Daniyɛl 2:41 - Ghena ta Shala

⁴¹ Nahe na kenakɛ yɛ seɗa ba'a ŋwalea seɗa kalɛ kwete bela ba'a karekɛ kwete. Ma ɗe ŋkɛ kageze ne, katenza ŋkɛ kahɛɗia meghe nya kenehe nehe mbe. Katenza berete ta lɛ mbe kwete bela ta ŋkɛ, va nya nakɛ na lɛ megweɗə mbe rekɛ.

Daniyɛl 2:41 Iomraidhean Croise

Daniyɛl 2:40

Kwa sebe ta ŋkɛ ne, katese kwa wəfaɗe ta meghe nya ntɛaŋentɛa kala lɛ. Kala nya mpə wəshi pɛtɛ, nya ghazle pɛtɛa wəshi ba'a nya hə pɛtɛa wəshi lɛ ne, katempə ba'a katehə pɛtɛa kweci ka meghea kɛfi ŋkɛ.

Daniyɛl 2:42

Ama ŋwalea seɗa nyi nza kwete bela ta nci kalɛ ba'a karekɛ kwete ne, ncɛ yancɛ hɛ tsema tsema tenza kwete bela ta hɛɗia meghe bereteke ba'a tenza kwete kadewə berete.

Daniyɛl 7:24

Ma ghena nya mbe tereme nyi meŋe ne, ka meghea kɛfi meŋe nyi ketedzedzete meghe. Ma nde meŋe kwetɛŋeghəmbe ta meghe nya tekeleke le kweci nyi keghate ne, kateŋka ka meghea kɛfi mahekene ŋkɛ.

Daniyɛl 7:7

Ma newe 'ya heviɗi zhɛne ne, pa 'ya nakɛ kwa wəfaɗe ta wəsə keseɗa nya ghazlənə mbeli ve, nya kedake ŋkwa ba'a nya bereteke. Nahe slene nyi kwa mɛa ŋkɛ kenza kalɛ, kazeme ba'a kaslekwe yayata wəsə nya sləyi ŋkɛ, kaŋkeɗe nya ketene ŋkɛ le seɗa. Nahe ŋkɛ kenza tekeleke le kweci wəshi keseɗa nyi mahekene, tereme meŋe ya kwa.

Ghena Kelɛŋə 12:3

Kwa sebe ta ŋkɛ, pa kwete wəsə ncake geva pelɛ ghweme: shishi meŋele nya wəba. Nahe ŋkɛ kenza gheme kala ghwə, ghə mberefaŋe ba'a tereme meŋe ya te, derə meghe ya mbe yayata ghə.

Ghena Kelɛŋə 13:1

Kwa sebe ta ŋkɛ, pa 'ya nakɛ wəsə keseɗa kasame kwa ndərə. Meŋe tereme ba'a mberefaŋe ghə te. Derə meghe ya te yayata tereme, slə nya keŋele Shala ya te yayata ghə.

Ghena Kelɛŋə 17:12

Ma tereme nyi nakɛ nyi na meŋe ne, ka meghea kɛfi nyi kenakama kadzembe meghe. Ama katekemave berete kemene meghe hɛ le wəsə keseɗa kalerə kwetɛŋe.