Daniyɛl 2:44 - Ghena ta Shala

⁴⁴ Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 2:44 Iomraidhean Croise

Gha ta Wəshi 49:10

Va sebe ta Zhəwda tenza geta ta meghe. Mbe dzeve ta hwelefe ta ŋkɛ tenza geta meghe pa te və nya tese wəndə nya nza ŋkɛ kaŋa ŋkɛ fate fate, wəndə nya tenza mbeli mbe dzeve ta ŋkɛ.

2 Saməyɛl 7:13

Gheŋkɛ nde teŋa ɗa ghɛ kaŋa sləa ɗa, te zlaɓa ta ɗa nda tenza meghea ŋkɛ kaghala ghala.

2 Saməyɛl 7:16

Kwete mbe hwelefe ta ŋa ne, kameghe tenza ŋkɛ kaghala ghala kwa sebe ta ŋa. Berete ta meghea hwelefe ta ŋa ne, kaghala ghalanza ŋkɛ.›»

Cimə 145:13

Nahe meghea ŋa kenza kameghe nya kaghala ghala, katetemə meghea ŋa keshi keshi. Nahe Shala kenza dɛŋe dɛŋe te meɗe mɛa ŋkɛ, kancɛ ɗe ta ŋkɛ ŋkɛ mbe yayata wəsə nya mene ŋkɛ.

Ɛzayi 60:12

Kateza sebe te hwelefe keɗema hɛɗia meghe nya keɗema mene ŋa slene. Rayɛ teza sebe te hwelefefia shɛhɛ.

Ɛzɛkiyɛl 37:25

Mbe hɛɗi nya ndeke nda 'ya ke nde mene slene ta ɗa Zhakob tenza hɛ, hɛɗi nya nzahwe nza ka shihɛ ŋayɛ mbe. Kaghala ghala tenza hɛ le ghəa nci, ŋwalea nci ba'a hwelefefia nci te hɛɗia shɛ. Nde mene slene ta ɗa David nde tenza kameghea nci kaghala ghala.

Daniyɛl 2:28

Ama Shala nya kencɛ wəshi nyi tewəfərə ya pelɛ ghweme. Gheŋkɛ nde ncɛ nda wəsə nya ketemene geva te kwete hɛ ke meghe Nabəkodonozor. Wa nya wəsə nya nakɛ na te shiwə vəa ŋkwa nya nza na yitea hɛ nya:

Daniyɛl 2:34

Ma mba na kanewe pa ta wəndəa shɛ ne, pa kwete pelɛ felaŋenyɛ kaɗema wəndə kekwaɗakɛ sawa pelɛ ghweme. Pa nde menyɛ te yɛ seɗa ta ŋkɛ nyi kalɛ ba'a karekɛ. Tagha gɛ, kwerɗike nde həmte hɛ.

Daniyɛl 2:35

Kwetɛŋe seɗa ne, pa nde həmte lɛ, rekɛ, mze kwa ghwə ghwə, mze kwa tɛawetɛa ba'a mze kwa tere tere kakeləwə. Pa hɛ zhɛrenji kala slɛsli nya dzeyi yitea lane heghele. Pa sefə fəhwe hɛ, kaɗema mbeli kazhɛne kanakɛ hɛ. Ama pa pelɛ nya kehəmte pa ta wəndəa shɛ zhɛrenyɛ kaghweme nya wəba ba'a hərəkəhwe hɛɗi lema.

Daniyɛl 2:37

Meghe yawe, gha ya kameghea ka meghea kɛfi. Nahe Shala nya pelɛ ghweme kendeke ŋa meghe, kwele, berete ba'a zləvə.

Daniyɛl 2:43

Nahe na kenakɛ lɛ megweɗə le rekɛ, va nya nza hɛ katejikə geva. Ama katenza kwete wəndəa ŋkɛ jikə vare kwete we, tsagha ɗema lɛ kajikə geva le rekɛ.

Daniyɛl 4:3

Pa 'ya gezete kezha tsene pɛtɛa ka ntsehwele ntsehwele nyi mbe Babilone mbeli kase sha 'ya, yitea ncɛ ɗa ghena nya mbe shiwəa shɛ hɛ.

