Daniyɛl 2:48 - Ghena ta Shala

⁴⁸ Zhɛne ne, pa meghe veyi Daniyɛl kawəndə kwele ba'a fəke nda wəshi gəmə nyi ganji ganji kwele kwele. Pa ŋkɛ veyi ŋkɛ kaŋgwamna nya mbe sla ta hɛɗia Babilone ba'a kawəndə nya te ghəa ka ntsehwele ntsehwele nyi mbe Babilone.

Daniyɛl 2:48 Iomraidhean Croise

2 Saməyɛl 19:32

Nahe Barzilay, nde Rogelim nya te hɛɗia ka Gala'ad kedzawa Zhəwrdɛŋe. Pa hɛ jivenji te hələa Zhəwrdɛŋe zlaɓe le meghe, nda teslənyɛ ŋkɛ yite mɛa hələbə.

2 Ka Meghea Kɛfi 5:1

Pa kwete meghea ka sewajɛa meghea ka Siri sləa ŋkɛ Na'aman. Kwele kwele ɗehwe wəndə kwelea ŋkɛ kamene nda ganyɛ. Kwa nza ŋkɛ laka gheŋkɛ ndeke nda hərə ŋkwa Mahwətə ke ka Siri. Ama wəndəa shɛ ne, katsala ganyɛ tsape, kande derena ŋkɛ.

Palepa ta JOB 1:3

Timɛti 7.000, zlegweməa lɛmə 3.000, sla kewəza slibə, ŋemia kwara gwəmsə mcɛfe, ka mene slene ba'a ka kwaterashi kwele kwele ka se ve. Kawəndə nya nza zləvə te se ŋkɛ hwa pɛtɛa mbeli nyi laka ŋkwa kesame ta veci.

Zhɛrɛmi 5:5

'Ya kategeze nda ghena ke mbeli nyi te ghə: kwa nza ŋkɛ nahe hɛ keɗepe wəsə nya ɗe Mahwətə, wəshi nyi 'yɛwe Shala ta nci.» Ama kanya kwetɛŋe hɛ: nahe hɛ kezhɛrenji kaka fama ghena ba'a kenehemte jikə geva ta nci le Shala.

Daniyɛl 2:6

Ama kencɛte ɗa shiwəa ɗa ba'a ghena nya mbe yɛ ne, kateve ŋayɛ wəshi gəmə kwele kwele ba'a zləvə nya wəba 'ya. Gezete ɗa mə shiwəa ɗa ba'a ghena nya mbe gɛ!»

Daniyɛl 3:1

Pa meghe Nabəkodonozor vɛsəte pa ta wəndə le mze kwa tere tere: mɛtre mahekenemsə dzeme ta ŋkɛ yitea ghweme ba'a mɛtre mahekene bezlea ŋkɛ. Pa ŋkɛ sleteyi ŋkɛ te ŋwela ta Dəwra, mbe sla ta hɛɗia Babilone.

Daniyɛl 3:12

Yawa, meghe yawe, nahe Shadrak, Mɛshak, Abɛd-Nɛgo nyi kaka Zhəwif, nyi ndeke nda slene na ke hɛ mbe sla ta hɛɗia Babilone, keɗema ɓela ghena nya gezete na. Nahe hɛ keɗema mene nda slene ke yɛ shala ta ŋa ba'a keɗema hawe va pa ta wəndə nya le mze kwa tere tere nya sleteyi na.»

Daniyɛl 3:30

Kwa sebe ta ŋkɛ ne, pa meghe ndeke nda slene ganji ke Shadrak, Mɛshak ba'a Abɛd-Nɛgo mbe sla ta hɛɗia Babilone.

Daniyɛl 4:6

Bɛltasar, wəndə nya te ghəa ka ntsehwele ntsehwele, nahe 'ya keɗepe sefəa yɛ shala ya mbe gha, wəsə nya tewəfərə shɛ kambele va gha we. Ncɛte ɗa ghena nya mbe wəsə nya nakɛ nya 'ya te shiwə gɛ!

