Daniyɛl 4:30 - Ghena ta Shala

³⁰ Taghanyɛ ne, pa ghena shɛ yipəyi geva kwa: Ŋkwase Nabəkodonozor ŋkamte geva shave hwa mbeli, ntake ŋkɛ kazeme gwəzə kala sla ba'a nahe geva ta ŋkɛ kenza bətə mbe mɛnɛ. Pa shintia ŋkɛ zhɛrenji kebiya biyanji kala shintia zele, ba'a yɛ pela ta ŋkɛ kebiya biyanji kala ŋa yɛ 'yɛ.

Daniyɛl 4:30 Iomraidhean Croise

Gha ta Wəshi 10:10

Ma meleme nyi jama jama te hɛɗia ŋkɛ ne, Babɛl, Ɛrɛk, Akad ba'a Kalnɛ nyi te hɛɗia Shinɛyar.

Ɛstɛr 1:4

Ntake kancɛ nda zləvəa ŋkɛ nya kawəsə meŋele ke hɛ, tsema tsema kwelea meghea ŋkɛ. Hɛ kwele kwele menete gəsəkəa shɛ! Tere ŋkwaŋe pɛtɛa ŋkɛ.

Cimə 104:1

Kaɗe 'ya katsa nda hana ke Mahwətə. Shala Mahwətə ta ɗa, kewəba ŋa na. Bətə na mbe waŋe ba'a zləvə.

Cimə 49:20

Ndagwara katelə ŋkɛ sha ka shihɛnyɛ nyi keɗema nya katezhɛne kanakɛ waŋe tɛape.

Cimə 73:8

Kaŋ'wəshi ŋkwa hɛ, kageze ghena hɛ le zlɛ, kageze ghena ta sa nda yaka ke mbeli hɛ le berete.

Yɛ Ghena Ŋela 11:2

Ma kele ghə ne, ɓelama ŋkwa yakele ŋkɛ kase. Ama ntsehwele ne, shifə ghə yave nda ŋkɛ ke wəndə.

Yɛ Ghena Ŋela 16:18

Ndiremi yakele kele ghə kase, teɗe ŋa ɓelama ŋkwa.

Yɛ Ghena Ŋela 29:23

Kateshifəmte geva wəndə nya kekele ghə. Ama katenza zləvə te wəndə nya keshifə ghəa ŋkɛ.

Ɛzayi 13:19

Ma Babilone, meleme nya ganyɛ te hɛɗi, wəsə kepesa geva nya zlama ka Kaldɛ yite ne, kala yɛ Sodome le Gomore nyi vate ndiremi Shala te hɛ tenza ŋkɛ.

Ɛzɛkiyɛl 29:3

Ma pa na sha geze: Wa nya ghena geze Mahwətə nya Shala nya: Kateme 'ya te gha Farawon, meghea ka Ɛzhipte. Kala kele nya wəba, nya meɓelahe mɛa hələ Nil na. Ma pa na sha geze: ‹Ŋa ɗa hələ nya, 'ya le ghəa ɗa nde menete ŋkɛ.›

Daniyɛl 4:31

Kwa sebe ta və nya kesləyi geva ne, ma ke Nabəkodonozor: «Ma kiɗima ta va mberefaŋe ne, pa 'ya kafete kema dzeme yitea ghweme ba'a pa mehele zhɛneke ɗa geva. Ntake 'ya katsa nda hana ke Shala tehwə ghweme. Ntake 'ya katsahe ŋkɛ ba'a kave zləvə te sləa ŋkɛ. Nahe meghea ŋkɛ kenza kameghe nya kaghala ghala, nahe ŋkɛ kenza kameghe keshi keshi.

Habakək 1:11

Kajive hɛ kala sefə nya wəba, kajive hɛ mbe kema mbe kema. Berete ta nci yave ghə hɛ te, nahe nde kenza kashala ta nci.»

Ləwke 14:11

Kwa nza ŋkɛ ma wəndə nya kekele ghəa ŋkɛ ne, kateshifə ŋkɛ. Ma wəndə nya keshifə ghəa ŋkɛ, katekele ŋkɛ.»

Ləwke 14:9

Ma kwa se wəndə nya kehekakɛ ŋayɛ ne, ma ke sha tegeze ŋa: Zana, sərəakɛ nda ŋkwa ke wəndə nya. Ntəŋə na le hawe kalə kantishɛ mbeyitere sheghwə.

1 Ka Korɛnte 10:31

Ma kwa zeme wəsə yɛ, kwa sa wəsə yɛ keɗema yayata wəsə nya mene yɛ ne, mene mə kezha zləvəa Shala.

1 Piyɛre 5:5

Tsagha shɛnyɛ gɛ ŋwale, hawe mə va mbelia jama ta ŋayɛ. Gheyɛ pɛtɛ, shifə mə ghə kwelɛ ghəa ŋayɛ, kwa nza ŋkɛ ma ke Ghena ta Shala gezete: «Kaɗema ghena ta ka kele ghə Shala, ama kave nda zlaɓa ta ŋkɛ ŋkɛ ke ka shifə ghə.»

Ghena Kelɛŋə 14:8

Pa nde bake ta nde ghwene ta Shala zelete nde ghate, ma ke: «Nahe Babilone nya wəba keŋzla, nahe ŋkɛ keŋzla, ghenta nya kesahwe nda tɛa mefətekwəa nta ke pɛtɛa hwelefefi.»

Ghena Kelɛŋə 16:19

Pa meleme nya wəba neheve geva mahekene mbe ba'a pa meleme nyi te pɛtɛa yɛ hɛɗi ŋzlanji. Pa Shala zəzəte Babilone nya wəba kezha sa nda zlerekwe nya tɛa hwepe wənəa ŋkɛ nya dzawe pɛre te.

Ghena Kelɛŋə 17:5

Slə nya nza ghena mbe tewəfərə ya kerafe rafe kwa kema ta nta: Babilone nya wəba, meghekɛa mi nyi kemene mefətekwə ba'a ŋa wəshi nyi ndiremi ndiremi kashasha te hɛɗi lema.

Ghena Kelɛŋə 18:10

Kaghereŋe hɛ cakeɗake, va ghazlənə va ndiremi nyi jama jama nyi te, ma ke hɛ sha tegeze: «Awema, awema. Deke mbe lerə kwetɛŋe mehate ghwə Shala te gha, gha Babilone, meleme nya wəba ba'a nya berete gɛ wa!»

Ghena Kelɛŋə 18:21

Tagha gɛ, pa nde ghwene ta Shala nya berete kelete pelɛ kala vena nya wəba ba'a negheyi kwa ndərə, ma ke: «Tsetse teŋzla geva Babilone ghwəpə kadzete hɛɗi, katezhɛne mbeli kanewe ŋkɛ tɛape we.