Daniyɛl 4:3 - Ghena ta Shala

³ Pa 'ya gezete kezha tsene pɛtɛa ka ntsehwele ntsehwele nyi mbe Babilone mbeli kase sha 'ya, yitea ncɛ ɗa ghena nya mbe shiwəa shɛ hɛ.

Daniyɛl 4:3 Iomraidhean Croise

Palepa ta JOB 25:2

«Berete nya wəba ba'a nya ghazlənə mbeli ve ya va Shala. Kave kwelɛŋe ŋkɛ pa pelɛ ghweme.

Cimə 104:24

Mahwətə, kwele kwele wəshi nyi menete na, le ntsehwele menete hɛ na pɛtɛa nci. Viɗi hɛɗi va wəshi nyi pate na.

Cimə 105:27

Pa hɛ menete wəshi kencɛ wəshi mbe Ɛzhipte, wəshi meŋelea Shala te hɛɗia Sham.

Cimə 145:13

Nahe meghea ŋa kenza kameghe nya kaghala ghala, katetemə meghea ŋa keshi keshi. Nahe Shala kenza dɛŋe dɛŋe te meɗe mɛa ŋkɛ, kancɛ ɗe ta ŋkɛ ŋkɛ mbe yayata wəsə nya mene ŋkɛ.

Cimə 66:7

Meghe nya kaghala ghala ŋkɛ laka berete ta ŋkɛ, kave ntsə ŋkɛ te hwelefefi. Ɗema ka fama ghena sate te ŋkwa gɛ! Zhɛne mpi.

Cimə 72:18

Tsa nda ɓəmə hana ke Shala Mahwətə, Shala ta Israyɛl, deke gheŋkɛ nde mene wəshi meŋele.

Cimə 77:19

Mbe dzeghwa ta berazlɛ ta va ta ŋa ne, nahe yɛ slesla ta va kewaŋete ŋkwa nya te hɛɗi lema, nahe hɛɗi kegaŋkəɗəte geva ba'a kegərə gərəte geva.

Cimə 86:10

Kwa nza ŋkɛ ne, wəbake na ba'a kamene wəshi meŋele na. Deke gha ya kaShala.

Cimə 92:5

Mahwətə yawe, zlama yave ɗa slene nya menete na, gaghwe yatsa 'ya yitea wəshi nyi menete dzeve ta ŋa.

Ɛzayi 25:1

Mahwətə, gha ya kaShala ta ɗa, katsahe ŋa 'ya ba'a kave zləvə 'ya te sləa ŋa, kwa nza ŋkɛ nahe na kemenete wəshi ganji. Se vəashi pate geva hɛ keberete beretenji ba'a kaɗema kazhɛre pa.

Ɛzayi 28:29

Ma ntsehwele nya kala nya ne, va Mahwətə nde berete se ŋkɛ perə. Nde ncɛ ntsehwele ganyɛ ŋkɛ, wəbake ɗepe mene wəshi ta ŋkɛ.

Ɛzayi 9:7

Nahe Mahwətə kegezete ghena te hwelefefia Zhakob nahe ŋkɛ keteɗe kənəa Israyɛl.

Zhɛrɛmi 10:10

Ama Shala nya kaganda Mahwətə, Shala teghweme, meghe nya kaghala ghala. Ma kehwepete wənə ŋkɛ ne, kagaŋkəɗə hɛɗi, kazereghete hwepe wənəa ŋkɛ kweci hwelefefi we.

Daniyɛl 2:2

Pa ŋkɛ gezete kezha heka ka mene ghwɛ, ka ŋa zlera, ka beze ŋkwa le ghwɛ ba'a ka kelɛŋə, yitea ncɛ nda shiwəa ŋkɛ hɛ ke meghe. Pa hɛ se ba'a ghereŋenji kwa kema ta meghe.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 4:17

Nahe na kenakɛ wəfe nya kezhɛrenyɛ wəbake ba'a bereteke, nya biya ta ŋkɛ hwa'a pelɛ ghweme ba'a nya newe mbeli hwa'a te mendɛkwe ta hɛɗi.