Daniyɛl 4:9

Nahe yɛ slekea ŋkɛ kenza kendeɗe ndeɗenji ba'a nahe yɛ ya kenza kwele kwele te. Kaŋ'we wəsə kezeme pɛtɛa wəshi nyi nza mpi hwe te. Kanza wəshi keseɗa nyi hwa gamba yitea shenaŋkwe ta ŋkɛ, kapa ghɛa nci yɛ 'yɛ dzeyi te yɛ dzeve ta ŋkɛ. Nahe ŋkɛ kenza kawəsə kezeme ta yayata wəsə nya nza mpi hwe.

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 5:16

Nahe 'ya kefate wərə na kagezete ghena nya mbe wəshi nyi dzawe dzawe ba'a kaɗepete ntsehwelea ghena nyi ghyana ghyana. Ma kejaŋgate rafe nya na ba'a kegezete ɗa ghena nya mbe na ne, kateseɗe ŋa karalame 'ya, kateve ŋa livə mze kwa tere tere 'ya kwa welɛa ŋa ba'a katenza na hwa ka mene slene nyi jama jama te hɛɗia ɗa.»

Daniyɛl 5:29

Tagha gɛ, pa Baltazar gezete kezha seɗe nda karalame mbeli ke Daniyɛl ba'a kezha seɗe nda livə mze kwa tere tere mbeli kwa welɛ. Pa ŋkɛ zlapete kezha nza Daniyɛl hwa ka mene slene nyi jama jama mbe hɛɗia meghe.

Daniyɛl 5:7

Pa meghe zlapete le berete kezha fə nda ka kelɛŋə, ka mene ghwɛ ba'a ka ŋa zlera mbeli kadzeki. Laŋe meghe te ghena, ma ke sha ka ntsehwele ntsehwele nyi mbe Babilone: «Ma wəndə nya kejaŋgate rafe nya ba'a nya kegezete ɗa ghena nya mbe ne, kateseɗe nda karalame 'ya, kateve nda livə mze kwa tere tere 'ya kwa welɛ ba'a katenza ŋkɛ hwa ka mene slene nyi jama jama te hɛɗia meghe.»

Daniyɛl 8:27

Tagha gɛ, ma 'ya, 'ya Daniyɛl ne, pa geva ta ɗa tanyɛ ba'a pa zereghwe kesehwe ɗa kahɛ kwele kwele. Kwa sebe ta ŋkɛ, pa 'ya mbe ɗa, zhɛne 'ya kamene slene ta meghe. Nahe mehele ta ɗa kenza ketaze taze va wəsə nya nakɛ 'ya, tewəmbəreke nya favema ŋkɛ 'ya.

Ɓela 24:11

Ma tsetsenya gɛ ne, kwiɗi ŋa sha hɛɗia ŋa! Nahe 'ya kemeɗeyi ŋa kezha teve zləvə te gha, ama nahe Mahwətə kendaŋete ŋa te!»

1 Saməyɛl 17:25

Ma ke ka Israyɛl: «Nahe yɛ kenakɛ wəndə nya kasame na? Yitea yiɗə ka Israyɛl same ŋkɛ! Kateve nda mcɛlə meghe kwele kwele ke wəndə nya ketepesle ŋkɛ. Kateve nda wəzha ta ŋkɛ ŋkɛ ba'a katezhɛne mbeli nyi ki ghɛa yitenyɛ katsehe jaɓeregwale mbe hɛɗia ka Israyɛl we.»

1 Saməyɛl 2:8

Kakele nde dewə ŋeli nya keteɗe ŋkɛ shave hwa keləwə, kakele nde titikwə ŋkɛ shave hwa reɗa ta kəsə kezha ve nda ŋkwa kentishɛ ŋkɛ ke hɛ hwa mbelia jama. Kave nda ŋkwa kenza ŋkɛ ke hɛ kala pasla nya nza zləvə te. Kwa nza nde Mahwətə nde sleke hɛɗi lema, gheŋkɛ nde pate hɛɗi lema ba'a nde veyi seɗa ta ŋkɛ bereteke.

1 Saməyɛl 25:2

Kwete wəndə ya shɛ kese mbe Mawon, kwele kwele wəshi ve: slibə mahekene timɛti ba'a slibə kwi ve. Pelɛ Karmɛl ŋkɛ mbe vəa shɛ kezha tsehe shinti te wəshi keseɗa ta ŋkɛ.