Daniyɛl 2:45 - Ghena ta Shala

⁴⁵ Nahe na kenakɛ pelɛ nya kefelaŋenyɛ kaɗema wəndə kekwaɗakɛ sawa pelɛ ghweme. Nahe nde kempəmte lɛ, mze kwa ghwə ghwə, rekɛ, mze kwa tɛawetɛa ba'a mze kwa tere tere ta pa ta wəndəa shɛ. Shala nya wəba nde ncɛte nda wəsə nya ketemene geva ke meghe. Nahe shiwəa shɛ kenza kakaganda, nahe ŋkɛ kehi kave nda ghə mbeli ke ghena nya mbe.»

Daniyɛl 2:45 Iomraidhean Croise

Gha ta Wəshi 41:26

Ma mbəkwəa lɛməa sla nyi dɛɓedɛa dɛɓedɛa nyi mberefaŋe ne, va mberefaŋe hɛ, ghəa ha nyi jama jama nyi mberefaŋe ne, va mberefaŋe hɛ perə: shiwə nya kwetɛŋe hɛ.

Gha ta Wəshi 41:28

Wa nya ghena nya va 'ya nya kageze nda ke Farawon, Shala nde ncɛte ŋa wəshi nyi temene ŋkɛ.

Gha ta Wəshi 41:32

Ma nda shiwəte shiwəa shɛ Farawon bake zhigə ne, va nya tarete Shala ba'a va nya ɗe ŋkɛ katemene kahe kahe.

2 Saməyɛl 7:22

Shala Mahwətə ta ɗa, wəbake na kaganda! Wəndə shɛ nya keyipə le gha we. Kwete Shala shɛ keɗema gha kala nya fate ghen'yɛ ghalanza kageze mbeli we.

1 Wəshi nyi Mene Ka Meghe 16:25

Va nya nza ŋkɛ wəbake Mahwətə ba'a dayɛ mbeli katsahe. Ghazlənə ma mbeli ve ke kweci shala pɛtɛ.

Nɛhɛmi 4:14

Ya tema tema ŋkwa nya nza yɛ te nda fate vɛ ta tereme yɛ ne, tsene mə geva kase yitea 'ya. Katempa Shala ta ɓəmə yitea gheɓəmə!»

Nɛhɛmi 9:32

Tsetsenya gɛ Shala ta n'yɛ, Shala nya wəba, nya berete ba'a nya ghazlənə mbeli ve, nya kekeseyi ghena ta jikə geva nya menete na le ghen'yɛ tsape tsape. Newevema ndiremi nya te ghen'yɛ, te ka meghea n'yɛ ba'a mbeli nyi te ghəa n'yɛ, te ka dzeghe Shala ta n'yɛ ba'a ka mɛ ŋkwa ta n'yɛ, te ka shihɛ n'yɛ ba'a te ghen'yɛ se mbe vəa ka meghea ka Asiri pa ɓeshi.

Palepa ta JOB 36:26

Kaganda ne, wəbake Shala, ama kafave ŋkɛ gheɓəmə we. Kaɓelate kwele kwelea va ta ŋkɛ gheɓəmə we.

Cimə 135:5

Kaganda ne, nahe 'ya keɗepe Mahwətə ya wəba. Nde sleke ɓəmə ya te ghəa pɛtɛa yɛ shala.

Cimə 145:3

Nahe Mahwətə kenza wəbake, nahe ŋkɛ kehi kezha tsahe ŋkɛ mbeli. Wəndə shɛ kafave kwele ŋkɛ we.

Cimə 2:9

Kate'yɛ hɛ na le geta lɛ, katempə hɛ na kala ghene.»

Cimə 48:1

Cimə. Ciməa ŋwalea Korɛ.

Cimə 96:4

Kwa nza ŋkɛ ne, Mahwətə ya wəba, gheŋkɛ yahi mbeli katsahe, ghazlənə ma mbeli ve ke pɛtɛa kweci shala.

Ɛzayi 28:16

Vatse gɛ, wa nya ghena nya geze Shala Mahwətə nya: «'Ya kave pelɛa shihə nya ntɛaŋentɛa mbe Siyon, pelɛa megwekwe nya nza zləvə te, pelɛ nya kemɓeyi geva megela. Kateteɗe wəndə nya kedɛŋe geva te we.

