Daniyɛl 2:40 - Ghena ta Shala

⁴⁰ Kwa sebe ta ŋkɛ ne, katese kwa wəfaɗe ta meghe nya ntɛaŋentɛa kala lɛ. Kala nya mpə wəshi pɛtɛ, nya ghazle pɛtɛa wəshi ba'a nya hə pɛtɛa wəshi lɛ ne, katempə ba'a katehə pɛtɛa kweci ka meghea kɛfi ŋkɛ.

Daniyɛl 2:40 Iomraidhean Croise

Palepa ta JOB 9:17

Gəmə sa ɗa gəli ŋkɛ, kafɛa ŋkɛ yitea ɗa ɗa le zhi gəmə we.

Zhɛrɛmi 15:12

Wəndə shɛ kaɓelemte lɛ we, halama lɛ shifri keɗema mze kwa ghwə ghwə na?»

Daniyɛl 2:33

yɛ jajɛghwa ta ŋkɛ kalɛ. Ma yɛ seɗa ta ŋkɛ ne, kalɛ kwete bela ta nci, karekɛ kwete.

Daniyɛl 2:39

Ma kwa sebe ta ŋa ne, katese kwete meghe nya dewə berete ma ke ŋa ŋa. Zhɛne ne, kwa mahekene ta meghe nya ncɛ mze kwa ghwə ghwə nde tehərə ŋkwa nya te hɛɗi lema.

Daniyɛl 2:41

Nahe na kenakɛ yɛ seɗa ba'a ŋwalea seɗa kalɛ kwete bela ba'a karekɛ kwete. Ma ɗe ŋkɛ kageze ne, katenza ŋkɛ kahɛɗia meghe nya kenehe nehe mbe. Katenza berete ta lɛ mbe kwete bela ta ŋkɛ, va nya nakɛ na lɛ megweɗə mbe rekɛ.

Daniyɛl 7:7

Ma newe 'ya heviɗi zhɛne ne, pa 'ya nakɛ kwa wəfaɗe ta wəsə keseɗa nya ghazlənə mbeli ve, nya kedake ŋkwa ba'a nya bereteke. Nahe slene nyi kwa mɛa ŋkɛ kenza kalɛ, kazeme ba'a kaslekwe yayata wəsə nya sləyi ŋkɛ, kaŋkeɗe nya ketene ŋkɛ le seɗa. Nahe ŋkɛ kenza tekeleke le kweci wəshi keseɗa nyi mahekene, tereme meŋe ya kwa.

Daniyɛl 8:24

Katemtsehe berete ta ŋkɛ, ama ve se ŋkɛ we. Katebeze wəshi ŋkɛ ndiremike mike ba'a katejive ŋkɛ mbe kema mbe yayata wəsə nya temene ŋkɛ. Kateza sebe ŋkɛ te mbeli nyi berete berete, geze ta ŋkɛ mbeli nyi kaŋa Shala.

Daniyɛl 9:26

Ma kwa sebe ta va nyi ŋkwaŋemsə bakeghəmbe shɛhɛ ne, katepesle wəndə nya ntave Shala mbeli kaɗema wəndə keya ŋkɛ shɛ. Zhɛne ne, katese kwete wəndə nya te ghə le ka sewajɛa ŋkɛ kezha beze meleme ba'a ghɛa Shala. Ama katemte ŋkɛ mbe wəba ta hwepe wənəa Shala. Hwa'a te mte ta ŋkɛ ne, katempa ŋkɛ ba'a katebeze wəshi ŋkɛ kala nya ketarete geva.

Amos 1:3

Wa nya ghena nya geze Mahwətə nya: «Kwele kwele fete nyi ŋele ka Siri nyi mbe Damas 'ya yite. Wa nya fete nya ndiremi ma nya: nahe hɛ kerahakawa Gala'ad le lɛ nya njaŋa ŋa. Vatse ɗema 'ya katezhɛre zəzə ta ɗa:

Zhaŋe 11:48

Ma kesərəakɛ gheɓəmə kamene kala nya ne, kateyɛ ŋkɛ mbeli pɛtɛ, kwetere wəmbəa ŋkɛ, katese ka Rome kabeze ghɛa Shala ta ɓəmə ba'a hɛɗia ɓəmə.»