ka menəhɛnyɛ sha Yɛsə: «Slə ŋa teke, kwiɗi kadzembe Zhəwdɛ yitea nakɛ slene nyi mene na mbeli nyi ketəkwə təkwə ŋa.