Daniyɛl 5:11 - Ghena ta Shala

¹¹ Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 5:11 Iomraidhean Croise

Gha ta Wəshi 41:38

Ma ke Farawon sha hɛ: «Wəndə nya ne, Sefəa Shala ya viɗi mbe. Katenakɛ kwete gheɓəmə wəndə za ma ke gheŋkɛ na?»

2 Saməyɛl 14:17

Ya, Maze yawe, ma wəsə nya zəzə 'ya: ‹Ma wəsə nya gezete meghe ne, kategweɗakwe ɗa mehele ŋkɛ. Kwa nza ŋkɛ ne, kala nde ghwene ta Shala meghe, na keɗepe nehe wəsə nya ganyɛ le nya ndiremi.› Pa Shala Mahwətə ta ŋa nza le gha!»

Ɛzɛkiyɛl 28:3

Ɗepe ma wəshi na ke Daniyɛl newe ghəa ŋa na. Wərə na kafave zeweve ta wəshi meŋele zəzə na.

Ɛzɛkiyɛl 28:4

Te zlaɓa ta ntsehwelea ŋa ba'a ɗepe wəshi ŋa kemave mcɛlə na. Nahe na ketsenete mze kwa tere tere ba'a mze kwa tɛawetɛa.

Daniyɛl 1:4

ŋwale tezhili nyi ɗema beze te hɛ, nyi ndeɗe ndeɗe, nya kentsehwele ntsehwele, nyi keɗepe wəshi ba'a nyi nza zəzə va hɛ, yitea mene slene hɛ ki ghɛa meghe. Kateteke rafe wəshi ba'a ghena ta ka Babilone hɛ.

Daniyɛl 2:11

Nahe wəsə nya 'yɛwe nya meghe kenza dzawe, wəndə shɛ kagezete nda ŋkɛ ke meghe we, nda yɛ shala. Ama kenza hɛ hwa mbeli we.»

Daniyɛl 2:22

Gheŋkɛ nde ncɛ wəshi nyi dzawe dzawe nyi tewəfərə. Nahe ŋkɛ keɗepe wəsə nya tewəfərə mbe ŋkwesle, kwa nza ŋkɛ kaɓele waŋe dzeyi yite.

Daniyɛl 4:18

Sleke nyi ndeɗe ndeɗe ba'a ya kwele kwele ya te wəfea shɛ. Kaŋ'we wəsə kezeme pɛtɛa wəshi nyi nza mpi hwe te. Kanza wəshi keseɗa nyi hwa gamba yitea shenaŋkwe ta ŋkɛ, kapa ghɛa nci yɛ 'yɛ dzeyi te yɛ dzeve ta ŋkɛ.

Daniyɛl 4:5

Ma kakwa keɗaŋe ne, pa Daniyɛl nya heka mbeli kaBɛltasar laka sləa shala ta ɗa ba'a nya nza sefəa yɛ shala mbe dzeki. Pa 'ya ɓelate nda shiwəa ɗa, ma 'ya shɛ:

Daniyɛl 4:6

Bɛltasar, wəndə nya te ghəa ka ntsehwele ntsehwele, nahe 'ya keɗepe sefəa yɛ shala ya mbe gha, wəsə nya tewəfərə shɛ kambele va gha we. Ncɛte ɗa ghena nya mbe wəsə nya nakɛ nya 'ya te shiwə gɛ!

Daniyɛl 5:14

Nahe 'ya kefate kageze mbeli sefəa yɛ shala ya mbe gha ba'a nahe mbeli kesləyi kelɛŋə, ɗepe wəsə ba'a ntsehwele nya dzawe mbe gha.

Daniyɛl 5:7

Pa meghe zlapete le berete kezha fə nda ka kelɛŋə, ka mene ghwɛ ba'a ka ŋa zlera mbeli kadzeki. Laŋe meghe te ghena, ma ke sha ka ntsehwele ntsehwele nyi mbe Babilone: «Ma wəndə nya kejaŋgate rafe nya ba'a nya kegezete ɗa ghena nya mbe ne, kateseɗe nda karalame 'ya, kateve nda livə mze kwa tere tere 'ya kwa welɛ ba'a katenza ŋkɛ hwa ka mene slene nyi jama jama te hɛɗia meghe.»

Slene 12:22

Ma ke mbeli tsate lewela: «Wəndə nde geze nya ghena we, ama shala.»

Slene 14:11

Ma kwa nakɛ wəsə nya menete Pol hɛ ne, kɛake ka Likawon sha lewela le ghena ta nci, ma ke hɛ: «Wa nyi shala nyi kekelete pa ta wəndə ŋelɛ nyi. Nahe hɛ kesawa sha gheɓəmə.»

Slene 16:16

Ma te kwete hɛ ne, ntəŋə ghen'yɛ kadzete ŋkwa kesəkwə ghə. Begeme n'yɛ le kwete degheli nya kakwatera ta kwete wəndə. Meghe dzeve nya keve nda geze wəsə nya ketemene geva ya yitea ghə ve. Kwele kwele kele nda cɛdɛ nde kase ke mbeli nyi kesleke ŋkɛ laka wəsəa shɛ.

Ghena Kelɛŋə 3:9

Wa nya wəsə nya temene nda 'ya ke jikə ta mbelia Satan, ka tseŋwəa kɛfi nyi keve ghəa nci nyi kaka Zhəwif, ama kaɗema hɛ kaka Zhəwif nya: kateŋka hɛ 'ya le berete kase kagwəɗəŋə kwa kema ta ŋa kezha hawe va gha. Kateɗepe hɛ kaɗe ŋa 'ya.