Daniyɛl 4:32 - Ghena ta Shala

³² Nahe pɛtɛa mbeli nyi te hɛɗi kenza gəmə kwa ntsə ta ŋkɛ. Kala nya ɗe ŋkɛ mene ŋkɛ le ka sewajɛ nyi pelɛ ghweme ba'a mbeli nyi te hɛɗi. Wəndə shɛ kaghəpə le keɗema kaŋele ŋkɛ yitea wəsə nya mene ŋkɛ we.

Daniyɛl 4:32 Iomraidhean Croise

2 Wəshi nyi Mene Ka Meghe 33:13

Pa ŋkɛ səkwəte Mahwətə kezha zhɛakɛ heli ŋkɛ yite. Pa Shala fate səkwə ta ŋkɛ ba'a zhɛneyi ŋkɛ te meghea ŋkɛ mbe Zhɛrəzalɛm. Se mɛa və nyagha, nahe Manasɛ keɗepete deke Mahwətə ya kaShala nya kaganda.

Palepa ta JOB 42:2

Nahe 'ya keɗepe wərə na kamenete wəshi pɛtɛ, wəsə shɛ kandakɛ ŋa berete we.

Palepa ta JOB 9:12

Wa nde nza kazhɛneke wəsə nya zləgwəhwe ŋkɛ wa? Wa nde nza kageze: ‹Wa yamene na wa› ke shɛ wa?

Cimə 115:3

Nahe Shala ta n'yɛ kenza pelɛ ghweme, pɛtɛa wəshi nyi ɗe ŋkɛ yamene ŋkɛ.

Cimə 135:6

Yayata wəsə nya ɗe Mahwətə yamene ŋkɛ, pelɛ ghweme ba'a kwake te hɛɗi, kwa yɛ ndərə ba'a kwa yɛ zeweve ta hɛɗi.

Shave 8:10

Təɗəmə təɗəmə mbeli tsenete hɛ, pɛtɛ ŋkwa nya te hɛɗi kazəŋwə va hɛ.

Shave 9:14

Kwa nza ŋkɛ ma tsetsenya ne, nahe 'ya kezəzəte kave mama ta ndiremi te gha, te mbeli nyi yitea gha ba'a te mbeli nyi te hɛɗia ŋa, yitea ɗepete na kaɗema wəndə shɛ teke te hɛɗi nya kala 'ya.

Shave 9:29

Ma ke Moyize zhɛnete nda: «Shavema ta ɗa mbe meleme ne, katekafe dzeve 'ya laka Mahwətə kezha səkwə ŋkɛ. Katefɛake geva yɛ berazlɛ ta va le kwacakelɛ kezha ɗepete na kaŋa Mahwətə hɛɗi lema.

Ɛzayi 37:20

Ama gha gɛ Shala Mahwətə ta n'yɛ, mbelete n'yɛ va dzeve ta Sɛnakɛrib. Ma tsagha gɛ, kateɗepe pɛtɛa hɛɗi nyi te hɛɗi lema, deke gha ya kaMahwətə.»

Ɛzayi 40:15

Kala yɛmə nya ketɛakwe yitea kwapɛ hwelefefi, kala ndaleghe kwetɛŋe te kiləwə ɗaŋeɗa ta nci. Kala kɛfekɛ ta keləwə mbeli nyi cakeɗa cakeɗa.

Ɛzayi 40:17

Gəmə pɛtɛa hwelefefi kwa kema ta ŋkɛ. Zləvə te hɛ shɛ we, gəmə hɛ.

Ɛzayi 45:3

Katefə ŋa wəshi nyi nza zləvə te hɛ, nyi kebeteyi geva mbe ŋkwesle ba'a mcɛlə nyi tewəfərə 'ya. Ma tsagha, kateɗepete na 'ya ya kaMahwətə, nya keheka ŋa le sləa ŋa, Shala nya mbe Israyɛl.

Zhɛrɛmi 27:5

'Ya nde pate hɛɗi, tsagha mbeli ba'a wəshi keseɗa nyi te laka berete ta ɗa nya wəba ba'a kwelea ɗa. Kave nda hɛ 'ya ke wəndə nya ɗe 'ya.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 4:31

Kwa sebe ta və nya kesləyi geva ne, ma ke Nabəkodonozor: «Ma kiɗima ta va mberefaŋe ne, pa 'ya kafete kema dzeme yitea ghweme ba'a pa mehele zhɛneke ɗa geva. Ntake 'ya katsa nda hana ke Shala tehwə ghweme. Ntake 'ya katsahe ŋkɛ ba'a kave zləvə te sləa ŋkɛ. Nahe meghea ŋkɛ kenza kameghe nya kaghala ghala, nahe ŋkɛ kenza kameghe keshi keshi.

Daniyɛl 5:21

Ŋkwase ŋkɛ ŋkamte geva shave hwa mbeli, pa zhɛrenyɛ kala wəshi keseɗa. Pa ŋkɛ nzanyɛ hwa kwara lɛmə gamba, ntake ŋkɛ kazeme gwəzə kala sla ba'a nahe ŋkɛ kese bətə mbe mɛnɛ, hwa'a te və nya ɗepete ŋkɛ Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Zhozəwɛ 4:24

Ma nda menete ŋkɛ tsagha ne, kezha ɗepete mbeli nyi te hɛɗi nahe dzeve ta Mahwətə kenza bereteke, kezha hawe yɛ va Shala Mahwətə ta ŋayɛ kaghala ghala.»