Daniyɛl 3:18 - Ghena ta Shala

¹⁸ Ya gheŋkɛ ɗema kemenete ne, ɗepete megela kaɗema ghen'yɛ katemene nda slene ke yɛ shala ta ŋa ba'a katehawe va pa ta wəndə nya le mze kwa tere tere nya sleteyi nya na meghe yawe.»

Daniyɛl 3:18 Iomraidhean Croise

1 Ka Meghea Kɛfi 19:14

Ma ke shɛ: «Mahwətə Shala nde berete, kwele kwele ɗehwe ŋa 'ya: nahe ka Israyɛl keneghamte jikə geva ta ŋa, nahe hɛ keŋzla ŋzlamte reghwetɛa ŋa kampəmte ka mɛ ŋkwa ta ŋa le kafayɛ. Deke 'ya kwetɛŋe ɗa nde tene, ama sepa yasepa mbeli kazamte mpia ɗa.»

1 Ka Meghea Kɛfi 19:18

Ama katepele mbeli 'ya slibə mberefaŋe hwa ka Israyɛl, kala nza ta mbeli nyi kesema kagwəɗəŋə mbe kema ta Ba'al, nyi kesema mɓisə mɛ te wəshi nyi feɗete shɛhɛ mbeli», ke shɛ.

Palepa ta JOB 13:15

Wərə Shala kapeslekɛ ɗa, wəsə shɛ ketene va 'ya we. Ama katempa 'ya yitea ghəa ɗa kwa kema ta ŋkɛ.

Yɛ Ghena Ŋela 28:1

Katehwɛ wəndə nya kemene mashiwəshi, ya wəndə ɗema kakeka ŋkɛ. Ama kala megela nivɛrə ɗema wəndə nya tiɗiɗi kagezleŋe ghə.

Daniyɛl 3:28

Ma ke Nabəkodonozor gezete: «Tsa nda ɓəmə hana ke Shala ta Shadrak, Mɛshak ba'a Abɛd-Nɛgo, gheŋkɛ nya keghweneke nde ghwene ta ŋkɛ ba'a nya kembelete ka mene slene ta ŋkɛ, kwa nza ŋkɛ nahe hɛ kendeke nda ghəa nci. Nahe hɛ kedzawanji wəmbəa ghena nya gezete meghe, kesahwe nda yaka ke ghəa nci kenya mene nda slene hɛ keɗema nya hawe hɛ va shala nya keɗema kaShala ta nci.

Ka Lɛvi 19:4

Zhɛre nda ma geva yɛ ke kweci shala ma. Vɛsəma yɛ shala yɛ le mze ma. 'Ya ya kaMahwətə Shala ta ŋayɛ.

Matiye 10:28

Ghazlənəma yɛ va mbeli nyi kempə ŋkwa ma, kapesle hɛ yitea pesle mpi nya mbe gheyɛ we. Ghazlənə mə va Shala ɓetəkə, gheŋkɛ nya kenza kazamte sebe te geva ba'a mpi mbe ghwə nya keɗema kakiɗi.

Matiye 10:39

Ma wəndə nya keɗe kambele mpia ŋkɛ ne, kateza ŋkɛ, ama wəndə nya kezamte mpia ŋkɛ tewəmbəreke 'ya ne, katekemave mpi ŋkɛ.

Matiye 16:2

Ma ke Yɛsə sha hɛ: «Ma kepəkwə veci ne, ma pe yɛ sha geze: megela tenza ŋkwa hendɛ, kwa nza ŋkɛ gheme ghweme.

Slene 4:19

Ma ke yɛ Piyɛre le Zhaŋe sha hɛ: «Neghate mə fete le ghəa ŋayɛ, kenza ŋkɛ tiɗiɗi ŋkɛ kwa kema ta Shala kayɛ ŋayɛ fete ghen'yɛ za ma ke gheŋkɛ.

Ka Ɛbrə 11:25

Yaka yaɗehwe ŋkɛ le mbelia Shala ke zlama kavə ɓɛhwɛ mbe jaɗafa.

Zhozəwɛ 24:15

Ma keɗema mene nda slene ke Mahwətə megela sha gheyɛ ne, ntave mə shala nyi ɗe yɛ kahawe va hɛ ɓeshi: Ntave mə nyi se ka shihɛ ŋayɛ kahawe va hɛ pelɛ kema ta hələa Efrate, keɗema yɛ shala ta ka Amor nyi nza yɛ te hɛɗia nci. Ama 'ya le ghɛa ɗa ne, Mahwətə yatemene nda slene ghen'yɛ.»

Ghena Kelɛŋə 12:11

Nahe ka kesaka meyɛ ɓəmə kehərəte ŋkɛ te zlaɓa ta mimia Zhɛgwəa təmə ba'a te zlaɓa ta ghena nya neghate fete hɛ yite. Nahe hɛ kezamte ghə yitea mpia nci hwa'a te mte.