Daniyɛl 3:26 - Ghena ta Shala

²⁶ Pa Nabəkodonozor hendave nda geva ke ŋkwa kedzawa ŋkwa nya tse ghwə nya wəba kwa. Ma ke zlapete: «Shadrak, Mɛshak ba'a Abɛd-Nɛgo, gheyɛ ka mene slene ta Shala tehwə ghweme, same ŋayɛ mə ba'a nde mə!» Tagha gɛ, pa Shadrak, Mɛshak ba'a Abɛd-Nɛgo samenji mahekene nci kwa ghwə.

Daniyɛl 3:26 Iomraidhean Croise

Gha ta Wəshi 14:18

Mɛlkisɛdɛk, meghea ka Salɛm nde keleke ɗafa ba'a tɛ. Nahe ŋkɛ kenza kande dzeghe nda melɛ ke Shala tehwə ghweme.

1 Ka Meghea Kɛfi 8:51

Kwa nza ŋkɛ mbelia ŋa hɛ, ŋa ŋa hɛ, ghenci nyi fəakave na shave mbe tepe ta yaka nya wəba nya pelɛ Ɛzhipte.

Ɛsdras 5:11

Ma zhɛnete n'yɛ hɛ: ‹Ka mene slene ta Shala nya kepate yɛ ghweme le hɛɗi ghen'yɛ. Ghɛa Shala nya ŋate ba'a nya kiɗimte kwete meghea ka Israyɛl nya wəba vəashi yazhɛne ghen'yɛ kaŋa.

Cimə 66:12

Nahe na kesərəakɛ ka zleɗe gədəwəa lɛmə kaŋkeɗe n'yɛ. Nahe n'yɛ kedzembe n'yɛ mbe ghwə ba'a mbe yɛmə, ama nahe na kefəakave n'yɛ kezha zhɛne mpi.

Ɛzayi 28:16

Vatse gɛ, wa nya ghena nya geze Shala Mahwətə nya: «'Ya kave pelɛa shihə nya ntɛaŋentɛa mbe Siyon, pelɛa megwekwe nya nza zləvə te, pelɛ nya kemɓeyi geva megela. Kateteɗe wəndə nya kedɛŋe geva te we.

Ɛzayi 52:12

Shavema yɛ mbe le hwɛ ma, sləma yɛ mbe le ghazlənə ma. Kwa nza ŋkɛ ne, Mahwətə nde tenza te kema ta ŋayɛ, Shala ta Israyɛl nde tenza kwa sebe ta ŋayɛ.

Zhɛrɛmi 11:4

nya menete n'yɛ se vəashi le ka shihɛ ŋayɛ kwa kelakave hɛ 'ya shave mbe ghwə ta gezla mbe Ɛzhipte. Ma 'ya sha hɛ: Fa mə ghena ta ɗa ba'a mene mə slene megela le wəshi nyi geze ŋayɛ 'ya. Ma tsagha, kambelia ɗa tenza yɛ, 'ya perə, kaShala ta ŋayɛ tenza 'ya.

Daniyɛl 2:47

Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 3:17

Wərə Shala ta n'yɛ, Shala nya mene nda slene ghen'yɛ kambeleke n'yɛ. Kaganda ne, katembele n'yɛ ŋkɛ va ŋkwa nya tse ghwə nya wəba kwa ba'a va berete ta ŋa, meghe yawe.

Daniyɛl 4:2

Ma te kwete viɗi, meɓelahe 'ya te gezle ta ɗa ne, pa 'ya shiwəte shiwə nya ketazemte ɗa mehele. Kwa nza ŋkɛ ne, wəsə nya keve nda ghazlənə ke wəndə yanakɛ 'ya.

Daniyɛl 6:20

Ma wakakama ta zeweve ta ghweme ne, pelɛhetɛme meghe sate te ŋkwa ba'a cape ŋkɛ kalə kahe kahe kadzemɛa kia yɛ nivɛrə.

Daniyɛl 6:21

Ma kahende geva ŋkɛ kase sha kia shɛ ne, ma ke hekate Daniyɛl le nehwene kwa ŋwələ: «Daniyɛl, nde mene slene ta Shala teghweme, nahe Shala ta ŋa nya ntsə geva nya na kamene nda slene kembelete ŋa va yɛ nivɛrə tse gɛ na?»

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Slene 16:17

Ntake nde katəkwə təkwə n'yɛ, Pol ba'a ghen'yɛ, ma ke sha zlezlape: «Ma mbeli nyi ne, slene ta Shala tehwə ghweme yamene hɛ. Hweŋkwa ta mbele yancɛ ŋayɛ hɛ.»

Slene 16:37

Ama ma ke Pol sha hɛ: «Pa hɛ pesleve n'yɛ te shikwə ba'a beteyi n'yɛ kwa daŋgayɛ kaɗema mbeli kemehate ghwə te ghen'yɛ, ghen'yɛ nyi kaka hɛɗia ka Rome. Tsetsenya ne, te wəfərə ɗe hɛ kapele n'yɛ na? Ewə. Nda hɛ le ghəa nci kase kezha pele n'yɛ.»

Slene 27:23

Ma heviɗi mshena ne, nahe nde ghwene ta Shala nya kesleke ɗa ba'a nya mene nda slene 'ya kese sha 'ya,

Ka Galate 1:10

Kwa nza ŋkɛ tsahe ta mbeli na, na ŋa Shala yazele 'ya na? Na wəsə nya ɗe mbeli yasepa 'ya na? Ma kenza ŋkɛ wəsə nya ɗe mbeli yamene 'ya ne, nza kenza 'ya kande mene slene ta Kriste we.

Zhɛne Ghwelə yitea Wəshi Mahalegə 4:20

Ama gheyɛ ne, nahe Mahwətə kelə kazele ŋayɛ ba'a kefəakave ŋayɛ shave mbe yaka nyi dzawe mbe Ɛzhipte kezha nza yɛ kambelia ŋkɛ, kala nya nza nya yɛ ɓeshi tse.

Zhozəwɛ 3:17

Pa ka dzeghe Shala nyi kekele səndəkwəa jikə geva ta Mahwətə nzanji te ŋkwa kwa ghwele ghwele nya kwa hələ, nda jive ka Israyɛl le seɗa te tepe ta Zhəwrdɛŋe hwa'a te və nya jivenji mbeli pɛtɛ te hələa shɛ.

Zhozəwɛ 4:10

Mba ka dzeghe Shala nyi kekele səndəkwə meghereŋe kwagha, nda menete geva pɛtɛa wəshi nyi gezete nda Mahwətə ke Zhozəwɛ kezha geze nda ke mbeli kala nya gezete nda Moyize ke Zhozəwɛ, nda ntsə geva mbeli kajive te hələ.

Ghena Kelɛŋə 19:5

Kwa sebe ta ŋkɛ ne, pa 'ya fate ŋwələ shave sawa pelɛ pasla, ma ke: «Tsahe mə Shala ta ɓəmə, gheyɛ pɛtɛa ka mene slene ta ŋkɛ, gheyɛ mbeli nyi kehawe ve, mbeli nyi ɓɛhwɛ ɓɛhwɛ ba'a nyi jama jama.»