Daniyɛl 3:10 - Ghena ta Shala

¹⁰ Meghe yawe, ma pa na gezete, gha ghəa ŋa: ‹Yayata wəndə kategwəɗəŋə ba'a katehawe va pa ta wəndə nya le mze kwa tere tere kefate gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa.

Daniyɛl 3:10 Iomraidhean Croise

1 Wəshi nyi Mene Ka Meghe 15:16

Pa David gezete nda ke ka meghea ka Lɛvi kezha nteyi mbeli kwa yita ta nci kezha gha cimə hɛ katsa wəshi ketsa kala getsepele, ŋgwəleŋə le gwalɛaŋe, ba'a kancɛ zlama ta nci laka ŋgwəleŋə nya dzawe.

1 Wəshi nyi Mene Ka Meghe 15:28

Ka Israyɛl pɛtɛ ka keleghe səndəkwəa Shala kadzeme Zhɛrəzalɛm le tsa kaka, kavɛ yɛ kwelɛghə le veke ba'a kaŋwesa ciŋəci, getsepele le ŋgwəleŋə.

2 Wəshi nyi Mene Ka Meghe 29:25

Pa meghe veyi ka Lɛvi mbe ghɛa Mahwətə le wəshi ketsa ta nci: yɛ gagera, yɛ ŋgwəleŋə ba'a getsepele, kala nya ghena nya gezeke David ba'a ka mɛ ŋkwa ta meghe, yɛ Gad le Natan. Kwa nza ŋkɛ ne, va Mahwətə ghena shɛ, laka mɛa ka mɛ ŋkwa ta ŋkɛ.

Cimə 94:20

Wəsə nya kejikəte ŋayɛ ya shɛ le ka meha ghwə nyi kempə ŋkwa, nyi kesa nda yaka nyi ke mbeli laka ɓelama wəshi mahalegə na?

Shave 1:16

«Ma kenza yɛ katawe wəzege yitea mia ka Ɛbrə ne, neweve mə wəzegea shɛ megela: ma kenza ŋkɛ kawəzege teza ne, peslekɛ mə, ma kenza nde kawəzha makwa ne, sərəakɛ mə teghweme.»

Shave 1:22

Tagha gɛ, ma ke Farawon gezave nda ke mbelia ŋkɛ pɛtɛ: «Negheyi mə yayata wəzege teza nya yake ka Ɛbrə kwa hələa Nil! Deke ŋwalea kwɛ yasərə yɛ teghweme!»

Nde zlape ghena 3:16

Wa nya kwete wəsə nya neweve 'ya kwake te hɛɗi lema nya ɓiyitsa: 'yaghwa mehele nde mene geva te ŋkwa nya hi mbeli kamene va wəsə nya tiɗiɗi. Ma te ŋkwa nya meha ghwə mbeli ne, 'yaghwa mehele nde kelehwe ŋkwa.

Ɛzayi 10:1

Wa nya ndiremi te mbeli nyi kegeze ghena nyi kehitema geva, nyi kerafe hɛ kawəshi mahalegə nyi keve yaka te mbeli gɛ!

Daniyɛl 3:11

Ma keɗema wəndə kagwəɗəŋə ba'a kahawe va pa ta wəndəa shɛ ne, katenegha ŋkɛ mbeli taghanyɛ kwa ŋkwa nya tse ghwə nya wəba.›

Daniyɛl 3:15

Katezhɛne yɛ kafa gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa. Ɗeke ɗeke yɛ tsetsenya kezha gwəɗəŋə ba'a kezha hawe va pa ta wəndə nya sleteyi nya 'ya tse gɛ na? Ma kehawema yɛ ve ne, taghanyɛ tebete ŋayɛ mbeli kwa ŋkwa nya tse ghwə nya wəba. Nyama shala nya kenza kazləgwəke ŋayɛ shave mbe dzeve ta ɗa wa?»

Daniyɛl 6:12

Tagha gɛ, hwa'a ka ghema ta ŋkɛ kahe kahe, pa hɛ sləyi ŋkɛ mbe səkwə ghə ba'a mbe nehwene nda nehwene ke Shala ta ŋkɛ.

Amos 6:5

Kamte yɛ te cimə kagha yitea gagera. Kanca mɛnɛfɛa wəshi ketsa yɛ kala David.

Zhaŋe 11:57

Ma ke mbeli nyi te ghəa ka dzeghe Shala le ka Fariziyɛn: «Yayata wəndə nya kenakɛ Yɛsə ne, ncɛ yancɛ ŋkɛ yitea kese mbeli.»