Daniyɛl 4:18 - Ghena ta Shala

¹⁸ Sleke nyi ndeɗe ndeɗe ba'a ya kwele kwele ya te wəfea shɛ. Kaŋ'we wəsə kezeme pɛtɛa wəshi nyi nza mpi hwe te. Kanza wəshi keseɗa nyi hwa gamba yitea shenaŋkwe ta ŋkɛ, kapa ghɛa nci yɛ 'yɛ dzeyi te yɛ dzeve ta ŋkɛ.

Daniyɛl 4:18 Iomraidhean Croise

Gha ta Wəshi 40:12

Ma ke Zhozɛf shɛ: «Wa nya ghena nya mbe shiwəa ŋa nya: Ma dzeve ta wəfe nyi mahekene nyighɛ ne, hɛ mahekene geze ta ŋkɛ.

Gha ta Wəshi 41:15

Ma ke Farawon sha Zhozɛf: «Nahe 'ya keshiwəte shiwə, ama wəndə shɛ kegezete ghena nya mbe we. Nahe 'ya kefa wərə na kagezete ghena nyi mbe yɛ shiwə kegezete ŋa hɛ mbeli.»

Gha ta Wəshi 41:8

Ma masheke ne, kwetɛ kwetɛŋe mehele ta Farawon. Pa ŋkɛ hekake ka mene ghwɛ ba'a ka ntsehwele ntsehwele nyi mbe Ɛzhipte pɛtɛ. Pa ŋkɛ gezete nda shiwəa ŋkɛ ke hɛ, ama wəndə shɛ kegezete nda ghena nya mbe we.

Ɛzayi 19:3

Katetaze mehele ta ka Ɛzhipte, kateza sebe 'ya te wəshi nyi zəzə hɛ. Katefa ghena hɛ va wəshi nyi zhɛrete hɛ kashala ba'a va ka gepe ŋkwa kwa weta, va ka beze ŋkwa ba'a va ka kelɛŋə.

Daniyɛl 1:20

Ma te pɛtɛa ghena nyi ke'yɛwe ntsehwele ba'a zəzə ghena nyi se meghe ka'yɛwe va hɛ ne, za ma sləyi hɛ ŋkɛ meŋe zhigə ke pɛtɛa ka mene ghɛ ba'a ka ŋa zlera nyi kese mbe pɛtɛa hɛɗia ŋkɛ.

Daniyɛl 2:38

Nahe ŋkɛ keveyi mbeli, wəshi keseɗa ba'a yɛ 'yɛ, te yayata ŋkwa nya nza hɛ mbe dzeve ta ŋa. Nahe ŋkɛ keveyi ŋa kande sleke hɛ. Gha ya kaghə mze kwa tere tere nya gɛ!

Daniyɛl 2:7

Kakwa bake zhigə ne, ma ke hɛ sha meghe: «Meghe yawe, gezete n'yɛ shiwəa shɛ, ghen'yɛ ka mene slene ta ŋa, yitea gezete ŋa ghena nya mbe ghen'yɛ gi!»

Daniyɛl 5:15

Pa mbeli fəke ɗa ka ntsehwele ntsehwele ba'a ka mene ghwɛ kezha jaŋga rafe nya ba'a kezha geze ɗa ghena nya mbe, ama kepesle hɛ yite we.

Daniyɛl 5:8

Tagha gɛ, pa pɛtɛa ka ntsehwele ntsehwelea meghe dzeki, ama wəndə shɛ hwa hɛ kejaŋgate rafea shɛ keɗema kegezete nda ghena nya mbe ke meghe we.

Amos 3:7

Tsagha shɛ ne, kamene wəsə Shala Mahwətə kaɗema ŋkɛ kencɛte nda zəzə ta ŋkɛ ke ka mene slene ta ŋkɛ nyi kaka mɛ ŋkwa we.