Daniyɛl 2:39 - Ghena ta Shala

³⁹ Ma kwa sebe ta ŋa ne, katese kwete meghe nya dewə berete ma ke ŋa ŋa. Zhɛne ne, kwa mahekene ta meghe nya ncɛ mze kwa ghwə ghwə nde tehərə ŋkwa nya te hɛɗi lema.

Daniyɛl 2:39 Iomraidhean Croise

Ɛzayi 44:28

Ma 'ya sha Sirəs: ‹Nde ya wəshia ɗa na.› Katemene yayata wəsə nya ɗe 'ya ŋkɛ. Ma ke sha tegeze nda ke Zhɛrəzalɛm: ‹Katezhɛne mbeli kaŋa ŋa› ba'a ke ghɛa Shala: ‹Katezhɛne na kaŋa geva.›»

Daniyɛl 10:20

Ma ke gezete ɗa: Nahe na keɗepe tewəmbəreke wa se 'ya sha gha na? 'Ya kampa tsetsenya le nde ya Pɛrse. Ma vəa ŋkwa nya teslə 'ya ne, nde ya Grɛse nde tese.

Daniyɛl 2:32

Nahe ghəa pa ta wəndəa shɛ kenza kamze kwa tere tere ganyɛ, hate ta ŋkɛ ba'a yɛ dzeve ta ŋkɛ kamze kwa tɛawetɛa, hwəa ŋkɛ ba'a yɛ basa ta ŋkɛ kamze kwa ghwə ghwə,

Daniyɛl 2:38

Nahe ŋkɛ keveyi mbeli, wəshi keseɗa ba'a yɛ 'yɛ, te yayata ŋkwa nya nza hɛ mbe dzeve ta ŋa. Nahe ŋkɛ keveyi ŋa kande sleke hɛ. Gha ya kaghə mze kwa tere tere nya gɛ!

Daniyɛl 2:40

Kwa sebe ta ŋkɛ ne, katese kwa wəfaɗe ta meghe nya ntɛaŋentɛa kala lɛ. Kala nya mpə wəshi pɛtɛ, nya ghazle pɛtɛa wəshi ba'a nya hə pɛtɛa wəshi lɛ ne, katempə ba'a katehə pɛtɛa kweci ka meghea kɛfi ŋkɛ.

Daniyɛl 7:23

Wa nya ghena nya gezete ɗa ŋkɛ nya: Ma kwa wəfaɗe ta wəsə keseɗa ne, nde wəfaɗe ta meghe nya kwake te hɛɗi, nya tekeleke le pɛtɛa kweci nde. Katezeme pɛtɛa hɛɗi ŋkɛ, kateŋkeɗe ŋkɛ ba'a katencɛhwe ŋkɛ.

Daniyɛl 8:20

Ma game nya nakɛ nya na le tereme bake kwa ne, yɛ meghea ka Mɛde ba'a ka Pɛrse yancɛ ŋkɛ.

Daniyɛl 8:21

Ma zhɛfa ne, meghea ka Grɛk ŋkɛ. Ma tereme nya wəba nya kwelɛ ntsə ta ŋkɛ nya ne, nde ghate ta meghe yancɛ ŋkɛ.

Zakari 6:3

gədəwə nyi ghwaba ghwaba ka ntsehe kwa mahekene ba'a gədəwə nyi jiɓe jiɓe le kwa gheme ka ntsehe kwa wəfaɗe.

Zakari 6:6

Ntəŋə wəmata gədəwə nya ntsehe gədəwə nyi ɗɛkeɗɛa ɗɛkeɗɛa dzeme laka bela kwa gwela. Ntəŋə gədəwə nyi ghwaba ghwaba jive laka ŋkwa kepəkwə ta veci. Ntəŋə nyi jiɓe jiɓe dzawa laka bela kwa zeme.