Daniyɛl 3:17 - Ghena ta Shala

¹⁷ Wərə Shala ta n'yɛ, Shala nya mene nda slene ghen'yɛ kambeleke n'yɛ. Kaganda ne, katembele n'yɛ ŋkɛ va ŋkwa nya tse ghwə nya wəba kwa ba'a va berete ta ŋa, meghe yawe.

Daniyɛl 3:17 Iomraidhean Croise

Gha ta Wəshi 17:1

Ma kwa nza va ta Abram meslimsə meslighəmbe ne, pa Mahwətə ncɛte nda geva, ma ke shɛ: «'Ya ya kaShala nde berete. Dzeghwa mbe kema ta ɗa ba'a nza tiɗiɗi.

Gha ta Wəshi 18:14

Kwete wəsə shɛ kapeslema Mahwətə yite na? Heshi tsetse ŋkwa kala nya və nda tese 'ya ne, wəzege teza ya va Sara.»

Palepa ta JOB 34:29

Ama nda divə nzanyɛ Shala ne, wa nde teve nda fete wa? Ma kewəfərənyɛ ŋkɛ ne, wa nde nza kantsate ŋkɛ wa? Ama kanewe ghweme ŋkɛ te yɛ hɛɗi ba'a te mbeli nyi te hɛ.

Palepa ta JOB 5:19

Wərə na kasahwe yaka kwele kwele, kateya ŋa ŋkɛ shanda, katekwaɗe ŋa ndiremi tɛape we.

Cimə 115:3

Nahe Shala ta n'yɛ kenza pelɛ ghweme, pɛtɛa wəshi nyi ɗe ŋkɛ yamene ŋkɛ.

Cimə 37:39

Va Mahwətə se mbele ta mbeli nyi tiɗiɗi, gheŋkɛ ya kaŋkwa kewəfərə ta nci te vəa ndiremi.

Cimə 37:40

Kakemane hɛ Mahwətə ba'a kawəfərə hɛ ŋkɛ. Kawəfərə hɛ ŋkɛ va ka 'yaghwa mehele ba'a kambele hɛ ŋkɛ, kwa nza ŋkɛ gheŋkɛ ya kaŋkwa kewəfərə ta nci.

Cimə 73:20

Shala, kateŋka pa ta nci na shave mbe meleme, kala wəsə nya te shiwə kefeɗeghe wəndə.

Ɛzayi 12:2

Wa nya Shala nya kembelete ɗa nya, gwezlayɛ fa ghəa ɗa, kazhɛne ghazlənə zhɛ ɗa we, kwa nza ŋkɛ Mahwətə ya kaberete ta ɗa ba'a kaciməa ɗa. Gheŋkɛ ya kande mbele ɗa.

Ɛzayi 54:14

Katenza na dɛŋe dɛŋe te nza tiɗiɗi, wəndə shɛ katezhɛne kasa ŋa yaka we, wəsə shɛ katezhɛne na kaghazlənə ve we. Wəndə shɛ katezhɛne kadake ŋa we, katezhɛne na kanza hweredzekwe we.

Zhɛrɛmi 1:8

Ghazlənəma na va mbeli ma, kwa nza ŋkɛ le gha 'ya kezha tembele ŋa.» Wa'a ke Mahwətə sha 'ya.

Zhɛrɛmi 15:20

Kala zli mze kwa ghwə ghwə nya keɗema kaŋzla teve ŋa 'ya kwa kema ta nci. Katempa yɛ le hɛ, ama katepesle hɛ yitea gha we, kwa nza 'ya le gha kezha mbele ŋa ba'a kezha ya ŋa.

Zhɛrɛmi 15:21

Katembele ŋa 'ya shave mbe dzeve ta ka 'yaghwa mehele ba'a katezləgwə ŋa 'ya shave mbe dzeve ta ka mene berete 'Ya Mahwətə nde gezete.»

Daniyɛl 3:26

Pa Nabəkodonozor hendave nda geva ke ŋkwa kedzawa ŋkwa nya tse ghwə nya wəba kwa. Ma ke zlapete: «Shadrak, Mɛshak ba'a Abɛd-Nɛgo, gheyɛ ka mene slene ta Shala tehwə ghweme, same ŋayɛ mə ba'a nde mə!» Tagha gɛ, pa Shadrak, Mɛshak ba'a Abɛd-Nɛgo samenji mahekene nci kwa ghwə.

