Daniyɛl 4:17 - Ghena ta Shala

¹⁷ Nahe na kenakɛ wəfe nya kezhɛrenyɛ wəbake ba'a bereteke, nya biya ta ŋkɛ hwa'a pelɛ ghweme ba'a nya newe mbeli hwa'a te mendɛkwe ta hɛɗi.

Daniyɛl 4:17 Iomraidhean Croise

1 Ka Meghea Kɛfi 21:25

Wəndə shɛ kegha mbeli kanakɛ nya kendeke nda ghəa ŋkɛ tsape tsape ke wəshi nyi ndiremi ndiremi kamene, nyi ɗema Mahwətə kala Akab we. Male ta ŋkɛ Zhɛzabɛl nde se katsəkwə ŋkɛ kadzeyitea hɛ.

2 Wəshi nyi Mene Ka Meghe 28:22

Pa le nya nza ndiremi te ne, kesərəakɛ pele se Ahaz yitea Mahwətə we.

Cimə 103:19

Nahe Mahwətə keveyi pasla ta ŋkɛ pelɛ ghweme, gheŋkɛ nde sleke pɛtɛ wəshi.

Cimə 12:8

Mahwətə, kateya ka dewə ŋeli na, kateya n'yɛ na kaghala ghala va mbelia shɛhɛ.

Cimə 9:16

Nahe hwelefefi kebeteyi geva kwa ki nya late hɛ. Nahe keleŋa nyi ŋate hɛ tewəfərə kekesehwe seɗa ta nci.

Shave 9:16

Ama nahe 'ya kesərəakɛ ŋa teghweme kezha ncɛ ŋa berete ta ɗa ba'a kezha pesleyi geva zləvəa ɗa te hɛɗi lema.

Ɛzayi 6:3

Ma ke hɛ sha zlape nda ke ghəa nci: «Tekeleke, tekeleke, tekeleke veyi geva Mahwətə nde berete, viɗi hɛɗi lema va zləvəa ŋkɛ!»

Ɛzayi 6:8

Tagha gɛ, pa 'ya fate ŋwələa Mahwətə, ma ke: «Wa wəndə nya teghwene 'ya tse wa? Wa wəndə nya ketelə te ŋkwa ɓəmə wa?» Ma 'ya zhɛnete: «Wa nya 'ya nya, ghwenakɛ ɗa!»

Ɛzɛkiyɛl 25:17

Ɗa nyi dzawe dzawe yateve 'ya te hɛ, le wənə le wənə teve yaka 'ya te hɛ. Ma tsagha, kateɗepete hɛ 'ya ya kaMahwətə.»

Ɛzɛkiyɛl 7:24

Kateheka hwelefefi nyi 'yaghwa 'yaghwa mehele 'ya kase. Katefəhwe yɛ ghɛa nci hɛ. Kateza sebe 'ya te kele ghəa ka berete berete ba'a katezhɛre ŋkwa nci nyi keveyi geva tekeleke mbeli wale wale.

Daniyɛl 11:21

Ma wəndə nya ketedzete meghe te ŋkwa ŋkɛ ne, wəndə nya ɓelama mbeli, wəndə nya hima mbeli kave nda meghe. Ama katedzete meghe ŋkɛ laka ntsehwelea ŋkɛ vəa ŋkwa nya nza hɛɗi gwezlayɛ.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 4:2

Ma te kwete viɗi, meɓelahe 'ya te gezle ta ɗa ne, pa 'ya shiwəte shiwə nya ketazemte ɗa mehele. Kwa nza ŋkɛ ne, wəsə nya keve nda ghazlənə ke wəndə yanakɛ 'ya.

Daniyɛl 4:25

Pa pɛtɛa wəshia shɛhɛ menete nda geva ke meghe Nabəkodonozor.

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Ka Rome 13:1

Hawe yayata wəndə va mbeli nyi kesleke hɛɗi. Kwa nza ŋkɛ ne, va Shala se sleke ŋkwa we, Shala nde veyi yayata nde sleke hɛɗi.

1 Ka Korɛnte 1:28

Nahe ŋkɛ kentave wəsəa kwadanyɛ, wəsə nya ɓelama mbeli, wəsə nya keɗema shɛ kezha zhɛre wəsə nya kenza shɛ kawəsə nya gəmə.

1 Timotɛ 5:21

Ma 'ya sha gha gheci gheci kwa kema ta Shala, kwa kema ta Yɛsə Kriste, ba'a kwa kema ta ka ghwene ta Shala nyi kentave geva: hawe va ghena nyi kaɗema kanta ghala, kaɗema kakemane kwete wəndə, kakemane kwete.

Ghena Kelɛŋə 4:8

Bidzə nyi bətə mbe ntsə, pelɛke te wəmbə ba'a mbe mbe ya ŋkwaŋe te yayata wəndəa wəshi keseɗa nyi wəfaɗea shɛhɛ. Ma ke hɛ sha gha cimə veci le viɗi kaɗema kafɛa yite: «Tekeleke, tekeleke, tekeleke veyi geva Mahwətə Shala nde berete, nya kenza shɛ, nya kese ba'a nya ketese!»

1 Saməyɛl 2:8

Kakele nde dewə ŋeli nya keteɗe ŋkɛ shave hwa keləwə, kakele nde titikwə ŋkɛ shave hwa reɗa ta kəsə kezha ve nda ŋkwa kentishɛ ŋkɛ ke hɛ hwa mbelia jama. Kave nda ŋkwa kenza ŋkɛ ke hɛ kala pasla nya nza zləvə te. Kwa nza nde Mahwətə nde sleke hɛɗi lema, gheŋkɛ nde pate hɛɗi lema ba'a nde veyi seɗa ta ŋkɛ bereteke.