Daniyɛl 3:19 - Ghena ta Shala

¹⁹ Tagha gɛ, pa Nabəkodonozor hwepete wənə kwele kwele. Pa ŋkɛ heɗete nda kema ke Shadrak, Mɛshak ba'a Abɛd-Nɛgo. Pa ŋkɛ gezete kezha mehate ghwə mbeli mberefaŋe zhigə za ma ke nya ghalanza kwa ŋkwa shɛ.

Daniyɛl 3:19 Iomraidhean Croise

Gha ta Wəshi 31:2

Ma newe ke Zhakob sha kema ta Laban ne, mba ntishɛ ta ŋkɛ kala nya ghalanza we.

Ɛstɛr 3:5

Nahe Haman keɗepete kaganda ɗema Mardoshɛ kagwəɗəŋə kwa kema ta ŋkɛ kahawe ve. Petefe wənəa Haman wepenyɛ va ghena shɛ kwele kwele.

Ɛstɛr 7:7

Pelɛhetɛme meghe satenyɛ kənəa wəsə kezeme le wənə le wənə, pa dzawanyɛ kwa ntsa ta ghɛ meghe. Pa Haman hendave nda geva ke Ɛstɛr kampi nda dzeve baŋe mpia ŋkɛ kambele, kwa nza ŋkɛ nahe ŋkɛ keɗepete nahe meghe ketarete kapesle ŋkɛ.

Cimə 76:10

vəa ŋkwa nya sate Shala te ŋkwa kezha meha ghwə, kezha mbele pɛtɛa ka dewə ŋeli nyi te hɛɗi lema. Zhɛne mpi.

Yɛ Ghena Ŋela 16:14

Wərə meghe nya beze wənəa ŋkɛ kaghwenakɛ ka mpə ŋkwa. Ama wərə nde ntsehwele ntsehwele kagweɗakwete ŋkɛ.

Yɛ Ghena Ŋela 21:24

Ma wəndə nya keŋkele ntsə ba'a nya kekele ghə ne, wəndə nya keɓelama ŋkwa ŋkɛ. Kele ghə nde ncɛ geva mbe pɛtɛa wəshi nyi mene ŋkɛ.

Ɛzayi 51:23

Kateve ŋkɛ 'ya mbe dzeve ta ka sa ŋa yaka, ma ke hɛ sha se kageze ŋa: ‹Bərəɓə ŋa kezha dzeghwa n'yɛ te gha.› Tagha gɛ, pa na veyi wəmbəa ŋa kahɛɗi, kahweŋkwa ta mbeli nyi kedzeghwa.»

Daniyɛl 2:12

Tagha gɛ, pa wənəa meghe hwepete geva kwele kwele, pa gezete nda ke mbeli kezha mpə pɛtɛa ka ntsehwele ntsehwele nyi mbe Babilone.

Daniyɛl 3:13

Tagha gɛ, pa Nabəkodonozor gezete le wənə le wənə kezha fəke nda Shadrak, Mɛshak ba'a Abɛd-Nɛgo mbeli. Pa mbeli fəke hɛ kase kadzawa kema ta meghe.

Daniyɛl 3:20

Kwa sebe ta ŋkɛ ne, pa gezete nda ke mbeli nyi berete berete ma hwa ka sewajɛa ŋkɛ kezha hwepete Shadrak, Mɛshak ba'a Abɛd-Nɛgo, yitea negha hɛ kadzawa ŋkwa nya tse ghwə nya wəba.

Daniyɛl 5:6

pa kema ta ŋkɛ zhɛrenyɛ tɛarawe rawe, kwetɛ kwetɛŋe yɛ mehele ta ŋkɛ tazenji, gwenate geva ta ŋkɛ tanyɛ ba'a kampempa geva yɛ ghəa shenea ŋkɛ.

Daniyɛl 6:24

Tagha gɛ, nahe meghe kenza fare fare, pa gezete kezha kele Daniyɛl mbeli same kwa ki. Samema ta Daniyɛl ne, zhi shɛ kenakɛ mbeli te geva ta ŋkɛ, va nya ndeke nda ghə ŋkɛ ke Shala ta ŋkɛ we.

Ka Lɛvi 26:18

Ma keɗema yɛ kafa ɗa ŋa ɗa shanda ne, kateve ɗa 'ya mberefaŋe zhigə te gheyɛ tewəmbəreke yɛ jaɗafa ta ŋayɛ.

Ka Lɛvi 26:21

Ma kenza yɛ kazhɛne ɗa ghə ba'a keɗema yɛ kaɗe kafa ɗa ŋa ɗa ne, kateve ɗa 'ya te gheyɛ mberefaŋe zhigə kala yɛ jaɗafa ta ŋayɛ.

Ka Lɛvi 26:24

ma 'ya le ŋa ɗa perə ne, katezhɛne ŋayɛ ghə 'ya, kateve ɗa 'ya te gheyɛ mberefaŋe zhigə tewəmbəreke yɛ jaɗafa ta ŋayɛ.

Ka Lɛvi 26:28

ma 'ya le ŋa ɗa mbe hwepe ta wənəa ɗa ne, katezhɛne ŋayɛ ghə 'ya. Kateve ɗa 'ya te gheyɛ mberefaŋe zhigə tewəmbəreke jaɗafa ta ŋayɛ.

Slene 5:33

Pepetefe wənəa mbeli nyi te ghəa meleme ta ka Zhəwif va ghena shɛhɛ. Kaɗe hɛ kampəmte ka ghwene ta Yɛsə Kriste.

Slene 7:54

Ma kwa fave ghena shɛhɛ mbelia jama ta ka Zhəwif, pa hɛ hwepete wənə kwele kwele va Ɛtiyɛne, ntake hɛ kanca slene.