Daniyɛl 2:24

Kwa sebe ta ŋkɛ, cape Daniyɛl kalə sha Ariyok nya ndeke nda hweŋkwa meghe kezha mpə ka ntsehwele ntsehwele nyi mbe Babilone. Sema ta ŋkɛ ne, ma ke shɛ: «Mpəma ka ntsehwele ntsehwele nyi mbe Babilone na gɛ ma! Keleghe ɗa kadzeki sha meghe, katencɛ nda ghena nya mbe shiwəa ŋkɛ 'ya.»

Daniyɛl 2:28

Ama Shala nya kencɛ wəshi nyi tewəfərə ya pelɛ ghweme. Gheŋkɛ nde ncɛ nda wəsə nya ketemene geva te kwete hɛ ke meghe Nabəkodonozor. Wa nya wəsə nya nakɛ na te shiwə vəa ŋkwa nya nza na yitea hɛ nya:

Daniyɛl 2:29

Meghe yawe, ma kwa nza na meɓelahe ne, nahe na kese kazəzə wəsə nya ketemene geva te kwete hɛ. Tagha gɛ, pa nde ncɛ wəshi nyi tewəfərə ncɛte ŋa wəsə nya ketemene geva.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 8:25

Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

Azhɛ 2:22

'Ya katefə ka meghea kɛfi 'ya sawa pelɛ pasla ta nci ba'a 'ya katekiɗi berete ta hɛɗi meghe nyi te hɛɗi lema. 'Ya katedzəɓə wəmata gədəwə le mbeli nyi kezleɗe hɛ, katempə gədəwəa lɛmə, kateghazle ghəa nci ka zleɗe gədəwəa lɛmə.

Zakari 12:3

Ma vəa ŋkwa shɛ ne, kateve Zhɛrəzalɛm 'ya kapelɛ menterese nya shɛma mbeli kapəkə. Pɛtɛ teɗa mbeli nyi kedzare kapəkə ŋkɛ zhi. Vatse tetsene geva hwelefe nyi te hɛɗi pɛtɛ yitea melemea shɛ.

Malashi 1:11

Se te kwete mendɛkwe ta hɛɗi hwa'a te kwete ne, nahe pɛtɛa hwelefefi keɗepe kwelea ɗa. Ma te yayata ŋkwa ne, katere ɗa 'wərdə mbeli ba'a kafə ɗa wəshi ganji mbeli kase. Kaganda ne, nahe pɛtɛa hwelefefi keɗepe kwelea ɗa, 'ya Mahwətə nde berete nde gezete.

Matiye 21:24

Ma ke Yɛsə zhɛnete nda ke hɛ: «'Ya kate'yɛwe ghena kwetɛŋe va gheyɛ perə, ma kezhɛnete ɗa ŋkɛ yɛ ne, kategeze ŋayɛ 'ya le nyama nyama berete mene wəshia shɛhɛ 'ya.

Matiye 24:35

Kateza yɛ ghweme le hɛɗi, ama kateza ghena ta ɗa tɛape we.

Ləwke 17:20

Ma ke ka Fariziyɛn 'yɛwakɛ va Yɛsə: «Hweŋkwa tese Meghea Shala wa?» Ma ke sha hɛ: «Kase Meghea Shala kala wəsə nya newe mbeli le ntsə we.

Zhɛne Ghwelə yitea Wəshi Mahalegə 10:17

Va nya nza ŋkɛ ne, Shala Mahwətə ta ŋayɛ ya kaShala ta yɛ shala ba'a kaNde sleke ka sleke ŋkwa, kaShala nya wəba, nya berete ba'a nya ghazlənə mbeli ve, nya keɗema kanta ghala ba'a nya keɗema mbəɗəkwə.

Ghena Kelɛŋə 1:19

Rafe wəsə nya newe nya na, wəsə nya kemene geva nya tsetsenya ba'a nya ketese kwa sebe.

Ghena Kelɛŋə 19:17

Kwa sebe ta ŋkɛ, pa 'ya nakɛ nde ghwene ta Shala meghereŋe te veci. Ma ke zlapete ghena le berete ke pɛtɛa wəshi nyi kezlə yitea ghweme: «Nde mə, tsene geva kezha veghe nya wəba ta Shala!»

Ghena Kelɛŋə 4:1

Ma kwa sebe ta ŋkɛ ne, pa 'ya nakɛ kwete wəsə zhɛkwa: nahe mɛ degha keghwenemte geva pelɛ ghweme. Ma ke ŋwələ nya fate nya 'ya kagaka le berete kala vɛ ta veke vəashi sha 'ya: «Same ŋa teke, 'ya ketencɛ ŋa wəsə nya ketemene geva te kwete hɛ.»