Daniyɛl 4:1 - Ghena ta Shala

¹ Ma 'ya, 'ya Nabəkodonozor ne, nahe 'ya kese mbe zeɗe nza ba'a kwelɛŋe ki ghɛ meghea ɗa.

Daniyɛl 4:1 Iomraidhean Croise

1 Wəshi nyi Mene Ka Meghe 12:18

Cape David kalə sha hɛ, ma ke: «Ma kenza nde gheyɛ se sha 'ya le kwelɛŋe ba'a kezha kemane ɗa ne, kageze ŋayɛ zayɛ mə le se 'ya. Ama kenza nde kezha pamte ɗa ba'a kezha ncɛ nda ɗa ke ka jaga ta ɗa se yɛ kaɗema 'ya kemenete wəsə nya ndiremi ne, pa Shala ta ka shihɛ ɓəmə neghate fete te ghena shɛ, pa ɗate ŋayɛ!»

Ɛsdras 4:17

Pa meghe ghweneghe zhɛne ta ŋkɛ kala nya: «Ke yɛ ŋgwamna Rehəwm, ke Shimeshay, nde rafe wəshi ba'a ke kweci mbelia nci nyi mbe Samari ba'a mbe bela ta hɛɗi nya laka ŋkwa kepəkwə ta veci yitea Efrate. Kanjiŋwe ŋayɛ 'ya...

Ɛsdras 5:7

Wa nya kala nya rafete geva ŋkɛ: «Ke meghe Dariyəs, pa Shala ndeke ŋa kwelɛŋe!

Ɛstɛr 3:12

Pa hekakɛ ka rafe wəshi nyi te hɛɗia meghe pɛtɛ, te kwa meŋe mahekeneghəmbe ta hɛ mbe tere kwa ghate. Kala nya gezete Haman ne, pa hɛ rafete yɛ palepa ba'a ghweneghe nda hɛ ke mbelia jama ta meghe, ka ŋgwamna nyi te ghəa pɛtɛa yɛ sla ta hɛɗi ba'a ke mbeli nyi te ghəa yayata hwelefe. Le yayata ntsehwelea rafe wəsə le yayata ghena rafete palepa shɛhɛ mbeli. Pa mbeli rafete te sləa meghe Sɛrsɛs kamenate lamba te le ŋgwedɛba ta meghe nyagha.

Ɛstɛr 8:9

Te vecia shɛnyɛ, te hɛ kwa bakemsə mahekeneghəmbe ta tere kwa maheke nya nza sləa ŋkɛ kaSivan hekake ka rafe wəshia meghe mbeli. Pa hɛ rafete pɛtɛa wəshi nyi gezete nda Mardoshɛ ke hɛ te nza ta ka Zhəwif, pa hɛ ghweneghe nda ke ka Zhəwif, ke ka ŋgwamna ba'a ke ka mene slene nyi jama jama nyi te yɛ sla ta hɛɗi nyi gwəmsə ba'a bakemsə mberefaŋeghəmbe, se vare Ɛnde hwa'a pelɛ Ɛtiyopi. Nahe palepa shɛhɛ kerafete geva le rafe wəsə ta yayata sla ta hɛɗi ba'a le ghena ta yayata hwelefe, tsagha ke ka Zhəwif le rafe wəsə ta nci ba'a le ghena ta nci.

Daniyɛl 3:29

Tsetsenya ne, wa nya ghena nya geze 'ya nya: Ma yayata wəndə nya mbe yayata hwelefe, yayata hɛɗi ba'a nya kegeze yayata ghena, nya ketegeze ghena ŋkele ntsə te Shala ta Shadrak, Mɛshak ba'a Abɛd-Nɛgo ne, katencɛhwe ŋkɛ mbeli ba'a katezhɛre ghɛa ŋkɛ kakəsə. Kwa nza ŋkɛ ne, kwete Shala shɛ kambelete ŋkwa kala nya we.»

