Daniyɛl 3:15 - Ghena ta Shala

¹⁵ Katezhɛne yɛ kafa gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa. Ɗeke ɗeke yɛ tsetsenya kezha gwəɗəŋə ba'a kezha hawe va pa ta wəndə nya sleteyi nya 'ya tse gɛ na? Ma kehawema yɛ ve ne, taghanyɛ tebete ŋayɛ mbeli kwa ŋkwa nya tse ghwə nya wəba. Nyama shala nya kenza kazləgwəke ŋayɛ shave mbe dzeve ta ɗa wa?»

Daniyɛl 3:15 Iomraidhean Croise

2 Ka Meghea Kɛfi 18:35

Hwa pɛtɛa shala shɛhɛ ne, shala nya kefɛake ɗa kekele hɛɗia ŋkɛ shɛ we. Tsema nza Mahwətə kafɛake ɗa kekele Zhɛrəzalɛm?»

Shave 32:32

Kelemte hɛ te wənə, kampi ŋa dzeve 'ya! Ma keɗema ŋkɛ kala nya ne, sheshamte sləa ɗa seyi te palepa ta mpi nya rafete na.»

Shave 5:2

Ma ke Farawon zhɛnete: «Wa sləa nyagha Mahwətə nya hi nya 'ya kafa nda ghena laka pele ka Israyɛl kaslə wa? Keɗepe Mahwətə 'ya we, kapele ŋayɛ 'ya kaslə we!»

Ɛzayi 37:23

Wa yaŋelekɛ na ba'a yayiɗəkɛ na wa? Kənəa wa se na kaŋgezle wa? Wa yase na kanewe le ŋkele ntsə wa? 'Ya Shala nya kaganda ta Israyɛl gɛ na!

Daniyɛl 2:47

Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 2:9

Ama keɗema yɛ kencɛte ɗa shiwəa ɗa ne, ɗa nya kwetɛŋe nde tenza te gheyɛ. Nahe yɛ ketsahwe kezha sla ɗa tseŋwə ba'a kezha ghwete, nda zamte geva və. Yawa, gezete ɗa mə shiwəa ɗa gɛ! Ma tsagha, kateɗepete 'ya wərə yɛ kancɛte ɗa ghena nya mbe.»

Daniyɛl 3:17

Wərə Shala ta n'yɛ, Shala nya mene nda slene ghen'yɛ kambeleke n'yɛ. Kaganda ne, katembele n'yɛ ŋkɛ va ŋkwa nya tse ghwə nya wəba kwa ba'a va berete ta ŋa, meghe yawe.

Daniyɛl 6:16

Ama tewətelɛwe ka ghema ta Daniyɛl zhɛneke geva kase sha meghe, ma ke hɛ shɛ: «Ɗepete megela meghe yawe, ma laka wəsə mahalegəa ka Mɛde ba'a ka Pɛrse ne, wəndə shɛ kazhɛremte ghena keɗema wəsə mahalegə nya dɛkate lamba ta ŋkɛ meghe te we.»

Daniyɛl 6:20

Ma wakakama ta zeweve ta ghweme ne, pelɛhetɛme meghe sate te ŋkwa ba'a cape ŋkɛ kalə kahe kahe kadzemɛa kia yɛ nivɛrə.

Matiye 10:19

Ma kefəghe ŋayɛ mbeli kalə kadzete ghwə ne, yirəma yɛ yitea ghena nya tesla yɛ ya nya tegeze yɛ ma. Te ŋkwa shɛnyɛ tedzembe ghəa ŋayɛ ghena nyi hi yɛ kageze.

Matiye 27:43

Nahe ŋkɛ keveyi zəzə ta ŋkɛ te Shala, kwa nza ŋkɛ ma ke gezete: Wəzege ta Shala 'ya. Yawa, newe ɓəmə kenza nde kambelete ŋkɛ Shala tsetsenya kenza kaɗe ŋkɛ ŋkɛ gɛ!»

Mark 13:11

Ma kefəghe ŋayɛ mbeli kalə kadzete ghwə ne, yirəma yɛ yitea ghena nya tesla yɛ ya nya tegeze yɛ ma. Te ŋkwa shɛnyɛ tedzembe ghəa ŋayɛ ghena nyi hi yɛ kageze. Kwa nza ŋkɛ va gheyɛ se ŋkɛ ghena shɛ we, ama va Sefəa Shala.

Ləwke 12:11

Ma kefəghe ŋayɛ mbeli kalə kadzete kema ta mbeli nyi mbe cɛ kesəkwə ghə, ka meghea kɛfi ba'a mbeli nyi te ghə ne, yirəma yɛ yitea ghena nya tesla yɛ ma.

Ləwke 13:9

Ya kwete kateya ŋkɛ heshi tsetse ŋkwa. Ma keɗema ŋkɛ keya ne, katetsasle ŋkɛ na.»

Slene 4:19

Ma ke yɛ Piyɛre le Zhaŋe sha hɛ: «Neghate mə fete le ghəa ŋayɛ, kenza ŋkɛ tiɗiɗi ŋkɛ kwa kema ta Shala kayɛ ŋayɛ fete ghen'yɛ za ma ke gheŋkɛ.

Slene 5:29

Ma ke yɛ Piyɛre le ka ghwene ta Yɛsə Kriste zhɛnete nda ke hɛ: «Nahe ŋkɛ kehi kahawe wəndə va Shala, kenya hawe ŋkɛ wəndə ŋelɛ.

Slene 6:15

Kavereghe Ɛtiyɛne pɛtɛa mbeli nyi mbe cɛa shɛ. Pa hɛ nakɛ kema ta ŋkɛ kala ŋa nde ghwene ta Shala.