Daniyɛl 4:5 - Ghena ta Shala

⁵ Ma kakwa keɗaŋe ne, pa Daniyɛl nya heka mbeli kaBɛltasar laka sləa shala ta ɗa ba'a nya nza sefəa yɛ shala mbe dzeki. Pa 'ya ɓelate nda shiwəa ɗa, ma 'ya shɛ:

Daniyɛl 4:5 Iomraidhean Croise

Gha ta Wəshi 41:1

Va bake kadzeghə ne, pa Farawon shiwəte shiwə: ma newe ŋkɛ ne, mɛa hələa Nil ŋkɛ.

Daniyɛl 1:7

Pa wəndə nya te ghəa ka mene slene hekate nda slə mɛnɛfɛ ke hɛ: Bɛltasar ŋa Daniyɛl, Shadrak ŋa Hananiya, Mɛshak ŋa Mishayɛl, Abɛd-Nɛgo ŋa Azariya.

Daniyɛl 2:1

Ma mbe kwa bake ta va ta Nabəkodonozor mbe meghe ne, pa shiwəte shiwə. Pa mehele ta ŋkɛ tazenyɛ ba'a pa hɛ shaŋe kakele ŋkɛ.

Daniyɛl 2:3

Ma ke meghe sha hɛ: «Nahe 'ya keshiwəte shiwə nya ketazemte ɗa mehele kwele kwele. Kaɗe 'ya kagezete ɗa shiwə nya shiwəte 'ya yɛ.»

Daniyɛl 4:10

Ma mba 'ya meɓelahe te gezle ta ɗa ne, pa 'ya nakɛ nde ghwene ta Shala, nde ya hɛɗi lema kasawa pelɛ ghweme.

Daniyɛl 4:13

Katembeɗemte geva wənə wəndə ŋelɛ ta ŋkɛ, kateve nda geva wənəa wəsə keseɗa. Katenza ŋkɛ tsagha kava mberefaŋe.

Daniyɛl 4:15

Nya ya kashiwə nya shiwəte 'ya, 'ya meghe Nabəkodonozor. Ma gha gɛ Bɛltasar, gezete ɗa ghena nya mbe, kwa nza ŋkɛ kapesle pɛtɛa ka ntsehwele ntsehwele nyi te hɛɗia ɗa yitea geze ɗa ghena nya mbe we. Ama gha ne, kapesle na yite kwa nza ŋkɛ sefəa yɛ shala ya mbe gha.»

Daniyɛl 4:19

Meghe yawe, gha ya kawəfea shɛ gɛ! Nahe na kezhɛre ŋa wəbake ba'a bereteke. Kakwaɗe ghweme kwelea ŋa ba'a kapesle geva berete ta ŋa hwa'a te mendɛkwe ta hɛɗi.

Daniyɛl 5:10

Pa meghekɛa meghe fate lewela nya tsate meghe ba'a ŋa mbelia jama nyi yite. Pa nde dzembe cɛ kezeme wəsə kezeme, ma ke sha meghe: «Meghe yawe, hɛyi ŋa Shala teghweme! Dakema na va yɛ zəzə ta ŋa ba'a nzama kema ta ŋa tɛarawe rawe ma.

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 7:1

Ma mbe kwa ghate ta va ta Baltazar kameghe mbe Babilone ne, pa Daniyɛl shiwəte shiwə ba'a nakɛ wəshi mbe mehele ta ŋkɛ, vəa ŋkwa nya nza ŋkɛ meɓelahe te gezle ta ŋkɛ. Tagha gɛ, pa rafete shiwəa shɛ.

Daniyɛl 7:28

Teke kiɗi ghena shɛ. Ma 'ya, 'ya Daniyɛl ne, kwele kwele tazenji yɛ zəzə ta ɗa. Pa 'ya zhɛre ɗa tɛarawe rawe ba'a ntake 'ya kazəzə wəsəa shɛ.