Daniyɛl 4:22 - Ghena ta Shala

²² Kateŋkamte geva na shave hwa mbeli. Katenza na hwa wəshi keseɗa nyi hwa gamba, katezeme gwəzə na kala sla ba'a katenza na bətə mbe mɛnɛ. Katenza na tsagha kava mberefaŋe hwa'a te və nya teɗepete na Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Daniyɛl 4:22 Iomraidhean Croise

Gha ta Wəshi 11:4

Ma ke hɛ zhɛkwa: «Mbara ɓəmə! Ŋate ɓəmə meleme ba'a ŋkwa nya biya nya kedzeme kacɛme ghweme! Ma tsagha ne, kateɗepe zləvəa ɓəmə mbeli te yayata ŋkwa ba'a katepesle geva gheɓəmə kwetɛ kwetɛŋe te hɛɗi we.»

Gha ta Wəshi 28:12

Pa ŋkɛ shiwəte shiwə: ma newe ŋkɛ ne, gepe cigwərə se kwake te hɛɗi dəzlə yitea ghweme. Kwele kwele ka ghwene ta Shala nyi kedzeme ba'a nyi kesawa te.

2 Saməyɛl 12:7

Ma ke Natan shɛ: «Wəndə nya kemenete kala nya ne, gha. Wa nya ghena nya gezete Mahwətə nya, Shala ta ka Israyɛl: Nahe 'ya keveyi ŋa kamaze mbe Israyɛl. Nahe 'ya kembelete ŋa va ɗa ta Sawəl.

2 Wəshi nyi Mene Ka Meghe 28:9

Mbe Samari ne, kwete nde mɛ ŋkwa ta Mahwətə ya shɛ, sləa ŋkɛ Odɛd. Pa shave kabegeme le ka sewajɛa ka Israyɛl kase hɛ kadzembe meleme, ma ke sha hɛ: «Nahe Shala Mahwətə ta ka shihɛ ŋayɛ kehwepete wənə va ka Zhəwda. Vatse veyi ŋayɛ hɛ ŋkɛ mbe dzeve ta ŋayɛ. Ama pa yɛ mpəmte hɛ le wənə le wənə, nahe fete shɛ kentsehe pelɛ ghweme.

Cimə 108:4

Mahwətə, katetsahe ŋa 'ya hwa mbeli, kategha ŋa cimə 'ya hwa hwelefefi.

Cimə 36:5

Ma vəa ŋkwa nya nza ŋkɛ te gezle ta ŋkɛ ne, wəshi nyi ndiremi ndiremi yazəzə ŋkɛ. Hweŋkwa nya ndiremi yakele ŋkɛ, kanegha wəsə kwa ndiremi ŋkɛ we.

Zhɛrɛmi 27:5

'Ya nde pate hɛɗi, tsagha mbeli ba'a wəshi keseɗa nyi te laka berete ta ɗa nya wəba ba'a kwelea ɗa. Kave nda hɛ 'ya ke wəndə nya ɗe 'ya.

Ɛzɛkiyɛl 17:3

Ma pa na sha tegeze nda ke hɛ: Wa nya ghena nya geze Shala Mahwətə nya: Pa kwete zele kewəbanyɛ, nya nza bidzə kejama jamanji, shinti kebiya biyanji ba'a kendeɗe ndeɗenji te. Ntəŋə nde le zlə kadzeme ghweme ta Liban, pa nde ɓeleve dzeve nya biya ma hwa dzeve ta wəfe ta lekeleke.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 4:11

Ma ke zlapete ghena le berete: ‹Tsaslemte mə wəfea shɛ ba'a mpəmte mə yɛ dzeve ta ŋkɛ. Sleramte mə yɛ slekea ŋkɛ ba'a mpamte yɛ ya ta ŋkɛ. Hwɛnji wəshi keseɗa seyi yite ba'a yɛ 'yɛ seyi te yɛ dzeve ta ŋkɛ.

Daniyɛl 4:21

Meghe yawe, nahe Shala tehwə ghweme kekelete zəzə te ghəa ŋa, wa nya zəzəa shɛ nya:

Daniyɛl 4:29

Kateŋkamte geva na shave hwa mbeli. Katenza na hwa wəshi keseɗa nyi hwa gamba ba'a katezeme gwəzə kala sla. Katenza na tsagha kava mberefaŋe, hwa'a te və nya teɗepete na Shala tehwə ghweme ya kande sleke mbeli pɛtɛ ba'a kave nda meghe ke wəndə nya ɗe ŋkɛ.»

Matiye 14:4

Kwa nza ŋkɛ ma ke Zhaŋe shɛ: «Kehi na kakele Hɛrodiyade kamale ta ŋa we.»

Ghena Kelɛŋə 18:5

Kwa nza nde nahe yɛ jaɗafa ta nta ketsenete geva ntsake yitea ghweme ba'a nahe Shala kezəzəte slene nyi ndiremi ndiremi nyi menete nde.