Daniyɛl 5:12 - Ghena ta Shala

¹² Zəzə nya dzawe ya ve, nahe ŋkɛ keɗepe zeweve ta wəshi ba'a nahe ŋkɛ kenza kande ɗepe wəsə. Nahe ŋkɛ keɗepe geze ghena nya mbe yɛ shiwə, keɗepe ghena nyi dzawe dzawe ba'a keɗepe ntsehwelea ghena nyi ghyana ghyana. Hekake Daniyɛl nya ndeke nda slə meghe kaBɛltasar mbeli. Kategeze ŋa ghena nya mbe rafea shɛ ŋkɛ.»

Daniyɛl 5:12 Iomraidhean Croise

Cimə 16:3

Ma mbelia Shala nyi te hɛɗia shɛ ne, ghenci ka katsala kɛfi nyi zeɗehwe ɗa.

Yɛ Ghena Ŋela 12:26

Ma wəndə nya tiɗiɗi ne, hweŋkwa ganyɛ yancɛ nda ŋkɛ ke wəndə. Ama ka 'yaghwa mehele ne, hweŋkwa ta nci nde za hɛ.

Yɛ Ghena Ŋela 17:27

Ma wəndə nya kedzakwe mɛa ŋkɛ ne, wəndə keɗepe wəsə ŋkɛ. Ma wəndə nya kegweɗakwe mehele ne, wəndə nya nza zəzə ve ŋkɛ.

Ɛzɛkiyɛl 28:3

Ɗepe ma wəshi na ke Daniyɛl newe ghəa ŋa na. Wərə na kafave zeweve ta wəshi meŋele zəzə na.

Daniyɛl 1:17

Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 1:7

Pa wəndə nya te ghəa ka mene slene hekate nda slə mɛnɛfɛ ke hɛ: Bɛltasar ŋa Daniyɛl, Shadrak ŋa Hananiya, Mɛshak ŋa Mishayɛl, Abɛd-Nɛgo ŋa Azariya.

Daniyɛl 2:26

Ma ke meghe 'yɛwete va Daniyɛl nya nza kwete sləa ŋkɛ kaBɛltasar: «Kaganda nza na kagezete shiwəa ɗa ba'a kancɛte ɗa ghena nya mbe na?»

Daniyɛl 4:19

Meghe yawe, gha ya kawəfea shɛ gɛ! Nahe na kezhɛre ŋa wəbake ba'a bereteke. Kakwaɗe ghweme kwelea ŋa ba'a kapesle geva berete ta ŋa hwa'a te mendɛkwe ta hɛɗi.

Daniyɛl 4:8

Pa wəfea shɛ zhɛrenyɛ wəbake ba'a bereteke. Kakwaɗe ghweme ghəa ŋkɛ, kanewe ŋkɛ mbeli hwa'a te mendɛkwe ta hɛɗi.

Daniyɛl 5:14

Nahe 'ya kefate kageze mbeli sefəa yɛ shala ya mbe gha ba'a nahe mbeli kesləyi kelɛŋə, ɗepe wəsə ba'a ntsehwele nya dzawe mbe gha.

Daniyɛl 5:16

Nahe 'ya kefate wərə na kagezete ghena nya mbe wəshi nyi dzawe dzawe ba'a kaɗepete ntsehwelea ghena nyi ghyana ghyana. Ma kejaŋgate rafe nya na ba'a kegezete ɗa ghena nya mbe na ne, kateseɗe ŋa karalame 'ya, kateve ŋa livə mze kwa tere tere 'ya kwa welɛa ŋa ba'a katenza na hwa ka mene slene nyi jama jama te hɛɗia ɗa.»

Daniyɛl 6:3

Pa ŋkɛ nteyi mbeli nyi te ghə mahekene te ghəa nci. Ma kezha ɗema kabeze nda ghena ke meghe ne, kategeze nda dzeghwa ta slene mbe sla ta hɛɗia nci mbelia jama shɛhɛ ke hɛ. Nahe Daniyɛl kenza hwa mbeli nyi te ghəa shɛhɛ.

Daniyɛl 6:4

Nahe Daniyɛl kenza za ma ke kweci mbeli nyi te ghə ba'a mbelia jama, kwa nza ŋkɛ zəzə nya zlahe ya mbe. Pa meghe zəzəte kave ŋkɛ kawəndə nya te ghəa pɛtɛa hɛɗia ŋkɛ.

Ka Kolose 1:29

Vatse mene slene 'ya ba'a mpa 'ya le berete ta Kriste nya kemene slene le berete mbe 'ya.