27 Ma ke zlapete: «Ashɛ Babilone, meleme nya wəba nya ŋate 'ya kezha nza meghe mbe laka wəba ta berete ta ɗa ba'a kezha ve nda zləvə ke kwelea ɗa wəka?»
«Nahe na kenakɛ tsema tsema shifəmte ghəa ŋkɛ Akab kwa kema ta ɗa na? Ma kwa shifəmte ghəa ŋkɛ ŋkɛ mbe kema ta ɗa, mba 'ya kave beze kadzete mba ŋkɛ teghweme we. Ama te və nya tenza wəzege ta ŋkɛ te meghe teve beze 'ya kadzete ghɛa ŋkɛ.»
Kwa nza ŋkɛ ma ke gezete: «Laka berete ta dzeve ta ɗa menete 'ya ba'a laka ntsehwelea ɗa. Kwa nza ŋkɛ kande ɗepe wəsə 'ya. Nahe 'ya kezamte sebe te ghala nyi kwelɛ hɛɗia mbeli kefəhwe mcɛləa nci. Nahe 'ya kefəakawa mbeli nyi pelɛ yɛ pasla kala katsala.
Nahe na kendeke nda mehele ke wəshi nyi ndiremi ndiremi nyi mene na. ‹Wəndə shɛ kanakɛ ɗa we›, a pa gezete mbe ghəa ŋa. Ntsehwelea ŋa ba'a ɗepe wəsə ta ŋa ka ghwetete ŋa. ‹Wəndə shɛ kala 'ya we›, a pa sha zəzə mbe ghəa ŋa.
Ama tsetsenya gɛ ne, fate ghena nya, gha nya keɗe ɗe ta geva. Ma kwa nza na gwezlayɛ ne, ma pa na sha se kazəzə: ‹Wəndə shɛ kala 'ya we, katenza 'ya kamale wede tɛape we, katempə ŋwalea ɗa we.›
Ma pa na sha geze: Wa nya ghena geze Mahwətə nya Shala nya: Kateme 'ya te gha Farawon, meghea ka Ɛzhipte. Kala kele nya wəba, nya meɓelahe mɛa hələ Nil na. Ma pa na sha geze: ‹Ŋa ɗa hələ nya, 'ya le ghəa ɗa nde menete ŋkɛ.›
Zlama yazlama yɛ tewəmbəreke nya hərəte Lod-Dabar yɛ. Ma pe yɛ sha geze: «Te zlaɓa ta berete ta ɓəmə nda kelehwe meleme ta Karnayim, meleme nya berete mə.»
Wa nya tsetse tenza meleme nya nza nya zlama mbe, nya newe ghəa nci nya mbeli nyi mbe gwezlayɛ, ma ke hɛ sha se kageze: «Wəndə shɛ kala gheɓəmə we!» Yawa, wa nya ŋkɛ kezhɛrenyɛ kakwəfi, kaŋkwa kewəfərə ta wəshi keseɗa gɛ! Pɛtɛa mbeli nyi kedzeyi vare kavɛ figwə ba'a kagagəzə ghə.
Ma mbe Pol kageze ghena ta nza tiɗiɗi, zereghe ghena ba'a ghwə nya temeha Shala te kwa keɗaŋe ta və ne, benake Fɛlikse va ghazlənə, ma ke shɛ: «Kwiɗi ŋa tsetsenya. Ma kekemave kwete və 'ya ne, kateheka ŋa 'ya zhɛkwa.»
Ama ma 'ya sha ka Damas kaba, sha ka Zhɛrəzalɛm, sha ka Zhəwdɛ ba'a sha kweci hwelefefi: Mpi mə dzeve te jaɗafa ta ŋayɛ, zhɛre mə geva kalə sha Shala, mene mə slene ganji nyi kencɛ zhɛre nza ta ŋayɛ.
Ma gheyɛ gɛ ka kesaka ma, kezha nza kaka mamzashi hekakɛ ŋayɛ Shala. Mba yɛ kezhɛrete mamza ta ŋayɛ kawəsə kesla ntsə yitea wəshi kala nya ɗe geva, ama kemane mə ghəa ŋayɛ kwa nza ɗe va gheyɛ.
Katezhɛne nda ŋkɛ yɛ yipə le pəkwə ta veci, yitea dəpə ghəa ŋkɛ le kahɛ ba'a yitea tsa ŋayɛ hana ŋkɛ. Tsagha ne, slene ganyɛ yamenete kwa kema ta Shala Mahwətə ta ŋayɛ.
Ama pa 'ya ghazlənə ɗa yagha ka jaga ta nci kaŋ'wəshi ɗa, pa 'ya ghazlənə ɗa yagha hɛ kaghwetete ghəa nci, ma tegeze hɛ: Mahwətə nde zamte sebe te hɛ we, ama gheɓəmə le berete ta ɓəmə.