Daniyɛl 2:47 - Ghena ta Shala

⁴⁷ Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 2:47 Iomraidhean Croise

Gha ta Wəshi 41:39

Kwa sebe ta ŋkɛ, ma ke Farawon sha Zhozɛf: «Kwa nza ŋkɛ nahe Shala kencɛte ŋa pɛtɛa wəshia shɛhɛ, wəndə nya ɗepe ma wəsə ba'a nya ntsehwele ma shɛ ke gha we.

2 Ka Meghea Kɛfi 5:15

Pa ŋkɛ zhɛneghe geva kalə laka nde mɛ ŋkwa ta Shala, gheŋkɛ ba'a pɛtɛa mbelia ŋkɛ nyi kebeghe ŋkɛ: «Tsetsenya nahe 'ya keɗepe, kwete Shala shɛ teke te hɛɗi pɛtɛ, keɗema Shala ta ka Israyɛl we. Kampi ŋa dzeve 'ya, yɛhwe wəsə gəmə nya keleke ŋa mava ta ŋa.»

Palepa ta JOB 12:19

Kave nda dzeghwa le seɗa ŋkɛ ke ka dzeghe Shala ba'a kashifə mbeli nyi kesleke ŋkwa ŋkɛ.

Cimə 136:2

Tsa nda mə hana ke Shala nya te ghəa yɛ shala, kakiɗi ɗe ta ŋkɛ we.

Cimə 136:3

Tsa nda mə hana ke Nde sleke ka sleke ŋkwa, kakiɗi ɗe ta ŋkɛ we.

Cimə 72:11

Pɛtɛa ka meghea kɛfi kategwəɗəŋə mbe kema ta ŋkɛ, pɛtɛa hwelefefi katemene nda slene.

Cimə 82:1

Ciməa Asaf. Nahe Shala keslete te tepe ta mbelia ŋkɛ, Ma ke sha meha ghwə te tepe ta kweci shala:

Cimə 96:4

Kwa nza ŋkɛ ne, Mahwətə ya wəba, gheŋkɛ yahi mbeli katsahe, ghazlənə ma mbeli ve ke pɛtɛa kweci shala.

Ɛzɛkiyɛl 26:7

Wa nya ghena nya geze Shala Mahwətə nya Zhɛkwa: Katekele Nabəkodonozor, meghea ka Babilone nya kwele ma ke ka meghea kɛfi 'ya sawa laka bela kwa gwela kaɗa ŋa Tir. Katesawa ŋkɛ le gədəwəa lɛmə, yɛ wəmata gədəwə, ka zleɗe gədəwəa lɛmə ba'a ka sewajɛ kwele kwele.

Daniyɛl 11:36

Wəsə nya zeɗehwe nda yamene meghea shɛ. Katekele ghəa ŋkɛ ŋkɛ ba'a kateve ghəa ŋkɛ te ghəa pɛtɛa yɛ shala. Kategeze ghena nyi ndiremi ndiremi te Shala ta yɛ shala. Katejive ŋkɛ mbe kema hwa'a te və nya tenca hwepe wənə ta Shala, kwa nza ŋkɛ katemene geva wəsə nya tarete Shala.

Daniyɛl 2:19

Tagha gɛ, pa shiwə nya tewəfərəa shɛ ncɛte nda geva ke Daniyɛl heviɗi. Kwa sebe ta ŋkɛ, pa Daniyɛl tsahekɛ Shala nya pelɛ ghweme.

Daniyɛl 2:22

Gheŋkɛ nde ncɛ wəshi nyi dzawe dzawe nyi tewəfərə. Nahe ŋkɛ keɗepe wəsə nya tewəfərə mbe ŋkwesle, kwa nza ŋkɛ kaɓele waŋe dzeyi yite.

Daniyɛl 2:28

Ama Shala nya kencɛ wəshi nyi tewəfərə ya pelɛ ghweme. Gheŋkɛ nde ncɛ nda wəsə nya ketemene geva te kwete hɛ ke meghe Nabəkodonozor. Wa nya wəsə nya nakɛ na te shiwə vəa ŋkwa nya nza na yitea hɛ nya:

Daniyɛl 2:29

Meghe yawe, ma kwa nza na meɓelahe ne, nahe na kese kazəzə wəsə nya ketemene geva te kwete hɛ. Tagha gɛ, pa nde ncɛ wəshi nyi tewəfərə ncɛte ŋa wəsə nya ketemene geva.

Daniyɛl 2:30

Ma 'ya le ŋa ɗa ne, nahe ghena nya mbe shiwə nya tewəfərə ta ŋa kencɛte ɗa geva. Ndagwara kenza 'ya ntsehwele ma ke kwete wəndə we, ama kezha ncɛte ghena nya mbe shiwəa ŋa mbeli ba'a kezha ɗepete wəsə nya keyirə ŋa na.

Daniyɛl 2:37

Meghe yawe, gha ya kameghea ka meghea kɛfi. Nahe Shala nya pelɛ ghweme kendeke ŋa meghe, kwele, berete ba'a zləvə.

Daniyɛl 3:15

Katezhɛne yɛ kafa gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa. Ɗeke ɗeke yɛ tsetsenya kezha gwəɗəŋə ba'a kezha hawe va pa ta wəndə nya sleteyi nya 'ya tse gɛ na? Ma kehawema yɛ ve ne, taghanyɛ tebete ŋayɛ mbeli kwa ŋkwa nya tse ghwə nya wəba. Nyama shala nya kenza kazləgwəke ŋayɛ shave mbe dzeve ta ɗa wa?»

