Daniyɛl 4:34 - Ghena ta Shala

³⁴ Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 4:34 Iomraidhean Croise

2 Saməyɛl 22:31

Hweŋkwa ta Shala ne, tiɗiɗi ŋkɛ, Ghena ta Mahwətə ne, kaganda ŋkɛ. Gheŋkɛ ya kageləa mbeli nyi kekemave ŋkwa kenza mbe.

1 Wəshi nyi Mene Ka Meghe 29:10

Pa David tsate nda hana ke Mahwətə kwa kema ta mbeli nyi tetsene, ma ke: «Hana ŋa na kaŋa keveci keveci Mahwətə, Shala ta shia n'yɛ Zhakob!

1 Wəshi nyi Mene Ka Meghe 29:13

Tsetsenya gɛ Shala ta n'yɛ, katsa ŋa ŋ'wese ghen'yɛ ba'a katsahe sləa ŋa nya nza zləvə te ghen'yɛ kwa cimə.

Palepa ta JOB 1:21

Ma ke: «Mederelaŋe sawa 'ya kwa hwəa meyɛ ɗa, mederelaŋe temte 'ya. Mahwətə nde keleke, Mahwətə nde kelehwe. Hana yatsa nda 'ya ke Mahwətə.»

Cimə 10:16

Mahwətə ya kameghe nya kaghala ghala, nahe hwelefefi kezanji te hɛɗia ŋkɛ.

Cimə 102:24

Nahe ŋkɛ kedzakwemte berete ta ɗa kwa hweŋkwa, nahe ŋkɛ kentamte hɛa ɗa.

Cimə 107:15

Tsahe Mahwətə hɛ kezha ganyɛa ŋkɛ ba'a kezha wəshi meŋelea ŋkɛ laka mbeli gɛ!

Cimə 107:22

Dzeghe nda melɛ ketsa hana hɛ, zlape wəshi nyi menete ŋkɛ hɛ le zlama.

Cimə 107:31

Tsahe Mahwətə hɛ kezha ganyɛa ŋkɛ ba'a kezha wəshi meŋelea ŋkɛ laka mbeli gɛ!

Cimə 107:8

Tsahe Mahwətə hɛ kezha ganyɛa ŋkɛ ba'a kezha wəshi meŋelea ŋkɛ laka mbeli gɛ!

Cimə 111:7

Nahe wəshi nyi mene ŋkɛ kenza kaganda ba'a tiɗiɗi, gezleŋe ghə shɛ mbe pɛtɛa ghena nyi geze ŋkɛ we.

Cimə 121:1

Cimə kedzeghwa kadzeme. Kanewe ŋkwa 'ya laka yɛ ghweme: Tema tese kemane ta ɗa wa?

Cimə 123:1

Cimə kedzeghwa kadzeme. Shala, kapele ntsə 'ya dzeme laka gha, gha nya mentishɛ pelɛ ghweme.

Cimə 145:13

Nahe meghea ŋa kenza kameghe nya kaghala ghala, katetemə meghea ŋa keshi keshi. Nahe Shala kenza dɛŋe dɛŋe te meɗe mɛa ŋkɛ, kancɛ ɗe ta ŋkɛ ŋkɛ mbe yayata wəsə nya mene ŋkɛ.

Cimə 146:10

Mahwətə nde tenza kameghe kaghala ghala. Siyon, gheŋkɛ ya kaShala ta ŋa keshi keshi. Alɛləwya!

Cimə 50:14

Te ŋkwa melɛ ne, tsahe ɗa, 'ya Shala ta ŋa, menete wəsə nya meɗeyi ɗa na, 'ya Shala tehwə ghweme.

Cimə 66:7

Meghe nya kaghala ghala ŋkɛ laka berete ta ŋkɛ, kave ntsə ŋkɛ te hwelefefi. Ɗema ka fama ghena sate te ŋkwa gɛ! Zhɛne mpi.

Cimə 7:17

Kanza zlɛ nya se ŋkɛ kamene kwa ghəa ŋkɛ, kanza mene berete ta ŋkɛ kənəa ghəa ŋkɛ.

Cimə 9:2

Mahwətə, katetsahe ŋa 'ya le wənəa ɗa pɛtɛ, kategeze wəshi meŋele nyi menete na 'ya.

Cimə 92:1

Cimə. Cimə kezha veci kezhɛne mpi.

Ɛzayi 13:11

Ma ke Shala: «Kateme 'ya te hɛɗi lema va 'yaghwa mehele ta ŋkɛ, te mbeli nyi ndiremi ndiremi mehele va fete ta nci. Kateza sebe 'ya te kele ghə ta ka ŋkele ntsə, kateshifə zlama ta ka ghwərə ghwərəa ntsə 'ya.

