Daniyɛl 3:29 - Ghena ta Shala

²⁹ Tsetsenya ne, wa nya ghena nya geze 'ya nya: Ma yayata wəndə nya mbe yayata hwelefe, yayata hɛɗi ba'a nya kegeze yayata ghena, nya ketegeze ghena ŋkele ntsə te Shala ta Shadrak, Mɛshak ba'a Abɛd-Nɛgo ne, katencɛhwe ŋkɛ mbeli ba'a katezhɛre ghɛa ŋkɛ kakəsə. Kwa nza ŋkɛ ne, kwete Shala shɛ kambelete ŋkwa kala nya we.»

Daniyɛl 3:29 Iomraidhean Croise

Daniyɛl 2:5

Ma ke meghe zhɛnete nda ke hɛ: «Wa nya wəsə nya tarete 'ya nya: ma kencɛte ɗa ma shiwəa ɗa ba'a ghena nya mbe yɛ ne, katenza yɛ kencɛhwe ncɛhwe ba'a katezhɛre geva ghɛa ŋayɛ kakəsə.

Cimə 76:10

vəa ŋkwa nya sate Shala te ŋkwa kezha meha ghwə, kezha mbele pɛtɛa ka dewə ŋeli nyi te hɛɗi lema. Zhɛne mpi.

Zhɛne Ghwelə yitea Wəshi Mahalegə 32:31

Ama nahe ka jaga ta nci keɗepe le ghəa nci kaɗema zləvə te shala nya keya hɛ kala Shala ta ka Israyɛl.

Daniyɛl 3:28

Ma ke Nabəkodonozor gezete: «Tsa nda ɓəmə hana ke Shala ta Shadrak, Mɛshak ba'a Abɛd-Nɛgo, gheŋkɛ nya keghweneke nde ghwene ta ŋkɛ ba'a nya kembelete ka mene slene ta ŋkɛ, kwa nza ŋkɛ nahe hɛ kendeke nda ghəa nci. Nahe hɛ kedzawanji wəmbəa ghena nya gezete meghe, kesahwe nda yaka ke ghəa nci kenya mene nda slene hɛ keɗema nya hawe hɛ va shala nya keɗema kaShala ta nci.

Daniyɛl 3:17

Wərə Shala ta n'yɛ, Shala nya mene nda slene ghen'yɛ kambeleke n'yɛ. Kaganda ne, katembele n'yɛ ŋkɛ va ŋkwa nya tse ghwə nya wəba kwa ba'a va berete ta ŋa, meghe yawe.

Daniyɛl 3:15

Katezhɛne yɛ kafa gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa. Ɗeke ɗeke yɛ tsetsenya kezha gwəɗəŋə ba'a kezha hawe va pa ta wəndə nya sleteyi nya 'ya tse gɛ na? Ma kehawema yɛ ve ne, taghanyɛ tebete ŋayɛ mbeli kwa ŋkwa nya tse ghwə nya wəba. Nyama shala nya kenza kazləgwəke ŋayɛ shave mbe dzeve ta ɗa wa?»

Cimə 3:8

Mahwətə, sate te ŋkwa! Shala yawe, mbele ɗa! Kaganda ne, nahe na kempempamte pɛtɛa ka jaga ta ɗa mbe ghweleme, nahe na ketsetsamte slene same kwa ka 'yaghwa mehele.

Ɛsdras 6:11

Ma keɗema wəndə kahawe va ghena nyi ne, kave nda hweŋkwa 'ya ke mbeli kezha nteɗeve selə shave ki ghɛa ŋkɛ, kantasate tiɗiɗi te, kwa sebe ta ŋkɛ, pa mbeli zhɛrete ghɛa ŋkɛ kakwəfi.

2 Ka Meghea Kɛfi 10:27

Pa hɛ ŋzlamte pa ta Ba'al kaŋzlamte selə nya mbe cɛ ŋkɛ kabeteyi te kəsə pa va ɓeshi.

Daniyɛl 1:7

Pa wəndə nya te ghəa ka mene slene hekate nda slə mɛnɛfɛ ke hɛ: Bɛltasar ŋa Daniyɛl, Shadrak ŋa Hananiya, Mɛshak ŋa Mishayɛl, Abɛd-Nɛgo ŋa Azariya.

Daniyɛl 1:19

Pa meghe gezete ghena le hɛ. Ama hwa hɛ pɛtɛ ne, wəndə shɛ kesləyi ŋkɛ kala Daniyɛl, Hananiya, Mishayɛl ba'a Azariya we. Vatse dzembe slene ta ŋkɛ hɛ.

Daniyɛl 2:17

Kwa sebe ta ŋkɛ, pa Daniyɛl zhɛneghe geva kajɛghɛ. Pa ŋkɛ gezete nda ghena shɛ ke Hananiya, Mishayɛl ba'a Azariya nyi kaka mcɛhɛnyɛ.

Daniyɛl 2:47

Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 2:49

Pa Daniyɛl 'yɛwete va meghe kezha ve nda slene nya mbe sla ta hɛɗia Babilone ŋkɛ ke Shadrak, Mɛshak ba'a Abɛd-Nɛgo. Ma Daniyɛl le ŋa ŋkɛ ne, nahe ŋkɛ kenza kande ncɛ ntsehwele kwa degha ta meghe.

Daniyɛl 3:12

Yawa, meghe yawe, nahe Shadrak, Mɛshak, Abɛd-Nɛgo nyi kaka Zhəwif, nyi ndeke nda slene na ke hɛ mbe sla ta hɛɗia Babilone, keɗema ɓela ghena nya gezete na. Nahe hɛ keɗema mene nda slene ke yɛ shala ta ŋa ba'a keɗema hawe va pa ta wəndə nya le mze kwa tere tere nya sleteyi na.»

Daniyɛl 6:28

Kambeɗe ŋkwa ŋkɛ ba'a kambele ŋkwa ŋkɛ, kamene wəshi kencɛ wəshi ba'a wəshi meŋele ŋkɛ pelɛ ghweme ba'a te hɛɗi. Gheŋkɛ nde mbeleke Daniyɛl shave mbe yɛ pela ta yɛ nivɛrə.»