Daniyɛl 4:34

Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 6:26

Ma kwa sebe ta ŋkɛ ne, ma ke meghe Dariyəs rafete nda ghena ke pɛtɛa hwelefefi, pɛtɛa hɛɗi ba'a pɛtɛa ghena nyi te hɛɗi lema: «Kanjiŋwe ŋayɛ 'ya!

Daniyɛl 6:27

Wa nya ghena nya geze 'ya nya: Ma te pɛtɛa hɛɗi nya mbe dzeve ta ɗa ne, yayata wəndə katehawe tsape tsape va Shala ta Daniyɛl. Gheŋkɛ ya kaShala teghweme, gheŋkɛ nde tenza kaghala ghala. Nahe ŋkɛ kenza kameghe nya kaghala ghala, katekiɗi berete ta ŋkɛ we.

Daniyɛl 7:27

Kateve geva nda meghe, berete ba'a kwelea pɛtɛa hɛɗi ka meghe nyi te hɛɗi ke mbelia Shala tehwə ghweme. Katenza meghea nci kameghe nya kaghala ghala, katehawe pɛtɛa hɛɗia ka meghe va hɛ ba'a katemene nda slene hɛ ke hɛ.

Daniyɛl 8:25

Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

Mishɛ 4:7

Ma nyi ketseheɗe ne, katezhɛre hɛ 'ya kanyi ketetene teghweme. Ma nyi kefəhwe geva ne, katezhɛre hɛ 'ya kahwelefe nya berete. Ma pelɛ ghweme ta Siyon ne, 'ya Mahwətə nde tenza kameghea nci, se tsetsenya pa kaghala ghala.

Azhɛ 2:22

'Ya katefə ka meghea kɛfi 'ya sawa pelɛ pasla ta nci ba'a 'ya katekiɗi berete ta hɛɗi meghe nyi te hɛɗi lema. 'Ya katedzəɓə wəmata gədəwə le mbeli nyi kezleɗe hɛ, katempə gədəwəa lɛmə, kateghazle ghəa nci ka zleɗe gədəwəa lɛmə.

Azhɛ 2:7

'Ya katetaze nda mehele ke kweci hwelefefi. Katefə geva mcɛləa pɛtɛa hwelefefi kase teke ba'a katezhɛne 'ya kave zləvə te ghɛ nya, 'ya Mahwətə nde berete nde gezete.

Matiye 28:18

Pa Yɛsə hendave nda geva ke hɛ. Ma ke: «Nahe pɛtɛa berete nya pelɛ ghweme ba'a nya kwake te hɛɗi kendeke ɗa geva.

Zhaŋe 12:34

Ma ke mbeli nyi ketsenete geva tagha: «Nahe n'yɛ kejaŋgate mbe palepa ta wəsə mahalegə, ma Mɛsi, wəndə nya ghweneke Shala ne, kaghala ghala tenza ŋkɛ, tsema geze na kateslete Wəzege ta za mbeli dzeme yitea ghweme pa wa? Wa Wəzege ta za shɛ wa?»

Ka Ɛbrə 12:28

Ma kwa nza ŋkɛ hɛɗi meghe nya keɗema kagaŋkəɗə geva yaŋ'we gheɓəmə ne, keseve ɓəmə zlaɓa shɛ megela laka mene nda slene ke Shala kala nya kenza zeɗehwe nda laka hawe ba'a ve nda ghə.

Ghena Kelɛŋə 11:15

Pa nde mberefaŋe ta nde ghwene ta Shala vɛte veke. Fa mbeli ne, kazlape geva ghena le berete pelɛ ghweme, ma ke ghena shɛ: «Nahe meghe nya te hɛɗi lema kenza kaŋa Nde sleke ɓəmə ba'a kaŋa wəndə nya ntave ŋkɛ, kameghe kaghala ghala tenza ŋkɛ.»

Ghena Kelɛŋə 2:27

Kateya hɛ ŋkɛ le geta lɛ ba'a katempə hɛ ŋkɛ kala yɛ ghwelepe rekɛ,