Daniyɛl 3:28

Ma ke Nabəkodonozor gezete: «Tsa nda ɓəmə hana ke Shala ta Shadrak, Mɛshak ba'a Abɛd-Nɛgo, gheŋkɛ nya keghweneke nde ghwene ta ŋkɛ ba'a nya kembelete ka mene slene ta ŋkɛ, kwa nza ŋkɛ nahe hɛ kendeke nda ghəa nci. Nahe hɛ kedzawanji wəmbəa ghena nya gezete meghe, kesahwe nda yaka ke ghəa nci kenya mene nda slene hɛ keɗema nya hawe hɛ va shala nya keɗema kaShala ta nci.

Daniyɛl 3:29

Tsetsenya ne, wa nya ghena nya geze 'ya nya: Ma yayata wəndə nya mbe yayata hwelefe, yayata hɛɗi ba'a nya kegeze yayata ghena, nya ketegeze ghena ŋkele ntsə te Shala ta Shadrak, Mɛshak ba'a Abɛd-Nɛgo ne, katencɛhwe ŋkɛ mbeli ba'a katezhɛre ghɛa ŋkɛ kakəsə. Kwa nza ŋkɛ ne, kwete Shala shɛ kambelete ŋkwa kala nya we.»

Daniyɛl 4:17

Nahe na kenakɛ wəfe nya kezhɛrenyɛ wəbake ba'a bereteke, nya biya ta ŋkɛ hwa'a pelɛ ghweme ba'a nya newe mbeli hwa'a te mendɛkwe ta hɛɗi.

Daniyɛl 4:25

Pa pɛtɛa wəshia shɛhɛ menete nda geva ke meghe Nabəkodonozor.

Daniyɛl 4:32

Nahe pɛtɛa mbeli nyi te hɛɗi kenza gəmə kwa ntsə ta ŋkɛ. Kala nya ɗe ŋkɛ mene ŋkɛ le ka sewajɛ nyi pelɛ ghweme ba'a mbeli nyi te hɛɗi. Wəndə shɛ kaghəpə le keɗema kaŋele ŋkɛ yitea wəsə nya mene ŋkɛ we.

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Amos 3:7

Tsagha shɛ ne, kamene wəsə Shala Mahwətə kaɗema ŋkɛ kencɛte nda zəzə ta ŋkɛ ke ka mene slene ta ŋkɛ nyi kaka mɛ ŋkwa we.

1 Ka Korɛnte 14:25

Ma zəzə ta ŋkɛ nyi tentikə ghalanza ne, pɛtɛ tencɛ geva hɛ. Te ŋkwa shɛnyɛ gwəɗəŋə ŋkɛ ntiŋə ghə mbe hɛɗi kahawe va Shala, ma ke: «Kaganda nza Shala hwa gheyɛ.»

Zhɛne Ghwelə yitea Wəshi Mahalegə 10:17

Va nya nza ŋkɛ ne, Shala Mahwətə ta ŋayɛ ya kaShala ta yɛ shala ba'a kaNde sleke ka sleke ŋkwa, kaShala nya wəba, nya berete ba'a nya ghazlənə mbeli ve, nya keɗema kanta ghala ba'a nya keɗema mbəɗəkwə.

1 Timotɛ 6:15

Katenca geva wəsəa shɛ te və nya dzeghete Shala, gheŋkɛ ya kameghe nya kwele kwetɛŋenyɛ, nya kewəpi wəpi, meghea ka meghea kɛfi, Nde sleke ŋkwa ta ka sleke ŋkwa.

Zhozəwɛ 22:22

«Mahwətə ya kaShala nya wəba, kaganda ne, Shala nya kwele ŋkɛ, nahe ŋkɛ keɗepe tewəmbəreke wa menete ghen'yɛ tsetse. Kateɗepe pɛtɛa ka Israyɛl perə! Ma kenza nde le fama ghena menete ghen'yɛ kala nya kwa kema ta Mahwətə ne, mba ŋkɛ kesərə n'yɛ teghweme kavə kwele kwele!

Ghena Kelɛŋə 1:5

ba'a ne, laka Yɛsə Kriste, nde negha fete nya dɛŋe dɛŋe, nya kaTezhɛa wəzege, nde ghate ta wəndə kasame kwa kwele le mpi hwa mbeli nyi kempə mpə, wəndə nya te ghəa ka meghea kɛfi nyi te hɛɗi lema. Kaɗe ɓəmə Kriste, nahe ŋkɛ kembeɗeke ɓəmə shave mbe jaɗafa ta ɓəmə laka mimia ŋkɛ.

Ghena Kelɛŋə 17:14

Katempa hɛ le zhɛgwəa təmə, ama katehərə hɛ zhɛgwəa shɛ, kwa nza ŋkɛ nahe ŋkɛ kenza kaNde sleke ka sleke ŋkwa ba'a kameghea ka meghea kɛfi. Katehərə hɛ ŋkɛ le mbeli nyi hekakɛ ba'a nyi tsehave ŋkɛ, mbeli nyi dɛŋe dɛŋe te.»

Ghena Kelɛŋə 19:16

Ma te karalamea ŋkɛ ba'a te basa ta ŋkɛ ne, ma ke slə rafete geva: «Meghea ka meghea kɛfi ba'a Nde sleke ka sleke ŋkwa.»