Daniyɛl 4:7 - Ghena ta Shala

⁷ Ma vəa ŋkwa nya nza 'ya meɓelahe te gezle ta ɗa ne, wa nya wəsə nya nakɛ 'ya nya: Ma te tepe ta hɛɗi ne, wəfe ya shɛ kebiyanyɛ.

Daniyɛl 4:7 Iomraidhean Croise

Gha ta Wəshi 41:24

Pa ghəa ha nyi slɛahe slɛahe nyighɛ ndahwe nyi jama jama mberefaŋe. Pa 'ya gezete nda shiwəa shɛhɛ ke ka mene ghwɛ ne, ama wəndə shɛ hwa hɛ kegezete ɗa ghena nyi mbe hɛ we.»

Gha ta Wəshi 41:8

Ma masheke ne, kwetɛ kwetɛŋe mehele ta Farawon. Pa ŋkɛ hekake ka mene ghwɛ ba'a ka ntsehwele ntsehwele nyi mbe Ɛzhipte pɛtɛ. Pa ŋkɛ gezete nda shiwəa ŋkɛ ke hɛ, ama wəndə shɛ kegezete nda ghena nya mbe we.

Cimə 37:35

Nahe 'ya kenakɛ nde 'yaghwa mehele kazhɛre kande ghwərə ghwərəa ntsə ba'a kapesle dzeve kala wəfe nya gwəzləmə.

Ɛzayi 44:25

'Ya katezhɛre ghena ta ka kelɛŋə kawəsə gəmə, 'ya katetazemte nda mehele ke mbeli nyi kencɛ wəsə nya ketemene geva, katezhɛne ka ntsehwele ntsehwele 'ya dzeyi te sebe ba'a katencɛ ɗepe mene wəsəa nci ka gezhia kɛfi.

Ɛzɛkiyɛl 31:3

Yipə yipə na le lekelekea ka Liban nya nza dzeve ta ŋkɛ kendeɗe ndeɗenji ba'a nya kemene shenaŋkwe ganyɛ. Kebiyanyɛ ŋkɛ kadzeme ghweme, kacɛme cɛame ləmbə ghəa ŋkɛ.

Daniyɛl 1:4

ŋwale tezhili nyi ɗema beze te hɛ, nyi ndeɗe ndeɗe, nya kentsehwele ntsehwele, nyi keɗepe wəshi ba'a nyi nza zəzə va hɛ, yitea mene slene hɛ ki ghɛa meghe. Kateteke rafe wəshi ba'a ghena ta ka Babilone hɛ.

Daniyɛl 2:10

Ma ke ka kelɛŋə zhɛnete nda: «Meghe yawe, wəndə shɛ te hɛɗi lema kamenete wəsə nya 'yɛwe nya na we. Kwa nza ŋkɛ meghe shɛ, ya gheŋkɛ nza wəbake keɗema bereteke, kegha ka'yɛwe wəsə nya kala nya va nde ŋa zlera, va nde mene ghwɛ keɗema va nde va kelɛŋə we.

Daniyɛl 2:27

Ma ke Daniyɛl zhɛnete nda: «Meghe yawe, wəndə shɛ hwa ka ntsehwele ntsehwele, hwa ka ŋa zlera, hwa ka mene ghwɛ, hwa ka ɗepe newe nza ta yɛ saseregwa kagezete nda shiwə nya tewəfərə ta ŋkɛ ke meghe we.

Daniyɛl 2:7

Kakwa bake zhigə ne, ma ke hɛ sha meghe: «Meghe yawe, gezete n'yɛ shiwəa shɛ, ghen'yɛ ka mene slene ta ŋa, yitea gezete ŋa ghena nya mbe ghen'yɛ gi!»

Daniyɛl 3:8

Tewə ketemə kwetere wəmbəa ŋkɛ ne, pa kweci ka Babilone se ba'a ndeke nda fete ke ka Zhəwif.

Daniyɛl 4:18

Sleke nyi ndeɗe ndeɗe ba'a ya kwele kwele ya te wəfea shɛ. Kaŋ'we wəsə kezeme pɛtɛa wəshi nyi nza mpi hwe te. Kanza wəshi keseɗa nyi hwa gamba yitea shenaŋkwe ta ŋkɛ, kapa ghɛa nci yɛ 'yɛ dzeyi te yɛ dzeve ta ŋkɛ.

Daniyɛl 5:7

Pa meghe zlapete le berete kezha fə nda ka kelɛŋə, ka mene ghwɛ ba'a ka ŋa zlera mbeli kadzeki. Laŋe meghe te ghena, ma ke sha ka ntsehwele ntsehwele nyi mbe Babilone: «Ma wəndə nya kejaŋgate rafe nya ba'a nya kegezete ɗa ghena nya mbe ne, kateseɗe nda karalame 'ya, kateve nda livə mze kwa tere tere 'ya kwa welɛ ba'a katenza ŋkɛ hwa ka mene slene nyi jama jama te hɛɗia meghe.»

Daniyɛl 5:8

Tagha gɛ, pa pɛtɛa ka ntsehwele ntsehwelea meghe dzeki, ama wəndə shɛ hwa hɛ kejaŋgate rafea shɛ keɗema kegezete nda ghena nya mbe ke meghe we.