Daniyɛl 4:2 - Ghena ta Shala

² Ma te kwete viɗi, meɓelahe 'ya te gezle ta ɗa ne, pa 'ya shiwəte shiwə nya ketazemte ɗa mehele. Kwa nza ŋkɛ ne, wəsə nya keve nda ghazlənə ke wəndə yanakɛ 'ya.

Daniyɛl 4:2 Iomraidhean Croise

Palepa ta JOB 7:14

Ama kave ɗa ghazlənə na le yɛ shiwə, kadake ɗa na laka wəshi nyi ncɛ ɗa na.

Cimə 51:14

Ndeke ɗa zlama ta nza kembele mbele, kemane ɗa laka mehele ganyɛ.

Cimə 65:9

Ma mbeli nyi te mendɛkwe ta hɛɗi ne, kateghazlənə hɛ va wəshi meŋelea ŋa. Kateve nda tsa gaghwe na ke hɛɗi nyi laka ŋkwa kesame ta veci ba'a ŋkwa kepəkwə ta veci.

Cimə 66:16

Se mə, gheyɛ pɛtɛa mbeli nyi kehawe va Shala, katefa ɗa yɛ kaɓela wəsə nya menete ŋkɛ kaŋa ɗa.

Cimə 71:18

Ya 'ya nza kehale hale ba'a təwə təwə ghə ne, wəfəyite ɗa ma na ma Shala yawe ma. Ma tsagha gɛ, katezlape nda wəshi nyi menete dzeve ta ŋa 'ya ke ŋwale nyi tsetse ŋkwa ba'a ke nyi keteya.

Daniyɛl 2:1

Ma mbe kwa bake ta va ta Nabəkodonozor mbe meghe ne, pa shiwəte shiwə. Pa mehele ta ŋkɛ tazenyɛ ba'a pa hɛ shaŋe kakele ŋkɛ.

Daniyɛl 3:26

Pa Nabəkodonozor hendave nda geva ke ŋkwa kedzawa ŋkwa nya tse ghwə nya wəba kwa. Ma ke zlapete: «Shadrak, Mɛshak ba'a Abɛd-Nɛgo, gheyɛ ka mene slene ta Shala tehwə ghweme, same ŋayɛ mə ba'a nde mə!» Tagha gɛ, pa Shadrak, Mɛshak ba'a Abɛd-Nɛgo samenji mahekene nci kwa ghwə.

Daniyɛl 4:17

Nahe na kenakɛ wəfe nya kezhɛrenyɛ wəbake ba'a bereteke, nya biya ta ŋkɛ hwa'a pelɛ ghweme ba'a nya newe mbeli hwa'a te mendɛkwe ta hɛɗi.

Daniyɛl 4:24

Vatse səkwə ŋa 'ya gɛ meghe yawe, yɛte ntsehwele nya ncɛ ŋa 'ya: sərəakɛ yɛ jaɗafa ta ŋa laka mene wəsə nya tiɗiɗi ba'a yɛ fete ta ŋa laka zhɛ heli yitea ka titikwəa kɛfi. Ma tsagha ne, ya kwete katetemə na mbe zeɗe nza.»

Daniyɛl 4:25

Pa pɛtɛa wəshia shɛhɛ menete nda geva ke meghe Nabəkodonozor.

Daniyɛl 4:34

Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 5:18

Meghe yawe, nahe Shala tehwə ghweme keveyi yiteyɛ ŋa Nabəkodonozor kameghe nya wəba, nya berete ba'a nya nza zləvə te.

Daniyɛl 6:27

Wa nya ghena nya geze 'ya nya: Ma te pɛtɛa hɛɗi nya mbe dzeve ta ɗa ne, yayata wəndə katehawe tsape tsape va Shala ta Daniyɛl. Gheŋkɛ ya kaShala teghweme, gheŋkɛ nde tenza kaghala ghala. Nahe ŋkɛ kenza kameghe nya kaghala ghala, katekiɗi berete ta ŋkɛ we.

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Zhaŋe 4:48

Ma ke Yɛsə shɛ: «Ma gheyɛ, keɗema yɛ kenakɛ wəshi kencɛ wəshi ba'a wəshi meŋele ne, kateyɛ yɛ tɛape we.»

Zhozəwɛ 7:19

Ma ke Zhozəwɛ sha Akan: «Wəzege ta ɗa, vate zləvə te Mahwətə, Shala ta ka Israyɛl, gheŋkɛ nde ve nda zləvə ke ghəa ŋkɛ. Ncɛte wəsə nya menete na, ntikəma wəsə na va 'ya ma.»