Daniyɛl 4:31 - Ghena ta Shala

³¹ Kwa sebe ta və nya kesləyi geva ne, ma ke Nabəkodonozor: «Ma kiɗima ta va mberefaŋe ne, pa 'ya kafete kema dzeme yitea ghweme ba'a pa mehele zhɛneke ɗa geva. Ntake 'ya katsa nda hana ke Shala tehwə ghweme. Ntake 'ya katsahe ŋkɛ ba'a kave zləvə te sləa ŋkɛ. Nahe meghea ŋkɛ kenza kameghe nya kaghala ghala, nahe ŋkɛ kenza kameghe keshi keshi.

Daniyɛl 4:31 Iomraidhean Croise

Gha ta Wəshi 14:18

Mɛlkisɛdɛk, meghea ka Salɛm nde keleke ɗafa ba'a tɛ. Nahe ŋkɛ kenza kande dzeghe nda melɛ ke Shala tehwə ghweme.

Palepa ta JOB 20:23

Ma mbe behe hwəa ŋkɛ ŋkɛ ne, katepele ghwə hwepe wənəa ŋkɛ Shala kənə. Kateme ŋkɛ kənə, kawəsə kezeme ta ŋkɛ tenza ŋkɛ.

Cimə 145:13

Nahe meghea ŋa kenza kameghe nya kaghala ghala, katetemə meghea ŋa keshi keshi. Nahe Shala kenza dɛŋe dɛŋe te meɗe mɛa ŋkɛ, kancɛ ɗe ta ŋkɛ ŋkɛ mbe yayata wəsə nya mene ŋkɛ.

Yɛ Ghena Ŋela 29:23

Kateshifəmte geva wəndə nya kekele ghə. Ama katenza zləvə te wəndə nya keshifə ghəa ŋkɛ.

Ɛzayi 14:27

Ma vəa ŋkwa nya tarete wəsə Mahwətə nde berete ne, wa nde nza kafɛamte wəsəa shɛ wa? Ma vəa ŋkwa nya kafete dzeve ŋkɛ kaɗa ŋkwa ne, wa nde nza kazhɛnakawa dzevea shɛ wa?

Daniyɛl 12:7

Pa wəndə nya mbe lekwesa pawa shɛ kafete dzeve bake nci yitea ghweme, ma ke gezete ghena kafefa 'ya: «Kazeme 'ya kafela le Shala teghweme nya kaghala ghala, katetemə wəshia shɛhɛ kava mahekene ba'a kwete yite. Katekiɗi hɛ vəa ŋkwa nya denenyɛ pɛtɛa berete ta mbelia Shala.»

Daniyɛl 4:24

Vatse səkwə ŋa 'ya gɛ meghe yawe, yɛte ntsehwele nya ncɛ ŋa 'ya: sərəakɛ yɛ jaɗafa ta ŋa laka mene wəsə nya tiɗiɗi ba'a yɛ fete ta ŋa laka zhɛ heli yitea ka titikwəa kɛfi. Ma tsagha ne, ya kwete katetemə na mbe zeɗe nza.»

Daniyɛl 4:26

Kwa nza ŋkɛ ma va zake kwa sebe ta ŋkɛ ne, cape meghe yitea dzeghwa pelɛ dɛɓere nya kənəa ghɛ meghe nya mbe Babilone.

Daniyɛl 4:30

Taghanyɛ ne, pa ghena shɛ yipəyi geva kwa: Ŋkwase Nabəkodonozor ŋkamte geva shave hwa mbeli, ntake ŋkɛ kazeme gwəzə kala sla ba'a nahe geva ta ŋkɛ kenza bətə mbe mɛnɛ. Pa shintia ŋkɛ zhɛrenji kebiya biyanji kala shintia zele, ba'a yɛ pela ta ŋkɛ kebiya biyanji kala ŋa yɛ 'yɛ.

Daniyɛl 4:32

Nahe pɛtɛa mbeli nyi te hɛɗi kenza gəmə kwa ntsə ta ŋkɛ. Kala nya ɗe ŋkɛ mene ŋkɛ le ka sewajɛ nyi pelɛ ghweme ba'a mbeli nyi te hɛɗi. Wəndə shɛ kaghəpə le keɗema kaŋele ŋkɛ yitea wəsə nya mene ŋkɛ we.

Daniyɛl 4:34

Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 5:20

Ama pa zhɛrenyɛ kande kele ghə ba'a kande ntɛaŋentɛa ghə. Tagha gɛ, tseɗake ŋkɛ kelemte geva sawa te meghe ba'a rayɛ ŋkɛ zamte zləvəa ŋkɛ.

Daniyɛl 5:28

PERƐS, geze ta ŋkɛ, “kenehe nehe”: nahe meghea ŋa keneheve geva ba'a nahe ŋkɛ kendeke nda geva ke ka Mɛde ba'a ka Pɛrse.»

Daniyɛl 6:27

Wa nya ghena nya geze 'ya nya: Ma te pɛtɛa hɛɗi nya mbe dzeve ta ɗa ne, yayata wəndə katehawe tsape tsape va Shala ta Daniyɛl. Gheŋkɛ ya kaShala teghweme, gheŋkɛ nde tenza kaghala ghala. Nahe ŋkɛ kenza kameghe nya kaghala ghala, katekiɗi berete ta ŋkɛ we.

Matiye 3:17

Ma ke ghena gezeke geva sawa pelɛ ghweme: «Nya ya kaWəzege ta ɗa nya ɗe 'ya, nya zlama 'ya te kwele kwele.»

Ləwke 12:20

Ama ma ke Shala shɛ: Wəndə nya kagezhi na! Ɓəshi heviɗi nya tekele mpia ŋa 'ya. Ke wa tenza wəshi nyi tsenete nda nyi na ke ghəa ŋa gɛ wa?»

Zhaŋe 12:28

Yita, vate zləvə te sləa ŋa tsetsenya.» Tagha gɛ, ma ke kwete ghena sawa pelɛ ghweme: «Nahe 'ya kevate zləvə te, kateve zləvə 'ya te zhɛkwa.»

1 Ka Tɛsalonike 5:3

Ma te veci nya geze mbeli: «Kwete ghena shɛ we, gwezlayɛ hɛɗi», a ke hɛ ne, vəa ŋkwa shɛ tesa yɛmə hɛ yitea wevɛa kaja, vəkə tedzeghəa hɛ yaka shɛ, kala male nya keheha va ya, katembele mbelia shɛhɛ tɛape we.

Ghena Kelɛŋə 16:7

Kwa sebe ta ŋkɛ, ma ke ŋwələ gezete geva sawa pelɛ reghwetɛ: «Kaganda deŋwa Mahwətə Shala nde berete, nahe yɛ ma ghwə ta ŋa kenza kaganda ba'a tiɗiɗi.»

1 Saməyɛl 13:14

Ama tsetsenya ne, katetemə meghea ŋa we. Nahe Mahwətə keŋ'wete wəndə nya ɗe wənəa ŋkɛ, nahe ŋkɛ keveyi ŋkɛ kameghea mbelia ŋkɛ, va nya ɗema na keyate wəsə mahalegə nya gezete ŋa Mahwətə.»

1 Saməyɛl 15:23

Kwa nza nde ne, kala jaɗafa ta dzeghwa sha ka ŋa zlera ghə nza ɗema yɛ ghena, kala hawe va kweci shala nza zhɛne ghə ɓiyitsa perə. Kala nya neghamte ghena ta Mahwətə na ne, nahe ŋkɛ keneghamte ŋa perə, mba na kameghe zhɛkwa we.»