Daniyɛl 2:49 - Ghena ta Shala

⁴⁹ Pa Daniyɛl 'yɛwete va meghe kezha ve nda slene nya mbe sla ta hɛɗia Babilone ŋkɛ ke Shadrak, Mɛshak ba'a Abɛd-Nɛgo. Ma Daniyɛl le ŋa ŋkɛ ne, nahe ŋkɛ kenza kande ncɛ ntsehwele kwa degha ta meghe.

Daniyɛl 2:49 Iomraidhean Croise

Ɛstɛr 2:19

Ma kwa tsene ŋwalea kwɛ mbeli kakwa bake zhigə ne, ŋkwa ya va Mardoshɛ ɓiyitsa ki ghɛa meghe kamene slene.

Ɛstɛr 2:21

Ma mbe kwete hɛ kamene slene ta ŋkɛ Mardoshɛ ki ghɛa meghe ne, pa kweci ka tsewe tsewe nyi keya ŋkwa kedzeki ghɛa meghe bake, yɛ Bigtan le Tɛrɛsh tsahwe kezha peslekɛ meghe Sɛrsɛs nya zhɛ nda wənəa nci ke hɛ ve.

Ɛstɛr 3:2

Pɛtɛa kweci ka mene slene ta meghe kagwəɗəŋə kwa kema ta Haman kahawe ve, kwa nza nde tsagha gezete meghe, deke Mardoshɛ nde ɗema kagwəɗəŋə kwa kema ta ŋkɛ kahawe ve we.

Yɛ Ghena Ŋela 28:12

Zləvə nya wəba ya shɛ kehərəte ŋkwa mbeli nyi tiɗiɗi. Ama yayata wəndə kawəfərə kehərəte ŋkwa ka 'yaghwa mehele.

Zhɛrɛmi 39:3

Tagha gɛ, shishilimə mbelia jama ta meghea ka Babilone mbe meleme kanzanji mɛa mɛ degha nya te tepe. Yɛ Nɛrgal-Sarɛsɛr, wəndə nya te ghəa ka sewajɛ, Samgar-Nebo, Sar-Sekim, wəndə nya gezleŋema ghə meghe ve, kwete Nɛrgal-Sarɛsɛr, wəndə nya te ghəa ka mene ghwɛ le kweci mbelia jama ta meghea ka Babilone ya tagha.

Daniyɛl 1:17

Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 1:7

Pa wəndə nya te ghəa ka mene slene hekate nda slə mɛnɛfɛ ke hɛ: Bɛltasar ŋa Daniyɛl, Shadrak ŋa Hananiya, Mɛshak ŋa Mishayɛl, Abɛd-Nɛgo ŋa Azariya.

Daniyɛl 2:17

Kwa sebe ta ŋkɛ, pa Daniyɛl zhɛneghe geva kajɛghɛ. Pa ŋkɛ gezete nda ghena shɛ ke Hananiya, Mishayɛl ba'a Azariya nyi kaka mcɛhɛnyɛ.

Daniyɛl 3:1

Pa meghe Nabəkodonozor vɛsəte pa ta wəndə le mze kwa tere tere: mɛtre mahekenemsə dzeme ta ŋkɛ yitea ghweme ba'a mɛtre mahekene bezlea ŋkɛ. Pa ŋkɛ sleteyi ŋkɛ te ŋwela ta Dəwra, mbe sla ta hɛɗia Babilone.

Daniyɛl 6:2

Pa Dariyəs tarete kezha nta mbelia jama gwəmsə ba'a bakemsə kezha sleke pɛtɛa hɛɗia ŋkɛ.

Amos 5:15

Sərəakɛ mə wəsə kwa ndiremi, ɗe mə wəsə ganyɛ. Zhɛneyi mə kaganda te ŋkwa kemeha ghwə, nda kwete katezhɛ heli Shala Mahwətə nde berete yitea hwelefefia Zhozɛf nyi ketene teghweme.