Daniyɛl 4:25 - Ghena ta Shala

²⁵ Pa pɛtɛa wəshia shɛhɛ menete nda geva ke meghe Nabəkodonozor.

Daniyɛl 4:25 Iomraidhean Croise

Cimə 103:19

Nahe Mahwətə keveyi pasla ta ŋkɛ pelɛ ghweme, gheŋkɛ nde sleke pɛtɛ wəshi.

Cimə 106:20

Pa hɛ mbeɗemte Shala nya kese kazləvəa nci te pa ta sla nya kezeme gwəzə.

Cimə 75:7

Kwa nza ŋkɛ ne, se laka ŋkwa kesame ta veci keɗema se laka ŋkwa kepəkwə ta ŋkɛ se kwele we, te ɓerama se ŋkɛ we.

Cimə 83:18

Nza hawe te hɛ ba'a zhɛ nda ghazlənə ke hɛ kaghala ghala, ɗema zləvə nza te hɛ ba'a zanji sebe te hɛ.

Zhɛrɛmi 27:5

'Ya nde pate hɛɗi, tsagha mbeli ba'a wəshi keseɗa nyi te laka berete ta ɗa nya wəba ba'a kwelea ɗa. Kave nda hɛ 'ya ke wəndə nya ɗe 'ya.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 2:37

Meghe yawe, gha ya kameghea ka meghea kɛfi. Nahe Shala nya pelɛ ghweme kendeke ŋa meghe, kwele, berete ba'a zləvə.

Daniyɛl 2:47

Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 4:16

Tagha gɛ, pa Daniyɛl nya heka mbeli kaBɛltasar dakenyɛ kavə ɓɛhwɛ ba'a kwetɛ kwetɛŋe yɛ zəzə ta ŋkɛ tazenji. Laŋe meghe te ghena, ma ke: «Bɛltasar, yirəma na va shiwəa shɛ ba'a ghena nya mbe ma!» Ma ke Bɛltasar zhɛnete: «Meghe yawe, ma ɗe 'ya ne, te ka ɗema ntsə ta ŋa nza shiwə nya, te ka ghema ta ŋa nza ghena nya mbe.

Daniyɛl 4:17

Nahe na kenakɛ wəfe nya kezhɛrenyɛ wəbake ba'a bereteke, nya biya ta ŋkɛ hwa'a pelɛ ghweme ba'a nya newe mbeli hwa'a te mendɛkwe ta hɛɗi.

Daniyɛl 4:2

Ma te kwete viɗi, meɓelahe 'ya te gezle ta ɗa ne, pa 'ya shiwəte shiwə nya ketazemte ɗa mehele. Kwa nza ŋkɛ ne, wəsə nya keve nda ghazlənə ke wəndə yanakɛ 'ya.