Ɛzayi 2:11

Katekweshame geva ntsə ta mbeli nyi kenewe ŋkwa le ŋkele ntsə, kategwəɗəŋə ka kele ghə. Ma te vecia shɛ ne, deke Mahwətə nde tenza kawəndə kwele.

Ɛzayi 24:15

«Pelɛ hɛɗi nyi laka ŋkwa kesame ta veci ne, ve mə zləvə te Mahwətə. Dzeyi te hɛɗi nyi te ndərə ne, tsahe sləa Shala Mahwətə ta Israyɛl.»

Zhɛrɛmi 10:10

Ama Shala nya kaganda Mahwətə, Shala teghweme, meghe nya kaghala ghala. Ma kehwepete wənə ŋkɛ ne, kagaŋkəɗə hɛɗi, kazereghete hwepe wənəa ŋkɛ kweci hwelefefi we.

Yɛ Ŋgaɗe ghə 3:38

Ashɛ same kwa mɛa Shala tehwə ghweme same ndiremi keɗema zeɗe nza wəka?

Daniyɛl 12:7

Pa wəndə nya mbe lekwesa pawa shɛ kafete dzeve bake nci yitea ghweme, ma ke gezete ghena kafefa 'ya: «Kazeme 'ya kafela le Shala teghweme nya kaghala ghala, katetemə wəshia shɛhɛ kava mahekene ba'a kwete yite. Katekiɗi hɛ vəa ŋkwa nya denenyɛ pɛtɛa berete ta mbelia Shala.»

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 4:2

Ma te kwete viɗi, meɓelahe 'ya te gezle ta ɗa ne, pa 'ya shiwəte shiwə nya ketazemte ɗa mehele. Kwa nza ŋkɛ ne, wəsə nya keve nda ghazlənə ke wəndə yanakɛ 'ya.

Daniyɛl 4:26

Kwa nza ŋkɛ ma va zake kwa sebe ta ŋkɛ ne, cape meghe yitea dzeghwa pelɛ dɛɓere nya kənəa ghɛ meghe nya mbe Babilone.

Daniyɛl 4:3

Pa 'ya gezete kezha tsene pɛtɛa ka ntsehwele ntsehwele nyi mbe Babilone mbeli kase sha 'ya, yitea ncɛ ɗa ghena nya mbe shiwəa shɛ hɛ.

Daniyɛl 4:32

Nahe pɛtɛa mbeli nyi te hɛɗi kenza gəmə kwa ntsə ta ŋkɛ. Kala nya ɗe ŋkɛ mene ŋkɛ le ka sewajɛ nyi pelɛ ghweme ba'a mbeli nyi te hɛɗi. Wəndə shɛ kaghəpə le keɗema kaŋele ŋkɛ yitea wəsə nya mene ŋkɛ we.

Daniyɛl 5:18

Meghe yawe, nahe Shala tehwə ghweme keveyi yiteyɛ ŋa Nabəkodonozor kameghe nya wəba, nya berete ba'a nya nza zləvə te.

Daniyɛl 5:21

Ŋkwase ŋkɛ ŋkamte geva shave hwa mbeli, pa zhɛrenyɛ kala wəshi keseɗa. Pa ŋkɛ nzanyɛ hwa kwara lɛmə gamba, ntake ŋkɛ kazeme gwəzə kala sla ba'a nahe ŋkɛ kese bətə mbe mɛnɛ, hwa'a te və nya ɗepete ŋkɛ Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Daniyɛl 6:26

Ma kwa sebe ta ŋkɛ ne, ma ke meghe Dariyəs rafete nda ghena ke pɛtɛa hwelefefi, pɛtɛa hɛɗi ba'a pɛtɛa ghena nyi te hɛɗi lema: «Kanjiŋwe ŋayɛ 'ya!

Daniyɛl 7:14

Pa ŋkɛ kemave berete, zləvə ba'a meghe. Tagha gɛ, ntake pɛtɛa hwelefefi, pɛtɛa hɛɗi ba'a pɛtɛa ghena kamene nda slene. Kaghala ghala tenza berete ta ŋkɛ, katekiɗi ŋkɛ we. Kateza sebe te meghea ŋkɛ tɛape we.

Daniyɛl 7:27

Kateve geva nda meghe, berete ba'a kwelea pɛtɛa hɛɗi ka meghe nyi te hɛɗi ke mbelia Shala tehwə ghweme. Katenza meghea nci kameghe nya kaghala ghala, katehawe pɛtɛa hɛɗia ka meghe va hɛ ba'a katemene nda slene hɛ ke hɛ.

