Daniyɛl 3:25 - Ghena ta Shala

²⁵ Ma ke meghe gezete zhɛkwa: «Wa raberə newe mbeli 'ya wəfaɗe kaɗema kehwepe hwepe kadzeghwa mbe ta ghwə kandəkɛma hɛ ŋkɛ wa? Kala pa ta wəzege ta yɛ shala pa ta nde wəfaɗe ta nci.»

Daniyɛl 3:25 Iomraidhean Croise

Palepa ta JOB 1:6

Ma te kwete hɛ kwa senji ka ghwene ta Shala kadzawa kema ta Shala ne, pa Gətəli, nde ghema senyɛ hwa hɛ perə.

Palepa ta JOB 38:7

vəa ŋkwa nya gha cimə saseregwa nyi masheke kanya kwetɛŋe, vəa ŋkwa nya tsa gaghwe ka ghwene ta Shala wa?

Palepa ta JOB 5:19

Wərə na kasahwe yaka kwele kwele, kateya ŋa ŋkɛ shanda, katekwaɗe ŋa ndiremi tɛape we.

Cimə 34:7

Ma ketsate lewela nde dewə ŋeli ne, kafa Mahwətə ba'a kambele ŋkɛ ŋkɛ va pɛtɛa yaka nyi te.

Yɛ Ghena Ŋela 30:4

Wa nde dzeme pelɛ ghweme ba'a sawanyɛ wa? Wa nde keseyi sefə mbe hwəa dzeve ta ŋkɛ wa? Wa nde hwepeyi yɛmə mbe lekwesa ta ŋkɛ wa? Wa nde mɓeyi yɛ ghala ta hɛɗi wa? Wa sləa ŋkɛ wa? Wa tenza sləa wəzege ta ŋkɛ wa? Gezete ɗa kenza ŋkɛ nahe na keɗepe.

Ɛzayi 43:2

Ma vəa ŋkwa nya tejive na te yɛ ghwa ne, le gha tenza 'ya, vəa ŋkwa nya tejive na te yɛ hələ ne, katekelehwe ŋa hɛ we. Ma vəa ŋkwa nya tedzeghwa na hwa ghwə ne, katendə ŋa ŋkɛ we, katetere ŋa ghɛnia ghwə we.

Zhɛrɛmi 1:19

Katempa hɛ le gha, ama katepesle hɛ yitea gha we, kwa nza ŋkɛ le gha 'ya kezha mbele ŋa. 'Ya Mahwətə nde gezete.»

Zhɛrɛmi 1:8

Ghazlənəma na va mbeli ma, kwa nza ŋkɛ le gha 'ya kezha tembele ŋa.» Wa'a ke Mahwətə sha 'ya.

Zhɛrɛmi 15:21

Katembele ŋa 'ya shave mbe dzeve ta ka 'yaghwa mehele ba'a katezləgwə ŋa 'ya shave mbe dzeve ta ka mene berete 'Ya Mahwətə nde gezete.»

Daniyɛl 3:18

Ya gheŋkɛ ɗema kemenete ne, ɗepete megela kaɗema ghen'yɛ katemene nda slene ke yɛ shala ta ŋa ba'a katehawe va pa ta wəndə nya le mze kwa tere tere nya sleteyi nya na meghe yawe.»

Daniyɛl 3:24

Pa meghe Nabəkodonozor fate kagha cimə hɛ. Heɓake ŋkɛ nzanyɛ ba'a pelɛhetɛme ŋkɛ sate te ŋkwa kahe kahe. Ma ke 'yɛwete va ka ncɛ ntsehwele ta ŋkɛ: «Ashɛ mbeli mahekene kehwepe hwepe yabeteyi gheɓəmə kwa ghwə wəka?» Ma ke hɛ zhɛnete nda: «Tsagha shɛ, Meghe yawe!»

Daniyɛl 3:28

Ma ke Nabəkodonozor gezete: «Tsa nda ɓəmə hana ke Shala ta Shadrak, Mɛshak ba'a Abɛd-Nɛgo, gheŋkɛ nya keghweneke nde ghwene ta ŋkɛ ba'a nya kembelete ka mene slene ta ŋkɛ, kwa nza ŋkɛ nahe hɛ kendeke nda ghəa nci. Nahe hɛ kedzawanji wəmbəa ghena nya gezete meghe, kesahwe nda yaka ke ghəa nci kenya mene nda slene hɛ keɗema nya hawe hɛ va shala nya keɗema kaShala ta nci.

Daniyɛl 6:23

Nahe Shala ta ɗa keghweneke nde ghwene ta ŋkɛ nya keŋzlemte mɛa yɛ nivɛrə. Wəsə kwa ndiremi shɛ kemenete ɗa hɛ we. Kwa nza ŋkɛ ne, nahe Shala keveyi ɗa kande menetema fete. Meghe yawe, ya laka gha ne, fete shɛ kemenete 'ya perə we.»

Mark 16:18

Katekese shishi hɛ le dzeve ta nci, katesa wəsəa kwamasa hɛ, ama katezhɛ nda nde ke hɛ we, katedape dzeve hɛ kənəa ka zereghwe, katembe hɛ.»

Ləwke 1:35

Ma ke nde ghwene ta Shala zhɛnete nda: «Katese Sefəa Shala kadzeghəa gha, katenza na bətə mbe berete ta Shala tehwə ghweme kala shenaŋkwe. Vatse teve geva wəzege nya teya na tekeleke, kaWəzege ta Shala teheka ŋkɛ mbeli.

Slene 28:5

Ama pa Pol yisəyi shishia shɛ mbe ghwə, wəsə shɛ kese kazhɛ nda ke Pol we.

Ka Rome 1:4

Nahe Shala keveyi ŋkɛ laka Sefəa ŋkɛ kaWəzege ta ŋkɛ le berete laka same ta ŋkɛ kwa kwele, gheŋkɛ Yɛsə Kriste Nde sleke ɓəmə.

1 Piyɛre 3:13

Wa nde temene ŋayɛ wəsə kwa ndiremi, kenza ŋkɛ nahe yɛ kehwepete ghə kamene ganyɛ wa?