Daniyɛl 4:14 - Ghena ta Shala

¹⁴ Nahe wəsəa shɛ kenza kawəsə nya ɗe ka ghwene ta Shala, kazəzə nya kese va ka ya hɛɗi lema, yitea ɗepete pɛtɛa wəshi nyi nza mpi hwe Shala tehwə ghweme ya kande sleke mbeli pɛtɛ. Kave nda meghe ŋkɛ ke wəndə nya ɗe ŋkɛ ba'a wərə ŋkɛ kandeke nda ŋkɛ ke wəndə nya gwedə ma.›

Daniyɛl 4:14 Iomraidhean Croise

Palepa ta JOB 24:20

Nahe mi nyi keyake hɛ kezaghəyite hɛ, wəshi kezeme ganji kaŋa menciɗi. Wəndə shɛ kazhɛne kazəzə mbelia shɛhɛ we, ama nahe ndiremia mehele ta nci keŋzlanyɛ kala wəfe.

Zhɛrɛmi 27:5

'Ya nde pate hɛɗi, tsagha mbeli ba'a wəshi keseɗa nyi te laka berete ta ɗa nya wəba ba'a kwelea ɗa. Kave nda hɛ 'ya ke wəndə nya ɗe 'ya.

Zhɛrɛmi 51:6

Hwɛ mə shave mbe Babilone! Mbele ghəa ŋkɛ yayata wəndə! Ma tsagha ne, katempə yɛ va fete nyi menete ŋkɛ we. Kaganda ne, və kewa ghena ta Mahwətə nya: kateŋki nda wəsə nya kehi ve ŋkɛ.

Zhɛrɛmi 51:9

Nahe n'yɛ kedzeghakɛ kambe Babilone, ama kambe ŋkɛ we. Ma tsetse ŋkɛ ne, sərəakɛ ɓəmə ŋkɛ, zhɛre geva yayata wəndə kadzete hɛɗia ŋkɛ. Kaganda ne, kewəba ghena nya te, hwa'a pelɛ ghweme ŋkɛ.

Ɛzɛkiyɛl 31:10

Vatse gɛ ne, wa nya ghena nya geze 'ya, 'ya Shala Mahwətə nya: Nahe lekelekea shɛ kekelenyɛ, kacɛme cɛame ləmbə ŋkɛ ba'a nahe ŋkɛ kezhɛrenyɛ kande kele ghə.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 3:4

Ma ke wəndə nya te ghəa gəsəkə zlapete ghena: «Gheyɛ pɛtɛa hwelefefi nyi kese te pɛtɛa hɛɗi ba'a nyi kegeze pɛtɛa ghena, fa mə ghena nya:

Daniyɛl 4:12

Ama sərəakɛ mə dəŋwəa ŋkɛ ba'a yɛ slərəa ŋkɛ kwa hɛɗi, te tepe gwəzə nyi hwa gamba. Hwepete mə ŋkɛ le zewe lɛ ba'a le shishi mze kwa ghwə ghwə. Nza ŋkɛ bətə mbe mɛnɛ, zeme gwəzə ŋkɛ kala wəshi keseɗa.

Daniyɛl 4:23

Wa nya ghena nya mbe sərə dəŋwə ba'a yɛ slərə mbe hɛɗi nya: katezhɛnave ŋa geva meghea ŋa ɗepetema ta ŋa Shala nya pelɛ ghweme ya kande sleke ŋkwa.

Daniyɛl 4:29

Kateŋkamte geva na shave hwa mbeli. Katenza na hwa wəshi keseɗa nyi hwa gamba ba'a katezeme gwəzə kala sla. Katenza na tsagha kava mberefaŋe, hwa'a te və nya teɗepete na Shala tehwə ghweme ya kande sleke mbeli pɛtɛ ba'a kave nda meghe ke wəndə nya ɗe ŋkɛ.»

Daniyɛl 5:20

Ama pa zhɛrenyɛ kande kele ghə ba'a kande ntɛaŋentɛa ghə. Tagha gɛ, tseɗake ŋkɛ kelemte geva sawa te meghe ba'a rayɛ ŋkɛ zamte zləvəa ŋkɛ.

Daniyɛl 5:21

Ŋkwase ŋkɛ ŋkamte geva shave hwa mbeli, pa zhɛrenyɛ kala wəshi keseɗa. Pa ŋkɛ nzanyɛ hwa kwara lɛmə gamba, ntake ŋkɛ kazeme gwəzə kala sla ba'a nahe ŋkɛ kese bətə mbe mɛnɛ, hwa'a te və nya ɗepete ŋkɛ Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Matiye 3:10

Wa nya tseyɛ nya te slərəa wəfe kezha tsasle, yayata wəfe nya keɗema kaya ndeɗekə ne, katetsasle ŋkɛ mbeli kadzemɛa ghwə.

Matiye 7:19

Yayata wəfe nya keɗema kaya ya nya ganyɛ ne, katsasle ŋkɛ mbeli kadzemɛa ghwə.

Ləwke 3:9

Wa nya tseyɛ nya te slərəa wəfe kezha tsasle, yayata wəfe nya keɗema kaya ndeɗekə ne, katetsasle ŋkɛ mbeli kadzemɛa ghwə.»

Ghena Kelɛŋə 10:3

Kɛake ŋkɛ sha lewela le berete kala nivɛrə nya keghwəghwə. Ma kwa tsate lewela ŋkɛ ne, pa berazlɛ ta va mberefaŋe gakate gaka le berete.

Ghena Kelɛŋə 18:2

Ma ke zlapete le berete: «Nahe Babilone nya wəba keŋzla, nahe ŋkɛ keŋzla. Tsetsenya ne, gheŋkɛ ya kaŋkwa kenza ta yɛ 'yi'yɛghwə, kaŋkwa kewəfərə ta pɛtɛa mama ta sefə nyi wale wale ba'a kaŋkwa kenza ta wəshi nyi kezlə nyi wale wale ba'a nyi ndiremi ndiremi.