Daniyɛl 3:4

Ma ke wəndə nya te ghəa gəsəkə zlapete ghena: «Gheyɛ pɛtɛa hwelefefi nyi kese te pɛtɛa hɛɗi ba'a nyi kegeze pɛtɛa ghena, fa mə ghena nya:

Daniyɛl 6:25

Pa meghe gezete kezha fə mbeli nyi kese kave nda fete ke Daniyɛl mbeli kase. Pa mbeli nenegheyi hɛ kwa kia yɛ nivɛrə, ghenci, mia nci ba'a ŋwalea nci. Pa yɛ nivɛrə slekwehwe hɛ ba'a ncɛhwemte geva ta nci tewə hɛ kedzawa kadzete hɛɗi.

Daniyɛl 6:27

Wa nya ghena nya geze 'ya nya: Ma te pɛtɛa hɛɗi nya mbe dzeve ta ɗa ne, yayata wəndə katehawe tsape tsape va Shala ta Daniyɛl. Gheŋkɛ ya kaShala teghweme, gheŋkɛ nde tenza kaghala ghala. Nahe ŋkɛ kenza kameghe nya kaghala ghala, katekiɗi berete ta ŋkɛ we.

Daniyɛl 7:14

Pa ŋkɛ kemave berete, zləvə ba'a meghe. Tagha gɛ, ntake pɛtɛa hwelefefi, pɛtɛa hɛɗi ba'a pɛtɛa ghena kamene nda slene. Kaghala ghala tenza berete ta ŋkɛ, katekiɗi ŋkɛ we. Kateza sebe te meghea ŋkɛ tɛape we.

Zakari 8:23

Wa nya ghena nya geze Mahwətə nde berete nya: Ma vəa ŋkwa shɛ ne, katekese nde Zhəwif ka se se 10 nyi kegeze ghena keghə keghə te lekwesa. Ma ke hɛ sha tegeze nda: ‹Kaɗe ghen'yɛ kalə yitea gheyɛ, kwa nza ŋkɛ nahe ghen'yɛ kefate le gheyɛ Shala.›»

Slene 2:6

Ma kwa fate gaka shɛ mbeli nyighɛ ne, pɛtɛ hɛ tseneke geva kwele kwele. Hehake hɛ pɛtɛ kwa fa hɛ hɛ kageze ghena le yayata ghena ta nci.

Ka Rome 1:7

Ke gheyɛ nyi ɗe Shala nyi mbe Rome, gheyɛ nyi hekakɛ ŋkɛ pɛtɛ kezha nza kambelia Shala rafe ŋayɛ palepa 'ya. Pa Shala Yiteyɛ ɓəmə ba'a Nde sleke ŋkwa Yɛsə Kriste ndeke ŋayɛ zlaɓa ba'a kwelɛŋe.

Ka Ɛfɛze 1:2

Pa Shala, Yiteyɛ ɓəmə ba'a Nde sleke ŋkwa Yɛsə Kriste wəpikɛ ŋayɛ ba'a ndeke ŋayɛ kwelɛŋe.

1 Timotɛ 1:2

Ke Timotɛ, wəzege ta ɗa nya kaganda mbe yɛ. Pa Shala Yita ba'a Yɛsə Kriste Nde sleke ɓəmə ndeke ŋa zlaɓa, zhɛ heli ba'a kwelɛŋe.

1 Piyɛre 1:2

Shala Yita nde tsehave ŋayɛ kala nya zəzəte ŋkɛ kezha nza yɛ kaŋa ŋkɛ, kezha nza yɛ kambeli nyi keveyi geva tekeleke kaŋa ŋkɛ se laka Sefəa ŋkɛ, kezha yɛ nda fete yɛ ke Yɛsə Kriste ba'a kezha zhɛre ŋayɛ mimia ŋkɛ nya keshekeyi geva wɛŋe. Pa zlaɓa ta Shala le kwelɛŋea ŋkɛ nza le gheyɛ kwele kwele.