Daniyɛl 9:14

Vatse se na ɗeke ɗeke kezha ve ndiremia shɛhɛ te ghen'yɛ. Kwa nza ŋkɛ ma gha Shala Mahwətə ta n'yɛ ne, tiɗiɗi na mbe wəshi nyi mene na pɛtɛ, ama kefate ŋa ghena ta ŋa ghen'yɛ we.

Zhonas 1:14

Tagha gɛ, ntake hɛ katsa nda lewela ke Mahwətə, ma ke hɛ: «Mahwətə, təhwə təhwə ŋa n'yɛ, mba na kezamte n'yɛ tewəmbəreke wəndə nya. Mba na keve n'yɛ ghena kadzawa ghə te mte ta wəndə nya keɗema kebezemte n'yɛ ghena! Va nya nza ŋkɛ, gha Mahwətə nde mene kala nya ɗe na.»

Mishɛ 4:7

Ma nyi ketseheɗe ne, katezhɛre hɛ 'ya kanyi ketetene teghweme. Ma nyi kefəhwe geva ne, katezhɛre hɛ 'ya kahwelefe nya berete. Ma pelɛ ghweme ta Siyon ne, 'ya Mahwətə nde tenza kameghea nci, se tsetsenya pa kaghala ghala.

Ləwke 1:33

Kameghea ka Israyɛl tenza ŋkɛ kaghala ghala, katekiɗi meghea ŋkɛ we.»

Ləwke 18:13

Ma nde tsehe jaɓeregwale ne, te sebe nzanyɛ ŋkɛ, kese ŋkɛ kakafe kema kadzeme yitea ghweme we. Ntiŋə ŋkɛ ŋate ghə, ghɛve ghɛve ŋkɛ sha hate ta ŋkɛ, ma ke: Shala yawe, zhɛ heli yitea 'ya, va nya nza 'ya kande jaɗafa.»

Zhaŋe 5:26

Kala nya nza mpi mbe Yita le ghəa ŋkɛ, tsagha ndeke nda ŋkɛ ke Wəzege kanza mbe perə.

Zhɛne Ghwelə yitea Wəshi Mahalegə 32:4

Gheŋkɛ ya kakeleɓa, megela wəshi nyi mene ŋkɛ pɛtɛ, ganyɛke wəshi nyi zəzə ŋkɛ pɛtɛ. Shala nya dɛŋe dɛŋe te ghena ŋkɛ, kamene wəsə kwa ndiremi ŋkɛ tɛape we, keveci keveci nza ŋkɛ tiɗiɗi ba'a le kaganda.

1 Timotɛ 1:17

Hawe pɛtɛa mbeli va Shala ba'a tsahe ŋkɛ mbeli kaghala ghala. Gheŋkɛ ya kaMeghe nya keɗema kakiɗi, nya keɗema kamte, nya ɗema mbeli kanakɛ, nya Shala kwetɛŋe! Amɛn.

1 Timotɛ 6:16

Gheŋkɛ kwetɛŋenyɛ nde ɗema kamte, nya te ŋkwa nya ghwɛaɗɛaɗɛa nya ɗema wəndə kahendave nda geva. Kegha wəndə kanakɛ ŋkɛ we, wəndə shɛ kapesle kanakɛ ŋkɛ we. Ŋa ŋkɛ zləvə ba'a berete kaghala ghala. Amɛn.

Ghena Kelɛŋə 10:6

Pa ŋkɛ zemete fela le sləa Shala nya kaghala ghala, nya kepate ghweme ba'a wəshi nyi pelɛ, hɛɗi ba'a wəshi nyi te, ndərə ba'a wəshi nyi kwa. Ma ke nde ghwene ta Shala shɛ: «Mba və nya kesleyi geva shɛ tsetsenya we.

Ghena Kelɛŋə 11:15

Pa nde mberefaŋe ta nde ghwene ta Shala vɛte veke. Fa mbeli ne, kazlape geva ghena le berete pelɛ ghweme, ma ke ghena shɛ: «Nahe meghe nya te hɛɗi lema kenza kaŋa Nde sleke ɓəmə ba'a kaŋa wəndə nya ntave ŋkɛ, kameghe kaghala ghala tenza ŋkɛ.»

Ghena Kelɛŋə 4:10

kagwəɗəŋə mbelia jama nyi bakemsə wəfaɗeghəmbe kwa kema ta wəndə nya mentishɛ pelɛ pasla, kahawe hɛ va wəndə nya kenza kaghala ghala. Tereke hɛ sha derə meghea nci te kema ta pasla, ma ke hɛ:

Ghena Kelɛŋə 4:9

Ma mbe yayata və nya tsahe, nya ve zləvə ba'a nya tsa nda hana wəshi keseɗa nyi wəfaɗea shɛhɛ ke wəndə nya mentishɛ pelɛ pasla, gheŋkɛ nya kaghala ghala ne,