Daniyɛl 4:29 - Ghena ta Shala

²⁹ Kateŋkamte geva na shave hwa mbeli. Katenza na hwa wəshi keseɗa nyi hwa gamba ba'a katezeme gwəzə kala sla. Katenza na tsagha kava mberefaŋe, hwa'a te və nya teɗepete na Shala tehwə ghweme ya kande sleke mbeli pɛtɛ ba'a kave nda meghe ke wəndə nya ɗe ŋkɛ.»

Daniyɛl 4:29 Iomraidhean Croise

Gha ta Wəshi 6:3

Ma ke Mahwətə: «Mba sefəa mpi nya ndeke nda 'ya ke mbeli kanza mbe hɛ kaghala ghala we, kwa nza ŋkɛ ne, katempə hɛ te kwete veci. Katezhɛne hɛ kazlake va gwəmsə ba'a bakemsə teghweme we.»

Nde zlape ghena 8:11

Kave geva ɗa te wəndə nya kemene wəsə kwa ndiremi te ŋkwa shɛnyɛ we. Vatse nza wənəa mbeli viɗi va wəshi nyi ndiremi ndiremi.

Daniyɛl 4:14

Nahe wəsəa shɛ kenza kawəsə nya ɗe ka ghwene ta Shala, kazəzə nya kese va ka ya hɛɗi lema, yitea ɗepete pɛtɛa wəshi nyi nza mpi hwe Shala tehwə ghweme ya kande sleke mbeli pɛtɛ. Kave nda meghe ŋkɛ ke wəndə nya ɗe ŋkɛ ba'a wərə ŋkɛ kandeke nda ŋkɛ ke wəndə nya gwedə ma.›

Daniyɛl 4:22

Kateŋkamte geva na shave hwa mbeli. Katenza na hwa wəshi keseɗa nyi hwa gamba, katezeme gwəzə na kala sla ba'a katenza na bətə mbe mɛnɛ. Katenza na tsagha kava mberefaŋe hwa'a te və nya teɗepete na Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Daniyɛl 4:30

Taghanyɛ ne, pa ghena shɛ yipəyi geva kwa: Ŋkwase Nabəkodonozor ŋkamte geva shave hwa mbeli, ntake ŋkɛ kazeme gwəzə kala sla ba'a nahe geva ta ŋkɛ kenza bətə mbe mɛnɛ. Pa shintia ŋkɛ zhɛrenji kebiya biyanji kala shintia zele, ba'a yɛ pela ta ŋkɛ kebiya biyanji kala ŋa yɛ 'yɛ.

1 Piyɛre 3:20

nyi keɗema keyɛte Shala vəashi, kwa nza Shala kaneghe hɛ ghalanza te və nya baŋete kwambelə Nowɛ. Deke mbeli ɓɛhwɛ, deghese nci ka dzembe kwambelə ba'a ka mbele va yɛmə.

2 Piyɛre 3:15

Ɗepete mə mbele yave ŋayɛ zereghe ghena ta Nde sleke ŋkwa, kala nya gezete ŋayɛ wəza meyɛ ɓəmə ba'a mcɛ ɓəmə Pol laka ntsehwele nya ndeke nda Shala.

Ghena Kelɛŋə 2:21

Nahe 'ya kendeke nda və kezha mpi dzeve, ama kaɗe nde kasərə mefətekwə ta nta we.