Daniyɛl 6:16

Ama tewətelɛwe ka ghema ta Daniyɛl zhɛneke geva kase sha meghe, ma ke hɛ shɛ: «Ɗepete megela meghe yawe, ma laka wəsə mahalegəa ka Mɛde ba'a ka Pɛrse ne, wəndə shɛ kazhɛremte ghena keɗema wəsə mahalegə nya dɛkate lamba ta ŋkɛ meghe te we.»

Daniyɛl 6:23

Nahe Shala ta ɗa keghweneke nde ghwene ta ŋkɛ nya keŋzlemte mɛa yɛ nivɛrə. Wəsə kwa ndiremi shɛ kemenete ɗa hɛ we. Kwa nza ŋkɛ ne, nahe Shala keveyi ɗa kande menetema fete. Meghe yawe, ya laka gha ne, fete shɛ kemenete 'ya perə we.»

Daniyɛl 6:27

Wa nya ghena nya geze 'ya nya: Ma te pɛtɛa hɛɗi nya mbe dzeve ta ɗa ne, yayata wəndə katehawe tsape tsape va Shala ta Daniyɛl. Gheŋkɛ ya kaShala teghweme, gheŋkɛ nde tenza kaghala ghala. Nahe ŋkɛ kenza kameghe nya kaghala ghala, katekiɗi berete ta ŋkɛ we.

Mishɛ 7:7

Ama 'ya ne, 'ya kazhɛre nda geva ke Mahwətə, Shala nya ketembele ɗa yaneghe 'ya. Gheŋkɛ nya kaShala ta ɗa nde tefa ghena ta ɗa.

Ləwke 1:37

Kwa nza ŋkɛ ne, wəsə shɛ kapeslema Shala yite we.»

Slene 20:24

Ama sha 'ya ne, kenza mpia ɗa kawəsə nya za ma we. Ma wəsə nya za ma sha 'ya ne, kiɗimte slene ta ɗa ba'a tereke slene nya dapave ɗa Nde sleke ŋkwa Yɛsə, geze ta ŋkɛ, negha fete yitea Ghena kwatenca nya ganyɛ ta zlaɓe ta Shala.

Slene 21:13

Ama ma ke sha ghen'yɛ: «Wa raberə nehwene yɛ kezha sla heli hwa 'ya wa? Ma 'ya ne, kehite geva 'ya deke kezha hwepe ɗa mbeli we, ama kezha mte pelɛ Zhɛrəzalɛm te sləa Nde sleke ŋkwa Yɛsə.»

Ka Rome 8:31

Wa ke gheɓəmə sha geze wa? Ma kenza nde le gheɓəmə Shala ne, wa nde teɗema kanza le gheɓəmə wa?

2 Ka Korɛnte 1:10

Gheŋkɛ nde mbelete n'yɛ va mtea shɛ vəa ŋkwa shɛ, kaganda, gheŋkɛ nde tembele n'yɛ zhɛkwa ve, mbe veyi zəzə ta n'yɛ n'yɛ katembele n'yɛ ŋkɛ ve zhɛkwa.

Ka Ɛbrə 7:25

Vatse nza ŋkɛ wərə kambelete mbeli nyi kehende nda geva ke Shala laka gheŋkɛ fəyitekeghə, kwa nza ŋkɛ teghweme ŋkɛ kaghala ghala kezha səkwə Shala kezha hɛ.

1 Saməyɛl 17:37

Ma ke zhɛkwa: «Ma Mahwətə nya kembelete ɗa va pela ta nivɛrə ba'a ŋa mtsekwele ne, katembele ɗa ŋkɛ va nde Filistia shɛ perə.» Tagha gɛ, ma ke Sawəl sha David: «Kwiɗi, pa Mahwətə nza le gha!»

1 Saməyɛl 17:46

Ɓəshi veci ne, nahe Mahwətə keveyi ŋa mbe dzeve ta ɗa: katepesle ŋa 'ya ba'a katesla ghə 'ya te gha. Ɓeshi nya ne, kateve nda mbeli nyi kempə mpəa ka sewajɛa ka Filisti 'ya ke yɛ zleŋa ba'a wəshi keseɗa nyi hwa gamba. Tsagha gɛ ne, kateɗepe mbeli nyi te hɛɗi Shala ya va ka Israyɛl.