Daniyɛl 3:7 - Ghena ta Shala

⁷ Tsagha gɛ, ma fatema ta pɛtɛa hwelefefi nyi kese te pɛtɛa hɛɗi ba'a nyi kegeze pɛtɛa ghena ke gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa ne, kagwəɗəŋə hɛ ba'a kahawe hɛ va pa ta wəndə nya le mze kwa tere tere nya sleteyi meghe Nabəkodonozor.

Daniyɛl 3:7 Iomraidhean Croise

Zhɛrɛmi 51:7

Kazlerekwe mze kwa tere tere se Babilone mɛa dzeve ta Mahwətə. Hɛɗi lema pɛtɛ yaghwəyimte ŋkɛ. Tɛa ŋkɛ yaghwəyi ghə kweci hɛɗi le, vatse zhɛrenji hɛ kaka gezhia hɛɗi.

Daniyɛl 2:46

Tagha gɛ, pa meghe Nabəkodonozor gwəɗəŋə ntiŋə ghə mbe hɛɗi kezha hawe va Daniyɛl. Pa ŋkɛ gezete kezha fə nda wəshi ba'a 'wərdə mbeli ke Daniyɛl.

Daniyɛl 3:10

Meghe yawe, ma pa na gezete, gha ghəa ŋa: ‹Yayata wəndə kategwəɗəŋə ba'a katehawe va pa ta wəndə nya le mze kwa tere tere kefate gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa.

Daniyɛl 3:4

Ma ke wəndə nya te ghəa gəsəkə zlapete ghena: «Gheyɛ pɛtɛa hwelefefi nyi kese te pɛtɛa hɛɗi ba'a nyi kegeze pɛtɛa ghena, fa mə ghena nya:

Daniyɛl 3:5

Ma vəa ŋkwa nya tefa gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa yɛ ne, kategwəɗəŋə yɛ ba'a katehawe yɛ va pa ta wəndə nya le mze kwa tere tere nya sleteyi nya meghe Nabəkodonozor.

Daniyɛl 3:6

Ma yayata wəndə nya ketegwəɗəŋəma kezha hawe ve ne, katenegha ŋkɛ mbeli kwa ŋkwa nya tse ghwə nya wəba.»

Daniyɛl 3:8

Tewə ketemə kwetere wəmbəa ŋkɛ ne, pa kweci ka Babilone se ba'a ndeke nda fete ke ka Zhəwif.

Slene 14:16

Ma vəashi ne, nahe ŋkɛ kepelakɛ mbeli kazele wəshi nyi ɗe hɛ.

1 Zhaŋe 5:19

Nahe gheɓəmə keɗepe mbelia Shala gheɓəmə. Ama nahe pɛtɛa mbeli nyi te hɛɗi lema kenza mbe berete ta Nde ndiremia mehele.

Ghena Kelɛŋə 12:9

Pa shishi meŋele nya wəba shɛ neghakave geva te ŋwela. Gheŋkɛ ya kashishi nya vəashi, nya heka mbeli kagətəli keɗema Satan, nya keghwete hɛɗi lema. Pa ŋkɛ neghakawa geva kasawa te hɛɗi zlaɓe le ka ghwene ta ŋkɛ.

Ghena Kelɛŋə 13:14

Kaghwete mbeli nyi te hɛɗi ŋkɛ kwele kwele le wəshi meŋele nyi mene ŋkɛ kwa kema ta kwa ghate ta wəsə keseɗa. Kageze nda ŋkɛ ke mbeli kamene pa ta wəsə kazləvəa wəsə keseɗa nya ɗakɛ kafayɛ le zhi ba'a nya kezhɛne kanza teghweme.

Ghena Kelɛŋə 13:3

Nahe zhi kemte keɗakɛ kwete hwa ghəa wəsə keseɗa shɛ, ama nahe zhia shɛ kempimte geva. Tagha gɛ, pɛtɛa mbeli nyi te hɛɗi heheɓake, ntake hɛ katəkwə təkwə wəsə keseɗa shɛ.

Ghena Kelɛŋə 13:8

Pɛtɛa mbeli nyi te hɛɗi katehawe ve, mbeli nyi ɗema sləa nci kerafete geva te palepa ta mpi ghala pate geva yɛ hɛɗi le ghweme. Nahe palepa shɛ kenza kaŋa Zhɛgwəa təmə nya dzeghekɛ geva melɛ le.

Ghena Kelɛŋə 17:8

Nahe wəsə keseɗa nya nakɛ nya na kese teghweme, ama mba ŋkɛ we. Katesame ŋkɛ kwa ki nya ɗema ghala kwa, ama kezha lə kaza. Ma mbeli nyi te hɛɗi nyi rafetema geva sləa nci te palepa ta mpi ghala pate geva yɛ hɛɗi le ghweme ne, katenza hɛ heheɓake va newe wəsə keseɗa shɛ. Kwa nza ŋkɛ teghweme se ŋkɛ vəashi, tsetsenya ne, mba ŋkɛ we, ama katezhɛne ŋkɛ kase.

Ghena Kelɛŋə 19:20

Pa mbeli kesawa wəsə keseɗa kwa daŋgayɛ, tsagha nde mɛ ŋkwa nde tseŋwə nya kemenete wəshi meŋele kwa kema ta ŋkɛ kezha ghwete mbeli nyi nza lamba ta wəsə keseɗa te hɛ ba'a nyi kehawe va pa ta ŋkɛ. Pa yɛ wəsə keseɗa le nde mɛ ŋkwa tseŋwə beteyi geva le mpi kwa ndərəa ghwə ta gezla.