Daniyɛl 7:14

Pa ŋkɛ kemave berete, zləvə ba'a meghe. Tagha gɛ, ntake pɛtɛa hwelefefi, pɛtɛa hɛɗi ba'a pɛtɛa ghena kamene nda slene. Kaghala ghala tenza berete ta ŋkɛ, katekiɗi ŋkɛ we. Kateza sebe te meghea ŋkɛ tɛape we.

Daniyɛl 7:27

Kateve geva nda meghe, berete ba'a kwelea pɛtɛa hɛɗi ka meghe nyi te hɛɗi ke mbelia Shala tehwə ghweme. Katenza meghea nci kameghe nya kaghala ghala, katehawe pɛtɛa hɛɗia ka meghe va hɛ ba'a katemene nda slene hɛ ke hɛ.

Ka Rome 11:33

Wəbake mcɛləa Shala deŋwa! Nahe ɗepe wəsə ta ŋkɛ ba'a ntsehwelea ŋkɛ kenza dzawe deŋwa! Wa nde nza kaɗepete ghwə nya temeha Shala wa? Wa nde nza kaɗepe wəshi nyi mene ŋkɛ wa?

Zhɛne Ghwelə yitea Wəshi Mahalegə 4:34

Na, nahe kwete shala kegha kase kanta nda mbeli ke ghəa ŋkɛ shave hwa kweci mbeli na? Ewə, ama nahe Shala Mahwətə ta ŋayɛ kemenete kezha gheyɛ kwa ntsə ta ŋayɛ. Vatse ghweneghe nda yaka nyi dzawe dzawe ŋkɛ Ɛzhipte, pa ŋkɛ menete ŋayɛ wəshi meŋele ba'a wəshi nyi kesla heli hwa mbeli, slene nyi berete berete ba'a nyi ghazlənə mbeli ve.

1 Timotɛ 1:17

Hawe pɛtɛa mbeli va Shala ba'a tsahe ŋkɛ mbeli kaghala ghala. Gheŋkɛ ya kaMeghe nya keɗema kakiɗi, nya keɗema kamte, nya ɗema mbeli kanakɛ, nya Shala kwetɛŋe! Amɛn.

Ka Ɛbrə 1:8

Ama te ghəa Wəzege ne, ma ke Shala: «Gha ya kaShala, kaghala ghala tenza pasla ta ŋa. Le nza tiɗiɗi tesleke mbelia ŋa na.

Ka Ɛbrə 2:4

Nahe Shala le ghəa ŋkɛ kenegha fete yitea ghena ta nci laka wəshi kencɛ wəshi, wəshi nyi jama jama ba'a pɛtɛa mama ta wəshi meŋele, tsagha laka wəshi nyi kese va Sefəa Shala nyi keneheve geva kala ɗe ta ŋkɛ.

1 Piyɛre 4:11

Ma wəndə nya kegeze ghena ne, nza ŋkɛ kande geze ghena ta Shala. Ma wəndə nya kemene slene ne, mene slene ŋkɛ le berete nya ve nda Shala, yitea nza tsahe Shala mbeli mbe pɛtɛa wəshi laka Yɛsə Kriste. Ŋa ŋkɛ nza zləvə ba'a berete kaghala ghala. Amɛn.

Ghena Kelɛŋə 11:15

Pa nde mberefaŋe ta nde ghwene ta Shala vɛte veke. Fa mbeli ne, kazlape geva ghena le berete pelɛ ghweme, ma ke ghena shɛ: «Nahe meghe nya te hɛɗi lema kenza kaŋa Nde sleke ɓəmə ba'a kaŋa wəndə nya ntave ŋkɛ, kameghe kaghala ghala tenza ŋkɛ.»